saleem

saleem

Write on வியாழக்கிழமை, 20 செப்டம்பர் 2018

                                       அ. முஹம்மது கான் பாகவி

அருமையான மாணவக் கண்மணிகளே! இஸ்லாமிய வாரிசுரிமை மற்றும் பாகப்பிரிவினை சட்டம் குறித்து அறிந்து வருகிறீர்கள். இச்சட்டம் எவ்வளவு துல்லியமானது; நேர்மையானது என்பதை, ஒப்பீடு அளவில் ஆய்வு செய்தால் உங்களால் உறுதியாகப் புரிந்துகொள்ள முடியும். இஸ்லாமிய வாரிசுரிமைச் சட்டத்தில், ஆண் வாரிசுகளுக்கே முன்னுரிமையும் அதிகப் பாகமும் வழங்கப்படுகின்றன என்றும், பெண் வாரிசுகளுக்குப் பாரபட்சம் காட்டப்படுகிறது என்றும் குற்றமும் குறையும் சொல்லப்படுவதை அறிந்திருப்பீர்கள். அதற்கான தக்க விளக்கத்தை நீங்கள் அறிவது காலத்தின் கட்டாயமாகும். அதற்காகவே இக்கட்டுரை! அறியாமைக் காலம் இஸ்லாத்திற்கு முந்தைய அறியாமைக் காலத்தில் பெண்களைக் கொத்தடிமைகள் போல் நடத்திவந்தனர் அரபியர். திருமணம், மணவிலக்கு, சொத்துரிமை... என எதை எடுத்துக்கொண்டாலும் பெண்களை மனுஷிகளாகவே அவர்கள் மதித்ததில்லை. பெண் சிசு கொலை, பெண்ணைப் பெற்றவன் அவமானம் தாங்காமல் தலைமறைவாக வாழ்வது, கணவனை இழந்த கைம்பெண் மாதக்கணக்கில் அழுக்கோடும் அசிங்கத்தோடும் வாழ வேண்டிய பரிதாபம், கணவன் குடும்பத்தாரே அவளுக்குச் சொந்தம் கொண்டாடி அவளது வாழ்க்கையைச் சூனியமாக்குவது... எனப் பெண்ணினக் கொடுமைகளுக்கு அன்று பஞ்சமே இருந்ததில்லை.
மொத்தத்தில், பெண் இனத்தையே ஓர் அவமானச் சின்னமாகக் கருதிய இருண்ட காலத்தில்தான், நபிகள் நாயகம் (ஸல்) என்ற
அற்புதமான இறைத்தூதர், இஸ்லாமிய மார்க்கத்தை அம்மக்களுக்கு அறிமுகப்படுத்தினார்கள். அன்னாருக்கு இறைவன் குர்ஆன் எனும் மாமறையை அருளினான். அதன் வழியில் புத்துலகிற்கு மக்களை அழைத்துச் சென்றார்கள் நபிகளார்.
அப்புத்துலகில் பெண்மைக்கு மரியாதை இருந்தது. கற்புக்குப் பாதுகாப்பு இருந்தது. தாய்மைக்கு முதலிடம் இருந்தது. பெண்ணைப் பெற்றவன், இம்மையில் மட்டுமன்றி மறுமையிலும் இறைக் கருணைக்கு உரியவன் என்று போதித்தார்கள். ‘தாயின் காலடியில் சொர்க்கம்’ என்று சொல்லி, அன்னையரின் அந்தஸ்தை வானளவிற்கு உயர்த்தினார்கள். (அஹ்மத்)
சொத்துரிமை அறியாமைக்கால அரபியர், சொத்து என்பதேஆண்களுக்கு மட்டும்தான்; ஆண்களிலும் பெரியவர்களுக்கு மட்டும்தான் என்ற தீர்க்கமான முடிவில் இருந்தார்கள். இதற்கு அவர்கள் கற்பித்த காரணம்தான் வேடிக்கையானது. ஆண்களில் பெரியவர்களாலேயே போரில் கலந்துகொள்ள முடியும்; வழிப்பறிக் கொள்ளையில் ஈடுபட முடியும்; பிறர் உடைமைகளைப் பறிக்க முடியும். இப்படி விநோதமான காரணங்களைப் பட்டியலிட்டார்கள். இதனால் பெண்களுக்குச் சொத்துரிமையை மறுத்தனர்; குழந்தைகள், பலவீனர்கள் ஆகியோருக்கும் சொத்தில் பங்கு கிடையாது என்று அறிவித்தனர்.
இந்நிலையில்தான், திருக்குர்ஆன் வாயிலாக இஸ்லாம் பாகப்பிரிவினை விதிகளை மிகத் துல்லியமாகவும் விரிவாகவும் வழங்கியது. இறந்துபோன ஒருவரின் சொத்தில், அவருடைய உறவினர்களில் யார், யாருக்கு உரிமையுண்டு; எவ்வளவு பாகம் உரிமையுண்டு; எப்போது உரிமையுண்டு என்ற விவரங்களை விலாவாரியாக எடுத்துரைத்து, அதைக் குடிமைச் சட்டமாக ஆக்கியது திருக்குர்ஆன். இது நடந்தது கி.பி. 625 வாக்கில். ஆனால், இந்தியாவில் இந்து வாரிசுரிமைச் சட்டம் 1956இலும் கிறிஸ்தவ வாரிசுரிமைச் சட்டம் 1925இலும்தான் இயற்றப்பட்டது; அதுவும் மனிதர்களால்.
இஸ்லாமிய வாரிசுரிமைச் சட்டத்தில், பொதுவானதொரு அடிப்படைக் கூறு உண்டு. இறந்துபோனவரின் சொத்தில் பங்கு பெற வேண்டுமானால், இறந்தவரின் உறவினராக இருக்க வேண்டும் என்பது நிபந்தனை. அதில் இரத்த சொந்தமும் முத்த சொந்தமும் அடங்கும். (திருமணத்தால் வரும் சொந்தமே முத்த சொந்தமாகும்.) உறவின் நெருக்கம், அந்த உறவிலும் பொருளாதாரத் தேவையின் அளவு, வாழ்க்கைச் செலவினத்தை எதிர்நோக்கியுள்ள இளைய தலைமுறையா; வாழ்க்கையின் எல்லையைத் தொட்டுவிட்ட மூத்த தலைமுறையா என்ற கண்ணோட்டம் ஆகிய அடிப்படைகளைக் கொண்டே பாகப் பிரிவினை அமையும்.
ஆக, உறவினருக்கு வாரிசுரிமை உண்டு. ஆனால், வாரிசுகளுக்குக் கிடைக்கும் பங்குகள், அவரவரின் தகுதி நிலைக்கேற்ப கூடலாம்; அல்லது குறையலாம். எல்லாருக்கும் சமமான பாகம் கிடைக்காது. தர்க்கரீதியாக அதை ஏற்கவும் முடியாது. சொத்துக்காரரின் சொந்த மகளும் தம்பியும் சமமாக முடியுமா? மகன் இல்லாதபோது தம்பிக்குச் சொத்தில் பங்கு கிடைக்கலாம். ஆனால், மகளுக்குக் கிடைக்கும் சமமான பங்கு கிடைக்காது.
அவ்வாறே, உறவுகளில் மிக நெருங்கிய உறவினர் இருக்கையில், தூரத்து உறவினருக்குச் சொத்தில் பங்கு கிடைக்காது. சொந்த மகன் இருக்கும்போது, சகோதரனுக்கோ சகோதரிக்கோ சொத்தில் பங்கு கேட்பது முறையாகாது. சகோதரன், உறவில் சற்றுத் தள்ளிப்போய்விடுகிறான் அல்லவா? அவ்வாறே, இறந்தவருக்குத் தந்தை இருக்கையில், தந்தையின் தந்தைக்கோ தந்தையின் உடன்பிறப்புகளுக்கோ பாகம் கேட்பது எந்த வகையில் நியாயம்?
மகளுக்காக வாதாடிய தாய்
அன்சாரியான உம்மு குஜ்ஜா (ரலி) என்ற தாய், நபிகள் நாயகம் (ஸல்) அவர்களிடம் வந்து, “அல்லாஹ்வின் தூதரே! எனக்கு இரண்டு பெண் குழந்தைகள். அவர்களின் தந்தை (என் கணவர்) இறந்துபோய்விட்டார். (அவருக்குச் சொத்து உள்ளது. ஆனால்,) மகள்களுக்கு ஒன்றும் கிடைக்கவில்லை” என முறையிட்டார்.
அப்போதுதான் பின்வரும் வாரிசுரிமை வசனம்
அருளப்பெற்றது (இப்னு மர்தவைஹி) : தாய் தந்தையும் உறவினர்களும் விட்டுச்சென்ற (சொத்)தில் ஆண்களுக்குப் பங்கு உண்டு. (அவ்வாறே,) தாய் தந்தையும் உறவினர்களும் விட்டுச்சென்ற (சொத்)தில் பெண்களுக்கும் பங்கு உண்டு. அ(ந்தச் சொத்)து, குறைவாகவோ அதிகமாகவோ இருந்தாலும் சரியே! இது (அல்லாஹ்வால்) விதிக்கப்பட்ட பங்காகும். (4:7)
இவ்வசனம் ஆண்களைப் போன்றே, பெண்களுக்கும் அடிப்படை சொத்துரிமை வழங்குகிறது; அதைக் கட்டாயமாக்குகிறது. சொத்து சிறியதோ பெரியதோ தாய், தந்தை, உறவுக்காரர் விட்டுச்சென்ற சொத்தில் ஆண் வாரிசுக்கும் பங்கு உண்டு; பெண் வாரிசுக்கும் பங்கு உண்டு. சொத்தை விட்டுவிட்டு இறந்தவருக்கும் வாரிசுகளுக்கும் இடையே உள்ள இரத்த சொந்தம், திருமண பந்தம் ஆகியவற்றைக் கருத்தில் கொண்டு, கிடைக்கும் பங்குகளில் வித்தியாசம் இருந்தாலும் அடிப்படைச் சொத்துரிமையில் ஆணும் பெண்ணும் சமமே! (இப்னு கஸீர்) பெண்ணுக்கான சொத்துரிமையைக் குறிப்பாகச் சொல்லும் ஒரு வசனத்தின் பின்னணி பாருங்கள்:

நபித்தோழர் சஅத் பின் அர்ரபீஉ (ரலி) அவர்களின் துணைவியார் அல்லாஹ்வின் தூதர் (ஸல்) அவர்களிடம் வந்து இப்படி முறையிட்டார்: அல்லாஹ்வின் தூதரே! இவ்விரு பெண் குழந்தைகளும் சஅத் பின் அர்ரபீஉ உடைய புதல்வியர். தங்களுடன் ‘உஹுத்’ போரில் கலந்துகொண்ட இவர்களின் தந்தை (சஅத்), வீரமரணம் அடைந்துவிட்டார்.
இவர்களின் செல்வம் முழுவதையும் சஅதின் சகோதரர் எடுத்துக்கொண்டார். இவர்களுக்கு எதையும் அவர் விட்டுவைக்கவில்லை. இவர்களுக்குச் செல்வம் இருந்தால்தான் திருமணம் நடக்கும். அதற்கு நபி (ஸல்) அவர்கள், “அல்லாஹ் இதற்கு ஒரு தீர்வை அளிப்பான்” என்று கூறினார்கள். அப்போதுதான் பின்வரும் வசனம் அருளப்பெற்றது : ஓர் ஆணுக்கு இரு பெண்களின் பாகத்திற்குச் சமமான (சொத்)து கிடைக்கும் என உங்கள் பிள்ளைகள் விஷயத்தில் உங்களுக்கு அல்லாஹ் அறிவுறுத்துகின்றான். (இரண்டு, அல்லது) இரண்டுக்கு மேற்பட்ட மகள்கள் இருந்தால், (பெற்றோர்) விட்டுச்சென்ற சொத்தில் மூன்றில் இரு பாகங்கள் அவர்களுக்குக் கிடைக்கும். ஒரே ஒரு மகள் (மட்டும்) இருந்தால் (சொத்தில்) பாதி கிடைக்கும். (4:11) இவ்வசனம் இறங்கிய உடனேயே அவ்விருவரின் தந்தையுடைய சகோதரரை அழைத்துவரும்படி நபியவர்கள் ஆளனுப்பினார்கள். அவர் வந்ததும் அவரிடம் நபியவர்கள், ‘‘சஅதுடைய மகள்கள் இருவருக்கும் மூன்றில் இரு பாகங்களும் அவர்களின் தாய்க்கு (சஅதின் மனைவிக்கு) எட்டில் ஒரு பாகமும் கொடுத்துவிடுங்கள். மீதி உங்களுக்குரியது” என்று கூறினார்கள். (திர்மிதீ, அபூதாவூத், இப்னுமாஜா, முஸ்னது அஹ்மத்) அதாவது இறந்தவரின் மனைவிக்கும் அவருடைய மகள்களுக்கும் சொத்துரிமை மறுத்த ஆணிடம், அவர்களுக்குச் சொத்துரிமை வழங்கும்படி நபியவர்கள் ஆணையிட்டார்கள். (வரைபடம் காண்க!)பெண்ணின் ஆறு பருவங்கள் பெண்கள் அடையும் ஆறு பருவங்களிலும் அந்தந்தப் பருவங்களில் உள்ள உறவினர்களிடமிருந்து பெண்களுக்குச் சொத்துரிமை கிடைக்கும் என்கிறது இஸ்லாமிய ஷரீஆ குடிமைச் சட்டம். மகள்: தாய், அல்லது தந்தை இறந்துவிட்டால், அவர்களின் சொத்தில் மகளுக்குப் பங்கு உண்டு. (மகன் இல்லாமல்) ஒரு மகள் இருந்தால், மொத்த சொத்தில் பாதி (50%) அவளுக்குச் சொந்தம். இரு மகள்களோ அதற்கு மேலோ இருந்தால், சொத்தில் மூன்றில் இரு பாகம் (66.66%) கிடைக்கும். அதை அவர்கள் சமமாகப் பிரித்துக்கொள்ள வேண்டும். மகனும் இருந்தால், அவனுக்கு இரு பங்கும் மகளுக்கு ஒரு பங்கும் கிடைக்கும்.

2. பேத்தி: சொத்துப் பிரிவினையின்போது மகன் இறந்து போயிருந்தால், மகனின் மகனுக்கும் (பேரன்) மகனின் மகளுக்கும் (பேத்தி) சொத்துரிமை உண்டு. பாகப் பிரிவினை செய்யும்போது மகள் இறந்து போயிருந்தால், மகளின் மகனுக்கும் (பேரன்) மகளின் மகளுக்கும் (பேத்தி) பங்கு கிடைக்கும். மகன் அல்லது மகளின் இடத்தை பேரனும் பேத்தியும் அடைவர்.
3. மனைவி: கணவனின் சொத்தில் மனைவிக்குப் பங்கு கிடைக்கும். குழந்தை இருந்தால், மொத்த சொத்தில் எட்டில் ஒரு பாகமும் (12.50%) குழந்தை இல்லாவிட்டால் நான்கில் ஒரு பாகமும் (25%) மனைவிக்கு உரியதாகும்.
4. தாய்: மகனோ மகளோ இறந்துபோனால், அவர்களின் சொத்தில் பெற்ற தாய்க்குப் பங்கு உண்டு. இறந்தவருக்குக் குழந்தை இருந்தால், தாய்க்கு மொத்த சொத்தில் ஆறில் ஒரு பாகமும் (16.66%) இறந்தவருக்குக் குழந்தை இல்லாவிட்டால் தாய்க்கு மூன்றில் ஒரு பாகமும் (33.33%) கிடைக்கும்.
5. சகோதரி: சகோதரன் இறந்துபோனால், அவன் விட்டுச்செல்லும் சொத்தில் சகோதரிக்கு ஒரு கட்டத்தில் பங்கு உண்டு. இறந்து
போனவருக்கு மூலவாரிசான பெற்றோரோ பெற்றோரின் பெற்றோரோ கிளைவாரிசான மக்களோ மக்களின் மக்களோ இல்லாத சந்தர்ப்பத்தில் சகோதரிக்குப் பங்கு கிடைக்கும். சகோதரி ஒருத்தி இருந்தால், மொத்த சொத்தில் பாதியும் (50%) ஒருவருக்குமேல் இருந்தால் மூன்றில் இரு பாகங்களும் (66.66%) சொத்துக் கிடைக்கும். (குர்ஆன் 4:176)
6. பாட்டி: பேரன், அல்லது பேத்தியின் சொத்தில் பாட்டிக்கும் பங்கு உண்டு. ஆனால், இறந்தவருக்குத் தாய் இல்லாதபோதுதான், தாயின் இடத்தைத் தாயின் தாய் அடைவார். (பாட்டி விவகாரத்தில் பலத்த கருத்துவேறுபாடு காணப்படுகிறது.) ஆண்-பெண் வித்தியாசம் ஏன்? முதலில் ஒன்றைப் புரிந்துகொள்ள வேண்டும். இஸ்லாம் கூறும் பாகப்பிரிவினைச் சட்டத்தில், ஆணுக்கு இரு பங்கு; பெண்ணுக்கு ஒரு பங்கு என்பது நான்கு கட்டங்களில் மட்டுமே.
1. தாய், அல்லது தந்தையின் சொத்தில் மகன் மற்றும் மகளுக்குப் பங்கு பிரிக்கும்போது.
2. பாட்டி, அல்லது தாத்தாவின் சொத்தில் பேரன்-பேத்திக்குப் பங்கு கொடுக்கும்போது.
3. கணவன் சொத்தில் மனைவிக்கும் மனைவி சொத்தில் கணவனுக்கும் பங்கு கொடுக்கும்போது.
4. இறந்தவரின் சகோதரன் மற்றும் சகோதரிக்குப் பங்கு கிடைக்கும் கட்டத்தில்.
சில சமயங்களில் ஆண்-பெண் உறவுகளுக்குச் சமமான பங்கு அளிக்கப்படும். உதாரணமாக, இறந்துபோனவருக்கு மூலவாரிசுகளோ கிளை வாரிசுகளோ இல்லாத நிலையில் தாய்வழிச் சகோதர-சகோதரிகளுக்கு (தாய் ஒன்று; தந்தை வேறு) சொத்தில் பங்கு கிடைக்கும்.
இந்தச் சகோதர-சகோதரிகள் பலர் இருந்தால், மொத்த சொத்தில் மூன்றில் ஒரு பாகம் (33.33%) கிடைக்கும். அதை அவர்கள் (ஆண்-பெண் வித்தியாசமின்றி) சமமாகத் தங்களிடையே பிரித்துக்கொள்ள வேண்டும். (குர்ஆன், 4:12)
இன்னொரு தகவல்: சில உறவுகளில் ஆணைவிடப் பெண்ணுக்குக் கூடுதல் பங்கும் கிடைப்பதுண்டு. உம்: ஒருவரின் சொத்தில் அவருடைய தந்தையைவிட மகள் கூடுதல் பங்கு பெறுகிறார். இன்னும் சில கட்டங்களில் பெண்ணுக்கு மட்டுமே பாகப்பிரிவினையில் பங்கு உண்டு; நிகரிலுள்ள ஆணுக்கு பங்கே கிடைக்காது. உம்: வரைபடம் காண்க:

கூடுதல் சுமை ஆணுக்கே!
பொதுவாக, இஸ்லாமியக் குடும்ப வாழ்க்கை அமைப்பில் ஆணுக்கே எல்லாவிதப் பொருளாதாரச் சுமையும் கடமையும் உண்டு; அல்லது கூடுதல் சுமை உண்டு. குடும்பத்தைக் கட்டிக்காத்தல், தொழில் மற்றும் வணிகத்தில் முதலீடு செய்தல், குடும்பத் தேவைகளைப் பூர்த்தி செய்தல், தன் தேவையையும் பார்த்துக்கொண்டே, தன்னை நம்பியுள்ள மனைவி, மக்கள், பெற்றோர், சில நேரங்களில் சகோதரிகள் முதலான உறவுகளின் தேவைகளையும் கவனிக்க வேண்டிய பொருளாதார நெருக்கடியில் ஆண்மகன் உள்ளான். பெண்ணுக்கு இச்சுமைகள் இல்லை -கட்டாயக் கடமை இல்லை.பிறந்த வீட்டில் இருக்கும்வரை, பெண்ணின் எல்லாத் தேவைகளையும் தந்தை கவனித்துக்கொள்கிறார். அது அவரது கடமையும்கூட. தந்தை இல்லாத கட்டத்தில் சகோதரர்களோ நெருங்கிய வேறு உறவினர்களோ கவனித்தாக வேண்டும். புகுந்த வீட்டில், அவளுக்கு வேண்டிய நியாயமான தேவைகள் கணவனால் நிறைவேற்றப்பட வேண்டும். அது அவனது பொறுப்பு. கணவன் இல்லாத நிலையில் கணவன் குடும்பத்தாரோ அவளுடைய பிள்ளைகளோ அப்பெண்ணுக்குப் பொறுப்பேற்க வேண்டிய கட்டாயம் உண்டு.அப்படி ஒருவருமே உதவ முன்வராவிட்டால் இஸ்லாமிய அரசு, ஆதரவற்றோருக்கான நிதியிலிருந்து நிதியுதவி அளித்தாக வேண்டும். இந்தியா போன்ற நாடுகளில், முஸ்லிம் ஜமாஅத் ஸகாத், ஸதகா போன்ற நிதிகளிலிருந்து அவளுடைய தேவைகளை நிவர்த்திக்க முன்வர வேண்டும்.
ஆக, ஒரு பெண் தன் சொந்த தேவைக்காகட்டும்! பிறர் தேவைகளுக்காகட்டும்! பொறுப்பேற்கும் கட்டாயம் இஸ்லாத்தில் இல்லை. ஆதலால், ஆணுக்கும் பெண்ணுக்கும் - சகோதரனுக்கும் சகோதரிக்கும் ஒரேயளவிலான பொருளா
தாரத் தேவை இல்லை என்பது தெளிவு. எனவேதான், ஆணுக்கு இரு பாகம்; பெண்ணுக்கு ஒரு பாகம் என்ற கணக்கு சில கட்டங்களில் விதியாக்கப்பட்டுள்ளது. இந்த ஒரு பாகத்தின் வாயிலாகப் பெண், தெம்போடும் சமூக அந்தஸ்
தோடும் வாழ முடியும் என்ற நிலையை அடையலாம். நடைமுறையில் உள்ளதா? எல்லாம் சரி! குர்ஆனின் இக்கட்டளை நடைமுறைப்படுத்தப்படுகிறதா? முஸ்லிம் குடும்பங்களில் பெண்களுக்கு ஷரீஆ குடிமைச் சட்டப்படி சொத்துரிமை வழங்கப்
படுகிறதா? முறைப்படி பாகப்பிரிவினைவழங்கப்படுகிறதா? இக்கேள்விக்கு சமுதாயம் பதில் சொல்லியே ஆக வேண்டும்; தட்டிக்கழிக்க முடியாது. மார்க்கச் சட்டப்படி நடக்கும் இறையச்சமுள்ள குடும்பங்களில் இது முறையாகச் செயல்படுத்தப்படுவதை நாம் மறுக்கவில்லை. ஆனால், இந்தியாவில் -குறிப்பாக தமிழ்நாட்டில் பெரும்பாலான குடும்பங்களின் நிலை என்ன?
திருமணத்தின்போது, பெண்ணுக்கு வழங்கப்படும் சீர்வரிசை, வரதட்சிணை போன்ற -மார்க்கத்தில் இல்லாத- சடங்குகளைத் தவிர, பிறந்த வீட்டிலிருந்து வேறு என்ன சொத்துக் கிடைக்கிறது? கேட்டால், கல்யாணத்திலேயே 50 சவரன், நூறு சவரன் போட்டுவிட்டோம். மாப்பிள்ளைக்கு கார், அல்லது பைக் வாங்கிக் கொடுத்தோம். மிகச் சிலர், வீடு வாங்கிக் கொடுத்தோம். இதற்குமேல் பாகப்பிரிவினை என்ன கிடக்கிறது? என்று ஆண் வாரிசுகள் முகத்தில் அடித்தாற்போல் பதில் சொல்கிறார்கள்.
ஆரம்பமாக இதைப் புரிந்துகொள்ளுங்கள்! வரதட்சிணை என்பது இஸ்லாத்தில் இல்லாத, வேறு கலாசாரம். இதைக் காரணம் காட்டி, மார்க்கம் கட்டாயமாக்கியுள்ள பாகப்பிரிவினையை எப்படி மறுக்கலாம்? திருமணத்தின்போது பெண்ணுக்குத் தரப்படும் பொருள் அன்பளிப்பு என்று ஒரு வாதத்திற்கு வைத்துக்கொண்டால், அன்பளிப்பைப் பேரம் பேசியோ முன்நிபந்தனை விதித்தோ வாங்கலாமா? அதற்கு அன்பளிப்பு என்றுசொல்ல முடியுமா? அவ்வாறே, அன்பளிப்பாகக் கொடுக்கப்பட்டதைப் பாகப்பிரிவினையில் கணக்கிடலாமா? தயைகூர்ந்து யோசியுங்கள்!ஆகவே, அதற்கும் பாகப்பிரிவினைக்கும் சம்பந்தமில்லை. பாகப்பிரிவினைக்கு முன்பாகக் கோடியே கொடுத்திருந்தாலும், பெண்ணுக்காகச் செலவிட்டிருந்தாலும் பாகப்பிரிவினைபங்கில் அது சேராது; சேர்க்கக் கூடாது. அப்படிப் பார்த்தால், ஆணுக்குச் செலவழிப்பதில்லையா? படிப்பு, வேலை, திருமணம்,தனிவீடு... என இலட்சக்கணக்கில் செலவழித்தும்விட்டு, பாகப்பிரிவினையின்போது சண்டைபோட்டுத் தன் பங்கை ஆண் வாரிசு வாங்குகிறானா இல்லையா? பதில் சொல்லுங்கள்!நபித்தோழர் சஅத் பின் அபீவக்காஸ் (ரலி) அவர்களிடம் அல்லாஹ்வின் தூதர் (ஸல்) அவர்கள் கூறினார்கள் : உம்முடைய வாரிசுகளை, மக்களிடம் கையேந்தும் ஏழைகளாக விட்டுச் செல்வதை விடத் தன்னிறைவு உடையவர்களாக விட்டுச் செல்வதே சிறந்தது. (புகாரீ - 1295)

Write on வியாழக்கிழமை, 20 செப்டம்பர் 2018

இந்திய சுதந்திரப் போராட்டத்தில் தமிழக முஸ்லிம்கள் முன்னணிப் பங்கு வகித்தனர். குறிப்பாக அன்றைய ஒருங்கிணைந்த தஞ்சாவூர் மாவட்ட முஸ்லிம்கள் இப் போராட்டங்களில் பெருமளவு பங்கெடுத்துக் கொண்டனர். கும்பகோணம் எஸ்.ஏ. ரஹீம் மற்றும் கே.எம். ஷெரீப், இராஜகிரி டான்ஸ்ரீ, டத்தோ உபயதுல்லா சாகிப் (நேதாஜியின் இந்திய தேசியப் படையில் பணியாற்றியவர்) அய்யம்பேட்டை கூ.அ. அப்துல் மஜீத், மன்னார்குடி பாவலர் எஸ்.எம். முகம்மது யூசுப், தஞ்சாவூர் ஏ. அலாவுதீன் மற்றும் எஸ்.எஸ். இப்ராகிம், நாகப்பட்டினம் ஏ.கே.எம். முகையதீன் மரைக்காயர் என இப்பட்டியல் மிக நீளமானது.
அன்றைய தஞ்சாவூர் மாவட்டத்தில் மட்டும் சுதந்திரப் போராட்டங்களில் கலந்து கொண்டு சிறை சென்ற முஸ்லிம்களின் எண்ணிக்கை 1422ஆகும். இவர்களுள் சுதந்திரப் போராட்டங்களில் முன்னணிப் பங்கு வகித்த கும்பகோணம் எஸ்.ஏ. ரஹீம் அவர்களைப் பற்றி இந்த இதழில் பார்க்கவிருக்கிறோம்.
பிறப்பு - கல்வி :
கும்பகோணத்தில் தபால் - தந்தித் துறையில் அலுவலராகப் பணியாற்றிய ஷேக்தாவூது என்பாரின் மகனாக 1913ம் ஆண்டு எஸ்.ஏ.ரஹீம் பிறந்தார். இவர் தனது தொடக்க மற்றும் இடைநிலைக் கல்வியை கும்பகோணத்
திலுள்ள பள்ளிகளிலேயே கற்றுத் தேறினார். அங்குள்ள பாணாதுரை உயர் நிலைப் பள்ளியில் இவர் பயின்று கொண்டிருந்த போது அப்பள்ளியின் தலைமையாசிரியராக கிருஷ்ணசாமி ஐயங்கார் என்பவர் பணிபுரிந்தார். தேசிய சிந்தனையும், நாட்டுப்பற்று முடைய இவ்வாசிரியர் மாணவர்களுக்குப் பாடம் நடத்துகின்ற போதே இந்திய சுதந்திரப் போராட்டம் குறித்தும், அதில் கலந்து கொண்டுள்ள தலைவர்களின் தியாக வரலாறு பற்றியும் விரிவாக எடுத்துச் சொல்லுவார்.
இது மாணவர்களிடையே தேசிய உணர்வை மேலோங்கச் செய்தது. அப்படி தேசிய உணர்வும். நாட்டுப் பற்றும் விடுதலை வேட்கையும் பெற்றவர்தான் எஸ்.ஏ. ரஹீம் இதனால் அவருக்குப் படிப்பில் நாட்டம் குறைந்தது. விடுதலைப் போரில் ஈடுபட வேண்டுமென்ற வேட்கை அதிகரித்தது. கும்பகோணத்தில் நடைபெற்ற சுதந்திரப் போராட்டக் கூட்டங்களில் அவர் தவறாது கலந்து கொண்டு அதில் உரையாற்றிய தலைவர்களின் பேச்சை ஆர்வமுடன் கேட்டு வந்தார்.
மேலும் அந்தக் காலகட்டத்தில் நடைபெற்ற உப்புச் சத்தியாக் கிரகப் போராட்டம் அவரைப் பெரிதும் ஈர்த்தது. இந்திய நாட்டுச் செல்வங்களை இங்கிலாந்துக்கு கவர்ந்து சென்ற ஆங்கில ஆட்சியாளர்கள், அங்கு உற்பத்தி செய்யப்பட்ட துணிகள், கனரகப் பொருட்கள் ஆகியவற்றை இந்தியாவுக்குக் கொண்டு வந்து இங்குள்ள சந்தைகளில் விற்பனைக்கு விட்டனர். இங்கிலாந்திலிருந்து சரக்குகளை ஏற்றிக் கொண்டு வரும் கப்பல்களில் அவற்றின் கொள்ளளவுக்குப் போதுமான சரக்குகள் இல்லாத சமயங்களில் கப்பல்களின் அடித்தளம் ஆடாமல் இருப்பதற்காக அவற்றில் மணலை நிரப்பிக் கொண்டு வருவது வழக்கம். எனினும், நாளாவட்டத்தில் மணலுக்குப் பதிலாக அங்கு உற்பத்தி செய்யப்பட்ட உப்பை ஏற்றிக் கொண்டு வந்து அதனை விற்பதற்காக இந்தியச் சந்தைகளுக்குக் கொண்டு வந்தனர்.
மேலும், நமது நாட்டிலுள்ள உப்பளங்களையும் ஆங்கிலேய ஆட்சியினர் தங்களது கட்டுப்பாட்டின் கீழ் கொண்டு வந்தனர். எனினும், மக்கள் இறக்குமதி செய்யப்பட்ட இங்கிலாந்து உப்பை வாங்காது இந்தியாவில் உற்பத்தி செய்யப்பட்ட உப்பையே வாங்கினர். இதனால் இறக்குமதி செய்யப்பட்ட இங்கிலாந்து உப்பு தேக்கமுற்றது எனவே, ஆங்கிலேய அரசு இந்திய உப்புக்கு 240 சதவிகிதம் வரி விதித்தது. இதனால் உப்பு விலை உயர்ந்தது. உப்புக்குப் போடப்பட்ட இந்த வரியை மக்கள் ஏற்கவில்லை. உப்பு வரியை எதிர்த்து மகாத்மா காந்திஜி நாடு தழுவிய போராட்டத்தை அறிவித்தார். இதுவே சுதந்திரப் போராட்டத்தில் திருப்பத்தை ஏற்படுத்திய உப்புச் சத்தியாக்கிரகமாகும்.
மகாத்மா காந்திஜி 12.02.1930 அன்று குஜராத்தின் கடற்கரை நகரான தண்டிக்குப் பாதயாத்திரை மேற்கொண்டார். தமிழ் நாட்டில் தஞ்சை மாவட்டத்தின் கடற்கரை நகரான வேதாரண்யத்தில் இராஜாஜி தலைமையில் 13.04.1930 அன்று உப்பு சத்தியாக்கிரகம் நடைபெற்றது. இப்போராட்டத்தில் கலந்து கொண்ட கும்பகோணத்தைச் சார்ந்த சக்கரவர்த்தி அய்யங்கார், இராமலிங்கம் ஆகியோர் காவலர்களால் கடுமையாகத் தாக்கப்பட்டனர். இச்சம்பவத்தை நேரில் கண்ட எஸ்.ஏ. ரஹீமின் உள்ளத்தில் குடிகொண்டிருந்த விடுதலை வேட்கை மேலும் தீவிரமடைந்தது.
காங்கிரஸ் கட்சியில் சேர்ந்த அவர், தமிழ் மாகாணமெங்கும் சுற்றுப் பயணம் மேற்கொண்டு அங்கு ஏற்பாடு செய்யப்பட்ட பொதுக் கூட்டங்களில் உரையாற்றினார். மக்களைச் சுதந்திரப் போராட்டங்களில் ஈடுபடுமாறு தூண்டினார். தீவிரச் செயல்பாடுகள் காரணமாக அவர் காங்கிரஸ் தலைவர்களின் அன்பையும், பாராட்டுதல்களையும் பெற்றார்.
குறிப்பாக, காங்கிரஸ் தலைவர் சத்திய மூர்த்தியின் நேசத்திற்குரிய சீடராக விளங்கினார். ‘கும்பகோணம் என்றாலே அனைவருக்கும் மகாமகம் நினைவுக்கு வரும். ஆனால் இப்போது கும்பகோணம் என்றால் மகாமகம் சட்டென்று என் நினைவிற்கு வருவது இல்லை. எஸ்.ஏ. ரஹீம் தான் நினைவுக்கு வருகிறார்’ என்று சத்தியமூர்த்தி ஒருமுறை குறிப்பிட்டாராம். அந்த அளவிற்கு ரஹீமின் செயல்பாடுகள் அமைந்திருந்தன.
போராட்டங்கள்:
ஒத்துழையாமை இயக்கம், கள்ளுக்கடை மறியல், அன்னியத் துணிகள் புறக்கணிப்பு, நாகபுரி கொடிப் போராட்டம், வெள்ளையனே வெளியேறு இயக்கம் என காங்கிரஸ் கட்சி அறிவித்த அனைத்துப் போராட்டங்களிலும் ரஹீம் பங்கு கொண்டார். அதன் காரணமாகப் பலமுறை கைது செய்யப்பட்டு நீதி மன்ற விசாரணைக்குப் பின் திருச்சி. கடலூர், அலிப்பூர், பெல்லாரி, ஷிமோகா ஆகிய இடங்களில் சிறைவாசம் அனுபவித்தார்.
1942ஆம் ஆண்டு நடைபெற்ற வெள்ளையனே வெளியேறு இயக்கத்தின் போது அவர் தலைமறைவு வாழ்க்கை நடத்தினார். அப்போது திருச்சி -கோயம்புத்தூர் மார்க்கமாகச் செல்லும்பயணிகள் ரயிலை நொய்யல் - புகளூர் இடையே டைனமேட் வைத்துத் தகர்க்கத் திட்டம் தீட்டி அந்தப் பொறுப்பை எஸ்.எம். பாஜான் என்பவரிடம் ஒப்படைத்தார். எனினும் அவர் போட்ட திட்டத்திற்கு மாறாக அந்த நேரத்தில் பயணிகள் ரயில் வருவதற்குப் பதிலாக சரக்கு ரயில் வந்ததால் அது சேதமுற்றது. காவல்துறையினர் பாஜானைக் கைது செய்து சிறையிலடைத்தனர்.
இரண்டாம் உலகப் போரின் போது இந்திய இராணுவத்தை போரில் ஈடுபடுத்தியதற்கு காங்கிரஸ் தலைவர்கள் கடும் எதிர்ப்புத் தெரிவித்துப் போராட்டங்களில் ஈடுபட்டனர். இப்போராட்டத்தில் கலந்து கொண்ட ரஹீம் பாதுகாப்புச் சட்டத்தின் கீழ் கைது செய்யப்பட்டு சிறையில் அடைக்கப்பட்டார். விடுதலை செய்யப்பட்ட பிறகும் தொடர்ந்து பொதுக் கூட்டங்களில் கலந்து கொண்டு ஆங்கிலேய அரசிற்கு எதிராகப் பேசிவந்தார்.  அதற்காக அவரும், அவரது நண்பர் சடகோபன் என்பவரும் மீண்டும் கைது செய்யப்பட்டனர். அவர்கள் மீது அரசு தொடர்ந்த வழக்கில் நீதிமன்றம் இருவருக்கும் ஐந்து மாதம் கடும் காவல் தண்டனை விதித்தது. இந்த இயக்கத்தின் போது, திருவாடானையில் நடைபெற்ற போராட்டத்தில் கைது செய்யப்பட்டு சிறையில் அடைக்கப்பட்டிருந்த வீரர்களின் குடுபத்தினருக்கு உதவி செய்வதற்காக என்.இராமரத்தினம், குமாரவேலு, சொக்கலிங்கம் செட்டியார் ஆகியோருடன் இணைந்துநிதிதிரட்டி அக்குடும்பத்தினருக்கு வழங்கினார். 1938ஆம் ஆண்டு காங்கிரஸ் கட்சியின் நன்னிலம், தாலுகா மாநாடு இவரது தலைமையில் நடைபெற்றது. அக்காலகட்டத்தில் முஸ்லிம்லீகிற்கும், காங்கிரஸ் கட்சிக்கு
மிடையே அரசியல் உறவுகள் சீர் கெட்டிருந்தன. இம் மாநாட்டில் உரையாற்றிய ரஹீம், முஸ்லிம் லீகையும், அதன் தலைவர்களையும் கடுமையாக விமர்சனம் செய்தார். இந்த நிகழ்ச்சியை முடித்துக் கொண்டு அவர் எரவாஞ்சேரி எனும் ஊரில் நடைபெறவிருந்த கூட்டம் ஒன்றில் கலந்து கொள்வதற்காகச் சென்று கொண்டிருந்த போது, முஸ்லிம் லீக் கட்சியினர் அவரை வழி மறித்துச் சவுக்குக் கட்டைகளால் தாக்கினர்.
இதில் படுகாயமுற்று மயக்க மடைந்த அவரை இறந்து விட்டதாகக் கருதி அங்கிருந்த ஆற்றில் தூக்கியெறிந்தனர். ஆற்றங்கரையில் மயங்கிக் கிடந்த அவரை அப்பகுதியைச் சார்ந்த கிராம மக்கள் தூக்கி ஒரு மாட்டு வண்டியில் கிடத்தி கணபதி என்ற டாக்டரிடம் கொண்டு சென்றனர். அந்த டாக்டர் உரிய நேரத்தில் மேற்கொண்ட சிகிச்சை காரணமாக அவர் உயிர் பிழைத்தார்.
பிரிவினை எதிர்ப்பு:
1940ஆம் ஆண்டு அகில இந்திய முஸ்லிம் லீக் பாகிஸ்தான் கோரிக்கையை முன்வைத்து இயக்கங்கள் நடத்திய போது, தமிழ்நாட்டில் காங்கிரஸ் கட்சியில் அங்கம் வகித்த முஸ்லிம் பிரமுகர்கள் அக்கோரிக்கையைத் தீவிரமாக எதிர்த்துப் பிரச்சாரங்களில் ஈடுபட்டனர். எஸ்.ஏ. ரஹீம் அந்தப் பிரச்சாரங்களில் முன்னணியில் இருந்தார். 24.04.1942 அன்று திண்டுக்கல் அருகிலுள்ள சின்னாளப்பட்டியில் நடைபெற்ற பிரிவினை எதிர்ப்பு மாநாட்டில் கலந்து கொண்டு உரையாற்றினார்.
இதுவே, தமிழ்நாட்டில் நடைபெற்ற முதல் பிரிவினை எதிர்ப்பு மாநாடாகும். பின்னர் 12.07.1942 அன்று கும்பகோணத்தில் ஒரு மிகப் பெரிய பிரிவினை எதிர்ப்பு மாநாட்டை காங்கிரஸ் கட்சியிலிருந்த முஸ்லிம்கள் நடத்தினர். அதில் அகில இந்திய காங்கிரஸ் கட்சியின் செயற்குழு உறுப்பினர் கே.எம். ஷெரீப் சாகிப். சென்னை மாகாண பார்லிமெண்டரி காரியதரிசி நாகப்பட்டினம் ஏ.கே.எம். முகையதீன் மரைக்காயர்,மதுரை முகம்மது மௌலானா சாகிப். வடஆற்காடு ஜில்லா போர்டு உபதலைவர் வி.எம். உபயதுல்லா சாகிப் ஆகியோர் கலந்து கொண்டு பிரிவினையை எதிர்த்து உரையாற்றினர். இம் மாநாட்டை எஸ்.ஏ.ரஹீம் முன்னின்றுநடத்தினார்.
அந்தக் காலகட்டத்தில் சக்ரவர்த்தி இராஜகோபாலாச்சாரி முஸ்லிம் லீகின் தனி நாடு பிரிவினைக் கோரிக்கைக்கு ஆதரவு தெரிவித்தார். இதன் காரணமாக அவர் காங்கிரஸ் கட்சியை விட்டு விலக நேர்ந்தது. இராஜாஜியின் இந்த நிலைப்பாட்டை காங்கிரஸிலிருந்த முஸ்லிம் பிரமுகர்கள் எதிர்த்தனர். எஸ்.ஏ.ரஹீம். இராஜாஜியின் இந்தப் போக்கைக் கண்டித்து ‘ஓட்டைப்படகு’ என்ற நூலை எழுதி வெளியிட்டார்.
நூல்கள்:
தேசிய உணர்வையும், நாட்டுப் பற்றையும் வலியுறுத்தும் விதமாக “இந்தியா என் வீடு, விடுதலை முழக்கம், வழிகாட்டிய உத்தமர் மாவீரன் வரலாறு, கொடியின் கதை” ஆகிய நூல்களையும் ரஹீம் எழுதியுள்ளார். ‘புத்தரின் அடிச்சுவட்டில்’ என்ற இன்னொரு நூலையும் எழுதி வெளியிட்டார்.
பண்பு நலன்கள்:
தனது நலன், குடும்ப நலன் என எதைப் பற்றியும் கவலைப்படாமல் 19 வயதிலேயே அவர் சுதந்திரப் போராட்டங்களில் கலந்து கொண்டார். உயர்ந்த லட்சியவாதியாகவும், தியாகத்தின் சின்னமாகவும் விளங்கினார். மிகச் சிறந்த மேடைப் பேச்சாளராகவும் திகழ்ந்தார். இவரது எழுச்சியூட்டும் உரை கேட்டு மக்கள் மெய்சிலிர்த்தனர். ‘இறந்த பிணமும் இவரது பேச்சைக் கேட்டு உயிர்பெற்று எழும்’ என்று கூறத்தக்க அளவிற்கு அவரது உரை வீரியத்துடன் இருந்தது.
குடும்பம்:
தனது 33வயதில் அதாவது 1946ஆம் ஆண்டு (அப்போது காங்கிரஸிலிருந்த சில தேசிய முஸ்லிம்கள் செய்தது போல்) இவர் ராஜம் என்ற இந்துப் பெண்மணியைத் திருமணம் செய்து கொண்டார். திருமணத்திற்குப் பிறகு
தனது மனைவியை மருத்துவக் கல்லூரியில் சேர்த்துப் படிக்க வைத்தார். இத்தம்பதியினருக்கு ஒரு மகனும் ஒரு மகளும் உண்டு. மகள் தற்போது தனது கணவருடன் சவூதி அரேபியாவில் வாழ்ந்து வருவதாகச் சொல்லப்படுகிறது.

முடிவுரை:
சுதந்திரப் போராட்டத்தில் கலந்து கொண்டு தியாகங்கள் பல செய்த எஸ்.ஏ.ரஹீம் 1945ஆம் ஆண்டு காங்கிரஸிலிருந்து விலகி ஜெயப்பிரகாஷ் நாராயணன் தலைமையிலான சோஷலிஸ்ட் கட்சியில் சேர்ந்தார். (அந்தக் காலகட்டத்தில் பலர் காங்கிரஸிலிருந்து விலகி வேறு கட்சிகளில் சேர்ந்தனர்) சில ஆண்டுகளுக்குப் பின்னர் தீவிர அரசியலிருந்து விலகி பொதுப்பணிகளில் ஈடுபட்டு வந்தார். 1985 ஆம் ஆண்டு தனது 72வது வயதில் காலமானார்.
சுதந்திரப் போராட்டத்தில் கலந்து கொண்டமுஸ்லிம்களின் வீர வரலாறு இந்திய வரலாற்றுப் பக்கங்களில் உரிய முறையில் பதிவு செய்யப்படவில்லை. இதன் காரணமாக முஸ்லிம்கள் இந்திய சுதந்திரப் போராட்டத்
தில் பங்கு பெறவேயில்லை என்ற தவறான எண்ணம் பிற சமய மக்களிடையே மட்டுமல்ல முஸ்லிம்களிடையேயும் இருக்கிறது. இந்தத் தவறான எண்ணமும் கருத்தும் போக்கப்பட வேண்டும். அதற்கு இது போன்ற கட்டுரைகள் துணை செய்யும் என நம்புகிறேன்.
ஆதார நூல்கள்:
1. விடுதலைப் போரில் முஸ்லிம்கள் - வி.என். சாமி
(வெளியீடு: பாவலர் பதிப்பகம், 37, குருவிக் காரன் சாலை, மதுரை 625009. தொலைபேசி எண்: 0452 4512250)
2. விடுதலைப்போரில் தமிழக முஸ்லிம்கள் -செ.திவான்
(வெளியீடு: சுஹைனா பதிப்பகம், 106/85, திருவனந்தபுரம் ரோடு, பாளையங்கோட்டை - 627002)
கட்டுரையாளருடன் தொடர்பு கொள்ள ... 99767 35561

Write on வியாழக்கிழமை, 20 செப்டம்பர் 2018

தமிழ்நாடு பொதுத் தேர்வாணையத்தின் தரவுகளின்படி 1960 தொடங்கி 1980 வரையிலான காலத்தில் அரசு வேலைக்கு வந்தவர்களின் சாதிப் பின்னணி அடியோடு மாறியிருந்தது. பிற்படுத்தப்பட்ட வகுப்புகளைச் சேர்ந்தவர்கள் அதிக எண்ணிக்கையில் அரசு வேலைகளைப் பெற்றனர். பிற்படுத்தப்பட்டவர்கள், மிகவும் பிற்படுத்தப்பட்டவர்கள், பட்டியல் இனச் சாதிகள் ஆகியவற்றைச் சேர்ந்தவர்கள் அதிக எண்ணிக்கையில் வேலைக்குச் சேர்ந்ததால் அதிகாரவர்க்கக் கட்டமைப்பே அடியோடு மாற்றம் கண்டது.
மக்கள்தொகையில் குறைவாக இருந்தாலும், அதற்குப் பொருத்தமில்லாத வகையில் அபரிமிதமாக அரசு வேலைகளைப் பிராமணர்கள் ஆக்கிரமித்திருந்த நிலை சீராக்கப்பட்டது. புதிய வேலைவாய்ப்புகளில், முற்பட்ட வகுப்பினரின் பிரதிநிதித்துவம் கணிசமாகக் குறைந்தது. அத்துடன் அரசு வேலையில் பிற்படுத்தப்பட்ட வகுப்புகளைச் சேர்ந்தவர்கள், குறிப்பாக, அதுவரை அரசு வேலைக்கே வந்திராத பல சாதியினர் வேலைகளைப் பெற்றனர். இது அரசின் நிர்வாகத்தில் பன்மைத்துவத்தை வலுப்படுத்தியது. இது மிகமிக முக்கியமான மாற்றம்.
எஸ்.நாராயணன் எழுதிய புதிய நூல் ‘தி திரவிடியன் இயர்ஸ்:
பாலிடிக்ஸ் அண்ட் வெல்ஃபேர் இன் தமிழ்நாடு

Write on திங்கட்கிழமை, 17 செப்டம்பர் 2018

இந்த மாத இதழில், நாம் ‘தொழுகையும் ஆன்மீக
மும்’ என்ற தலைப்பின் கீழ் தொழுகையும் இறை சிந்தனையும் எவ்வாறு பிணைக்கப்பட்டுள்ளது என்பதை பார்ப்போம்
“என்னை நினைவு கூறும் பொருட்டு தொழுகையை நிலைநிறுத்துவீராக!’’ (20:14) இவ்வசனத்தில் நாம்
தொழுகையும் திக்ர் என்று கூறப்படும் இறை சிந்தனையும் இணைக் கப்பட்டிருப்பதை காணலாம்.
தொழுகையின் எந்த நிலையானாலும்-நின்றா
லும்,குனிந்தாலும்,சிரம்பணிந்தாலும், அமர்ந்தா லும் அது மட்டுமல்லாது தொழுகையின் போது நாம் அல் குர்ஆன் வசனங்களை ஓதுவதும் திக்ர் தான். ஆதாரம் குர் ஆனுக்கு திக்ர் என்ற ஒரு பெயரும் உண்டு. பார்க்க (15:9)
ஆக, தொழுகையின் போது நாம் செய்வது ஒன்றே ஒன்று தான், அது இறை சிந்தனையே ஆகும். ஆனால் இறை சிந்தனை என்பது தொழுகையோடு முடிந்துவிடக்கூடிய ஒன்றா? என்றால் அது தான் இல்லை. பின் வரும் இறைவசனத்தை சற்று கவனியுங்கள் : பின்னர், (ஜுமுஆ) தொழுகை நிறைவேற்றப்பட்டு விட்டதும், பூமியில் பரவிச்
சென்று அல்லாஹ்வுடைய அருளைத் தேடிக் கொள்ளுங்கள்; அன்றியும், நீங்கள் வெற்றிய டையும் பொருட்டு, அல்லாஹ்வை அதிகமதிகம் தியானம் செய்யுங்கள். (62:10)
தொழுகையை முடித்துவிட்டு பொருளீட்டச் செல்லுங்கள் என நம்மை ஊக்கப்படுத்தும் இறைவன் அதே நேரத்தில் பொருளீட்டும் போது தம்மை மறந்துவிடாமல் அதிகம் நினைவு கூருமாறு கூறுகிறான். அவ்வாறு நினைவு கூர்வதினால் வெற்றியடைவீர்கள் என்றும் வாக்களிக்கிறான்.
இவ்வசனத்திலிருந்து இறை சிந்தனை நம் வாழ்க்கையோடு பின்னிப் பிணைக்கைப்பட்டி ருப்பதை புரிந்துக் கொள்ளலாம். அவ்வாறே நாம் நமது வாழ்க்கையில் தூங்கும் போது, எழும்
போது, சாப்பிடும் போது, வீட்டினுள் நுழையும் போது, போன்ற அனைத்து வாழ்க் கைக்கு தேவையான செயல்களில் நாம் இறைவனை நினைவு கூர்வது மட்டுமல்லாமல் இன்று ஒரு விஷயம் நடந்து விட்டால் அல்ஹம்துலில்லாஹ்; நாளை ஒரு விஷயம் நடக்கவிருந்தால் இன்ஷா அல்லாஹ், ஒருவருக்கு நன்றி பாராட்டும்போது ஜசாக்கல்லாஹ்; என்று நாம் வாழ்கையில் நடைபெறக் கூடிய பல நிகழ்வின் போது அல்லாஹ்வை நினைவு கூர்வதினால் அது வாழ்க்கைக்கு வெற்றியாக அமைகிறது.
சரி திக்ர் என்ற சொல்லிற்கான அர்த்தத்தை ‘ஷெய்ஃக்
ஹம்ஸா யூசுப் ‘அவர்கள் என்ன கூறுகிறார்கள் என்பதை பார்க்கலாம்:
திக்ர் - என்றால் நினைவூட்டுதல் என்று பொருள்!
தகர் என்றால் ஆண் மகன் என்று பொருள்!
தகர -என்றால் இடுப்பில் குத்துதல் என்று பொருள்!
இம்மூன்றுக்கும் உள்ள தொடர்பு என்ன?
திக்ர் என்பது - பிரக்ஞையற்று நிற்கின்ற ஒரு “ஆண்மகனை’’ அவனது “இடுப்பில் ஓங்கி ஒரு தட்டு தட்டி அவனை “நினைவுலகுக்குக் கொண்டு வருதல்’’ என்று பொருளாகும்!
ஆக திக்ர் என்றால் நினைவுக்கு கொண்டு வருதல்; அனால் மனிதனின் இயல்பு அவன் மறதியாளன் ஆயிற்றே! இறைவனை மறந்தால் என்ன நடக்கும்? தன்னை அறியாமலேயே அவன் பாவம் ஒன்றில் வீழ்ந்து விட வாய்ப்பு இருக்கின்றது! இறைவனை மறந்த நிலையில் தான் பாவ காரியங்கள் நடந்து விடுகின்றன.
இந்த இறை வசனத்தையும் சற்று ஆழமாக சிந்தியுங்கள் : தவிர, மானக்கேடான ஏதேனும் ஒரு செயலை அவர்கள் செய்து விட்டாலும், அல்லது
தமக்குத் தாமே தீங்கிழைத்துக் கொண்டாலும் உடனே அவர்கள் அல்லாஹ் வை நினைத்து தங்கள் பாவங்களுக்காக மன்னிப்புத் தேடுவார் கள்; அல்லாஹ்வைத் தவிர வேறு யார் பாவங் களை மன்னிக்க முடியும்? மேலும், அவர்கள் அறிந்துகொண்டே தங்கள் (பாவ) காரியங்களில் தரிபட்டிருந்து விடமாட்டார்கள். (3:135)
ஒருவன் பாவகாரியங்களில் ஈடுபட்டு விட்டால் என்னவாகும்? அத்தோடு அவனுக்கு இறைவனின் அருட்கொடைகள் தடுக்கப்பட்டு விடும்! அருட் கொடைகள் தடுக்கப்பட்டு விட்டால் அவன் வெற்றி பெறுவது எங்ஙனம்? தடைபட்டிருக்கும் அருட்கொடைகளை மீண்டும் பெற்றுக்கொள்வது எப்படி? அது பாவ மன்னிப்பின் மூலம் தான்!
எப்போது ஒருவன் பாவமன்னிப்பின் பக்கம் திரும்பு
வான்? இறைவனை நினைத்துவிடும் போது! இதனால் அவன் பாவங்கள் மன்னிக்கப்பட்டு அவனுக்கு மீண்டும் இறை அருள் கிட்டுவதற்கு ஒரு வாய்ப்பு கிடைக்கின்றது.
நமது வாழ்வில் சில நேரங்களில் நாம் மகிழ்ச்சி அடைகின்றோம்; சில நேரங்களில் நாம் கவலை அடைகின்றோம். ஒரு இறை நம்பிக்கையாளனைப் பொறுத்தவரை -மகிழ்ச் சியான தருணங்களில் அவன் இறைவனுக்கு நன்றி செலுத்துகிறான். கவலையான தருணங்களில் அவன் இறை உதவி யை நாடி பொறுமையைக் கடை பிடிக்கின்றான். ஆக இரண்டு நிலைகளிலும் அவன் மன நிம்மதியுடன் தான் இருக்கின்றான்.
(நேர் வழி பெறும்) அவர்கள் எத்தகையோ ரென்
றால், அவர்கள் தாம் (முற்றிலும்) ஈமான் கொண்டவர்கள்; மேலும், அல்லாஹ்வை நினைவு கூர்வதால் அவர்களுடைய இதயங்கள் அமைதி பெறுகின்றன; அல்லாஹ்வை நினைவு கூர்வது கொண்டு தான் இதயங்கள் அமைதி பெறுகின்றன என்பதை அறிந்து கொள்க! (13:28)
எனவே நமக்கு ஒரு சோதனை ஏற்படுகின்றது எனில் உடன் நாம் தொழுகையின் பக்கம் விரைந்து ஓடி வல்லோனிடம் நமது கவலையைப் பற்றி முறையிட்டுவிட்டு செய்வன திருந்தச் செய்து விட்டு -பொறுப்பை இறைவனிடம் ஒப்படைத்து விடுகிறோம்.
நமது வாழ்வு முழுவதும் இதே நிலைதான்! இதுவே ஒரு வெற்றியாளனின் நிலை ஆகும். குடும்ப வாழ்வில் பிரச்னையா? கணவனும் மனைவி
யும் சேர்ந்து இறைவனைத் தொழுது உதவி வேண்டி நின்றால் - குடும்பத்தில் மன அமைதி தானாக வரும். இது ஒரு குடும்பத்தின் வெற்றி!
அது போலவே -குழந்தை வளர்ப்பிலும் அவர்களை சிறு வயதிலிருந்தே - தொழுகைக்குப் பழக்குவதன் மூலமும், இறை உதவி குறித்து அவர்களுடன் கலந்துறவாடுவதன் மூலமும் -எந்த ஒரு சூழலையும் எதிர்கொள்ளும் குழந்தைகளை நாம் உருவாக்கிட முடியும். இதுவே குழந்தை வளர்ப்பின் வெற்றியாகும்!
ஆம்! இறை சிந்தனை வெற்றிக்கு வழி வகுக்கும்!
திக்ர் செய்வதின் நன்மைகள் குறித்து நான் சிலவற்றை இங்கு குறிப்பிடுகிறேன்:
“நான் என்னை நினைவுகூரும் அடியாரோடு இருக்கின்றேன்” (புகாரி)
திக்ர் செய்பவருக்கும் திக்ர் செய்யாதவருக்கும் நபிகள் நாயகம்(ஸல்)அவர்கள் கூறும் உருவகம் இதுதான்: திக்ர் செய்பவர் உயிரோடு இருப்பவ ருக்கு சமம், திக்ர் செய்யாதவர் இறந்தவருக்கு சமம் (புகாரி,முஸ்லிம்)
நபிகள் நாயகம் (ஸல்) அவர்கள் அதிகம் கூறிய
தாக அப்துல்லாஹ் இப்னு உமர் (ரலி)அவர்கள்
அறிவிக்கிறார்கள்: எல்லாவற்றிற்கும் ஒரு மெருகேற்றுதல் உண்டு, இதயத்தை மெருகேற்று வது இறை சிந்தனையே ஆகும்
இன்னும் திக்ர் செய்வதினால் விளையும் நன்மை
களை பற்றி அறிந்து கொள்ள இமாம் இப்னுல் கையும் அவர்களால் எழுதப்பட்ட ‘கிறீ-கீணீணீதீவீறீus ஷிணீஹ்ஹ்வீதீ’ என்ற நூலிலிருந்து எடுக்கப்பட்டு இணை தளத்தில் பதிவாக்கப்பட்டுள்ள 73 ஙிமீஸீமீயீவீts ஷீயீ ஞீவீளீக்ஷீ- மினீணீனீ மிதீஸீ னிணீஹ்ஹ்வீனீ (ஸிகி) என்ற தலைப்பின் கீழ் பாருங்கள்.
இப்பொழுது புரிகின்றதா இறை சிந்தனைக்கும் வெற்றிக்கும் உள்ள தொடர்பு ?
இன்ஷா அல்லாஹ் இனி நாம் நம் ஆன்மீக பயணத்தை அடுத்த இதழில் தொடர்வோம்.

Write on திங்கட்கிழமை, 17 செப்டம்பர் 2018

வாலுக்கும் கீழுக்கும் பத்து
கீழுக்கும் ராமுக்கும் பத்து
ராமுக்கும் தேவிக்கும் பத்து
தேவிக்கும் உப்புக்கும் பத்து
உப்புக்கும் தொண்டிக்கும் பத்து
இது ஒரு நாடோடிப் பாடல். நாடோடிப் பாடல் என்றாலும் இப்பாடல் ஊர்களையும் தொலைவுகளையும் அளந்து சொல்கிறது.
வால் என்றால் வாலிநோக்கம். கீழ் என்றால் கீழக்கரை. ராம் என்றால் இராமநாதபுரம். தேவி என்றால் தேவிப்பட்டினம். உப்பு என்றால்
உப்பூர். தொண்டி என்றால் தொண்டித் துறைமுகம். இப்பாடல் இருவேறு ஊர்களுக் கிடையே உள்ள தொலைவை பத்து பத்தாக அளக்கிறது.
இப்பாடலின் கணக்குப்படி கிழக்குக் கடற்
கரை சாலையில் வாலிநோக்கத்திற்கு வடக்காக
பத்துக் கல் தொலைவிலும் இராமநாதபுரத்திற்கு தெற்காக பத்துக்கல் தொலைவிலும் தொண்
டிக்கு மிகவும் தெற்காக நாற்பது கல் தொலை விலும் கீழக்கரை இருப்பது தெளிவாகும்.
பழம்பெரும் துறைமுகப்பட்டினமான கீழக் கரைக்கும் பல பெயர்கள் இருந்துள்ளன. பவுத்திர மாணிக்கப்பட்டினம், செம்பிநாடு, நினைத்ததை முடித்தான் பட்டினம், காயற் கரை, தென்திசை, தென்காயல், வகுதை, வச்சிர
நாடு, அணித்தொகை மங்களம் என பல பெயர்களால் அழைக்கப்படும் கீழக்கரை அரபிப் பாடல்களில் “கிற்கிறா’’ எனவும் தமிழ்க் காவியங்களில் வகுதை எனவும் குறிப்பிடப்பிடுகிறது.
இவ்வூர் தோன்றிய காலம் தெரியவில்லை யென்றாலும் இதன் வரலாற்றின் வயது
ஆயிரத்துக்கும் மேலிருக்கும். பாண்டியர்களின் பழம்பெரும் துறைமுகமான கொற்கையே கீழக்கரையெனக் கூறப்படுகிறது. இத்துறை முகத்தின் வழியாக அரபுக்குதிரைகள் வந்திறங் கியிருக்கின்றன. முத்து, பவளம், வாசனைத் திரவியங்கள். அரேபியா, ரோம், கிரீஸ், சைனா ஆகிய நாடுகளுக்கு ஏற்றுமதியாகியுள்ளன.
கீழக்கரை மதுரைப் பாண்டியர்களின் துறை முகமாக இருந்ததோடு அவர்கள் நாட்டைப் பிரித்து ஆண்டபோது அது தலைநகராகவும் விளங்கியிருக்கிறது.
கி.பி. 12 - ஆம் நூற்றாண்டின் இறுதியில் விக்கிரம பாண்டியன் எனும் மன்னர் கீழக்
கரையைத் தலைநகராக்கி ஆட்சி செய்துள்ளார்.
இவருடைய காலத்தில்தான் மதீனாவிலிருந்து வந்த சுல்தான் செய்யது இபுறாகீம் (ஏர்வாடி
அவுலியா) பாண்டிய மன்னனின் பங்காளி
விக்கிரம பாண்டியனை வென்று ஆட்சி அதிகாரம் பெற்றார். பின்னர் ஜடாவர்மன் குலசேகர பாண்டியன் ஏர்வாடியாரை வெல்ல ஆட்சி மாற்றம் ஏற்பட்டது.
கீழக்கரை ஆட்சியாளர்களின் தலைநகராக இருந்ததற்கு அடையாளமாக கிழக்குத் தெரு
பழைய ஜூம்மா பள்ளிவாசலை அடுத்து
கோட்டைக் கொத்தளங்களின் சிதைவுகள்
இன்றும் காணப்படுகின்றன. சுரங்கப்பாதைகள் இருந்ததற்கான அடையாளங்கள் மண் மூடிப் போயுள்ளன.
பதிமூன்றாம் நூற்றாண்டில் கீழக்கரை வந்த மார்க்கோ போலோவும் அதன் பின் இங்கு வந்த இபுனு பதூதாவும் கீழக்கரையைப் பற்றி தம் பயண நூல்களில் குறிப்பிட்டுள்ளனர்.
கிழக்குக் கரையோரம் குடியேறிய அரபுக்கள்
வணிகர்களாக விளங்கியதோடு படையாட் சியும் செய்துள்ளனர். அரபு வம்சா வழியைச் சேர்ந்த முஸ்லிமான தகீயுத்தீன் கி.பி. 1286 - இல் பாண்டிய மன்னரின் அமைச்சராகவும் தளபதியாகவும் விளங்கியுள்ளார். இவரைப் பற்றி ‘செய்தக் காதிறு திருமண வாழ்த்து’ எனும் நூலில் கூறப்பட்டுள்ளது. இவர் ‘கறுப்பாற்றுக் காவலன்’ என குறிப்பிடப்படுகிறார். இவரின்
வழித் தோன்றல்களே சீதக்காதி பரம்பரையினர்.
இந்தியாவில் இஸ்லாம் காலூன்றிய மிகப் பெரும் பழைய நகரங்களில் ஒன்று கீழக்கரை. ஆறாம் நூற்றாண்டில் வெறும் அரபு வணிகர்களாய் கீழக்கரைக்கு வந்தவர்கள் ஏழாம் நூற்றாண்டில் முஸ்லிம் வணிகர்களாய் வந்தனர். இதற்கு மிகப்பெரும் ஆதாரமாக விளங்கி வருவது பழைய ஜும்மா பள்ளி கட்டிடமாகும். இப்பள்ளிவாசல் ‘பாதன் பள்ளி’ என அழைக்கப்படுகிறது. இது பாதன் (ரழி) எனும் நபித் தோழர் கட்டியதாகும். பாதன் (ரழி) ஏமன் ஆளுநராகயிருந்து அதைத் துறந்து அழைப்புப் பணிக்காக கீழக்கரை வந்தவர்.
அண்ணலாரின் வரலாற்றில் அவர்கள் அரபகத்துக்கு அடுத்தடுத்துள்ள ஆட்சியாளர் களுக்கு அழைப்பு மடல்கள் விடுத்தது முக்கிய நிகழ்ச்சியாகும். அவ்வாறு விடுத்த அழைப்பை பாரசீக மன்னன் கிழித்துப் போட்டு விட்டு அண்ணலாரை கைது செய்து கொண்டு வரும் படிக் கட்டளையிட்டதை வரலாறு கூறுகிறது.
பாரசீக மன்னன் அப்போது ஏமனை ஆண்ட தன் ஆளுநரான பாதனுக்கே கைதாணையை அனுப்பினான். அனுப்பியவன் சில நாட் களில் தன் மகனாலேயே கொல்லப்பட பாரசீகத்தில் ஆட்சி மாற்றம்.
கட்டளையைப் பெற்ற பாதன் காலமாற்றத் தால் அண்ணலாரைச் சந்தித்து இஸ்லாத்தைத் தழுவி ஆட்சியைத் தன் மகனிடம் ஒப்படைத்து கீழக்கரை வந்து கட்டிய பள்ளிவாசல் தான் பழைய ஜும்மா பள்ளிவாசல் எனப் பரம்பரை பரம்பரையாக சொல்லப்பட்டு வருகிறது.

keelakkarai 2
சங்கு குளிப்பவர்களும் முத்துக் குளிப்பவர்களும்
மீன் பிடிப்பவர்களும் வாழ்ந்த கிழக்குத் தெருவிலேயே முதல் பள்ளிவாசல் எழுப்பப்
பட்டுள்ளது. இங்குள்ள இருபதுக்கு மேற் பட்ட பள்ளிவாசல்களில் மூன்று பள்ளிகள் கல்லுப்பள்ளிகள். கீழக்கரையின் சில பகுதி களை தொல்பொருள் துறையினர் அகழ்ந்து பார்த்தபோது பழைய சீனப் பீங்கான்கள், செப்புக் காசுகள் கிடைத்துள்ளன.
இருபதுக்கும் மேற்பட்ட பள்ளிவாசல்களில் மணிமகுடம் போன்றது வள்ளல் சீதக்காதி கட்டிய பெரிய குத்பா பள்ளிவாசல். இது நகரின் நடுவில் கட்டிடக் கலையின் கருவூலமாய் நிற்கிறது. இப்பள்ளிவாசலின் தூண்களில் பூ வேலைப்பாடு செய்யப்பட்டுள்ளது. 1200
பூக்களுக்கு மேல் காணப்படும் பள்ளி நம்மை
பழங்காலத்துக்கே அழைத்து செல்லும். இங்குள்ள ஒவ்வொரு சின்னஞ்சிறு சிற்ப வேலையும் ஒன்றுகொன்று மாறுபட்டு கலை நயத்தோடு காணப்படுகிறது.
இப்பள்ளியின் முகப்பில் அடக்கமாகியிருக்கும் அவ்வாக்கார் மரைக்காயர் என்ற அப்துல் காதிர் மரக்காயரின் கப்ரும் கலை நயமிக்கதே. இப்பள்ளியை கட்டி முடித்தவர் இவரே.
சதகத்துல்லா அப்பா அவர்களின் அடக்க இடத்தின்மீது ஆலம்கீர் ஔரங்கசீபின் ஆணைப்படி நிர்மாணிக்கப்பட்டிருக்கும் ‘குப்பா’ ஒரே கல்லில் குடைந்தெடுக்கப்பட்ட சிற்பக்கலையின் சின்னமாக விளங்குகிறது.
கீழக்கரையில் கடல்புரம் மிகவும் வித்தியாச மானது. மன்னார் வளைகுடாவில் மிதக்கும் கடற்கரை உலகப் புகழ் பெற்றதாகும். பெரும்
பட்டினமாக இல்லாவிட்டாலும் உலகமே அறிந்த பெரும் புகழ்மிக்க பட்டினம் கீழக் கரை. இதற்கு முக்கிய காரணம் கடல் வணிகம்.
இங்கிருந்து எடுத்துச் செல்லப்பட்ட முத்துக் கள் ரோம் கிரேக்கம் வரை புகழை நாட்டின.
கீழக்கரை கிழக்கே சீனத்தையும் மேற்கே எகிப்தையும் இணைத்தது. உலக வணிகர்களின் மையப் புள்ளியாக கீழக்கரை விளங்கியது. மரக்காயர்கள் ஏற்றுமதி இறக்குமதிகள் செய்ய
கடல் தொழிலாளர்கள் சங்கு, முத்துக் குளிக்க மீனவர்கள் மீன் பிடிக்க ஓடாவிகளும் கலப் பத்தர்களும் கப்பல்களையும் தோணிகளையும் கட்டியிருக்கின்றனர்.
பெரிய தம்பி மரக்காயர் குடும்பம் பல்லாண் டுகாலமாக ஏற்றுமதி இறக்குமதியில் ஏற்றம் பெற்றிருக்கிறது. பெரிய தம்பி மரைக்கார் குடும்பத்தின் வாரிசே வள்ளல் சீதக்காதி மரக்காயர்.
பெரிய தம்பி மரக்காயரின் நிறுவனம் இலங்கைக்கு உணவுப் பொருட்களையும் துணி
மணிகளையும் ஏற்றுமதி செய்தது. அங்கிருந்து
முக்கியமாக பாக்கை இறக்குமதி செய்தது. இவர்கள் இலங்கை முதல் வங்கம் வரை கடலில் வலம் வந்தவர்கள். வள்ளல் சீதக்காதி
வழிவந்த ஹபீபு முகம்மது என்பவரின் புகழ் பெற்ற வணிகப் பெருக்கமும் கப்பல் பெருக்கமும் இவரை ‘ஹபீப் அரசர்’ என அழைக்க வைத்தன.
முஸ்லிம் வணிகர்களின் பயன்பாட்டிற்காக கல்கத்தாவிலும் ராமேஸ்வரத்திலும் ஹபீபு அரசர் சாவடிகள் கட்டி வைத்திருந்தார். கல்கத்தாவிலுள்ள ‘சோழியா மஸ்ஜித்’ இவர் கட்டியதே.
கீழக்கரையில் உள்ள ஓடக்கரைப் பள்ளிவாசல்
இவரது வழித் தோன்றல்களால் கட்டப்பட்ட தாகும். இதனை இங்கு பொறிக்கப்பட்டுள்ள கல்வெட்டு மெய்ப்பிக்கிறது. keelakkarai 10
ஹபீப் அரசரின் சகோதரர் அப்துல் காதர்
சாகிபு புதல்வர் சேக் சதக்கதுல்லா மரக்காயர் ஆகிய இருவரும் பெரும் கப்பல் வணிகர்களாய் திகழ்ந்துள்ளனர்.
இவர்களின் உறவுகள் மட்டுமின்றி மேலும்
சிலரும் திரைகடலோடி திரவியம் தேடியுள்ள னர். அகமது ஜலாலுத்தீன் மரக்காயர் ஏழு
கப்பல்களை வைத்து கடல் வணிகம் செய்துள்ளார். ‘இராஜநாயகம்’ எனும் தமிழ் நூல் புகழ்ந்து பேசும் சுல்தான் அப்துல் காதர் மரக்காயர் கப்பல் வணிகராகவும் வள்ளலாகவும் விளங்கியுள்ளார்.
மார்க்க அறிஞராய்த் திகழ்ந்த மாப்பிள்ளை லெப்பை ஆலிம் அவர்கள்கூட மிகப்பெரும்
கப்பல் வணிகராவார். இவரின் ஏற்பாட்டின் படி கீழக்கரை வந்த கப்பல்கள் சுங்க வரியோடு
அரூஸியா மதரஸாவுக்கு ஒரு ரூபாய் நன்கொடையாகவும் வழங்கின. 1802 - முதல் தொடர்ந்து இருபது ஆண்டுகாலமாக செய்யது
அப்துல் காதர் மரக்காயர் பெரும் கப்பல் வணிகராய்த் திகழ்ந்துள்ளார். காயல்பட்டினம் முதல் கல்கத்தா வரை உள்நாட்டிலும் இலங்கையிலும் இவர் கொடி கட்டிப் பறந்துள்ளார்.
முத்துக் குளித்தல், சங்கு குளித்தல் இரண்டும் கீழக்கரையின் பொருளாதாரத்தில் முக்கிய இடம் வகித்தது. அவர்கள் மன்னார் வளை
குடாவின் மகத்தான மனிதராய்த் திகழ்ந் துள்ளனர். கீழக்கரை முதல் மன்னார் நகர் வரை
அவர்கள் கால் பதித்திருந்தனர். மன்னார் மரிச்சுக்கட்டியில் தொட்டிகளில் முத்துச் சிப்பிகளை வளர்த்து எடுக்கின்றனர். தொடக்க
கால முத்துக்குளித்தலுக்கு வெற்றிகளைத் தந்தவர்கள் முஸ்லிம்களான முத்துக் குளிப்பவர்களே. கூடுதல் சிறப்பாக தோணி களின் முதலாளிகளும் குத்தகைக்காரர்களும் முஸ்லிம்களாய் இருந்ததே!
இருபதாம் நூற்றாண்டின் தொடக்கத்தில் முத்துக்குளிக்கும் தொழில் முற்றிலும் நசிந்து போனது. இத்தொழில் ஈடுபட்டோர் வேறு வேறு தொழில்களை நாடிச் சென்றனர். மொத்தத்தில் இப்பகுதி பொருளாதாரம் வீழ்ந்தது. உப்புக் காய்ச்சுதலிலும் உப்பு வணிகத் திலும் ஈடுபட்டிருந்த முஸ்லிம்கள் மிகப்பெரிய வெற்றிகளைப் பெற முடியவில்லை.
கடல்தான் எங்கள் வாழ்க்கை என்ற முஸ்லிம் கள் கடல் கடந்து சென்று இலங்கை நகரங்
களில் குடியேறினர். பல்வேறு குறுந்தொழில் களை மேற்கொண்டனர். கடைகள் வைத்துப் பிழைத்தனர்.
கீழக்கரைக்குக் கீர்த்தி சேர்க்கும் நிகழ்வுகள் பலவுண்டு. அவற்றில் ஒன்று பட்டத்து லெப்பை நெய்னா மரக்காயர் ஐதுரூஸ் எனும் பெயரில் பெரிய புதிய கப்பல் ஒன்றைக் கட்டி முதல் பயணமாக அக்கப்பலைப் புனித ஹஜ் யாத்திரைக்கு ஓட்டினார் என்பது.
கீழக்கரை கப்பல் கட்டும் தளமாக மட்டும் இருக்கவில்லை. கப்பல்களைப் பழுது பார்க்கும் இடமாகவும் இருந்துள்ளது. 1686 -டிசம்பர் ஒன்பதில் மதராஸ் செயிண்ட் ஜார்ஜ் கோட்டையில் நடந்த கிழக்கிந்தியக் கம்பெனியின் கூட்டத்தில் கீழக்கரையிலுள்ள கப்பல் பழுது பார்க்கும் இடத்திற்கு ஜேம்ஸ் எனும் போர்க்கப்பலை பழுது பார்க்க அனுப்பி வைப்பது பற்றி தீர்மானிக்கப்பட்டுள்ளது.
அதே கூட்டத்தில் கீழக்கரை பெரிய தம்பி மரக்காயர் எனும் சீதக்காதியிடமிருந்து அரிசி வாங்குவதற்கும் மிளகு கொள்முதலுக்கும் ஆவன செய்யப்பட்டிருக்கின்றன. (ஸிமீநீஷீக்ஷீபீs ஷீயீ திஷீக்ஷீt ஷிt. நிமீஷீக்ஷீரீமீ. ஞிவீணீக்ஷீஹ் ணீஸீபீ நீஷீஸீsuறீtணீtவீஷீஸீ தீஷீஷீளீ)
கீழக்கரை மக்கள் மிகவும் வித்தியாசமானவர்கள், மார்க்கத்தை நன்கு பேணும் அவர்கள் சுற்றுலா - கூட்டாஞ்சோறு என கொண்டாடுவர். பெருநாட்கள் முடிந்த பின் வடக்குத் தெரு பெரும் வளைவுக்குள் கூடும் ‘பெருநாள் தோப்பு’ மிகவும் கவனிக் கத்தக்கதாகும். ஆயிரக்கணக்கான மக்கள் கூடும்
அக்கூடலில் நடக்கும் வணிகம் அபரிமித மானது. இலட்சக்கணக்கான தொகைக்கு வாடகைக்கு விடப்படும் கடைகளில் லட்சக்
கணக்கில் வணிகம் நடக்கும் வாய்ப்புள்ள தென்றால் கூட்டத்தை கவனித்துக் கொள் ளுங்கள். உள்ளூர் மக்களோடு சுற்றியுள்ள பல
முஸ்லிம் ஊர்களின் மக்களும் கூடும் மூன்று நாள் சங்கமம் மாநாடுகளைத் தோற்கடித்து விடும்.
சின்ன சின்னதாய் சில செய்திகளைச் சொல் கிறேன். படித்து உங்கள் வட்டங்களிலும் அவற்றை நடைமுறைப்படுத்துங்கள். நவம்பர்
டிசம்பர் மாதங்களில் கீழக்கரை மேலத்தெரு குடும்பங்களில் மணவிழாக்கள் பல நடக்கும்.
பெரிய அரங்கத்தை அமைத்து பெரும் விருந்தோடு நடக்கும் திருமணச் செலவு கள் அவர்களுடையவை என்றாலும் பெருங் கொட்டகை - பேரரங்குச் செலவை மணமக்கள் வீட்டில் அனைவரும் ஏற்றுக் கொள்வார்கள்.
உள்ளுர் அயலூர் என்றில்லை வெளிநாட்டுக் காரர்களும் கலந்து கொண்டு சிறப்பிக்கும் மணவிழா மாநாடு வேறு ஊர்களில் காணப் படாத வியப்பைத் தரும் ஏற்பாடு. யார் வேண்டு மென்றாலும் வரலாம். மணவிழா விருந்தில் கலந்து கொள்ளலாம். இந்த மணவிழாவில் தம் பணியாளர் குடும்பத்து ஏழைக்குமருக்கு முதலில் மணம் முடித்துக் கொடுப்பது ஒரு சிறப்புக்குரிய செயலாகும்.
ஆறாம் நூற்றாண்டில் அரபுக்களாய் வந்தவர் கள் ஏழாம் நூற்றாண்டில் முஸ்லிம்களாக வந்து
குடியேறினர். எட்டு, ஒன்பது, பத்து, பதினொன்று, பனிரெண்டு என வந்து சென்று கொண்டிருந்தவர்கள் பதிமூன்றாம் நூற்றாண்டில் அரபுலகத்திலிருந்து கப்பல் கப்பலாக தமிழக கடற்கரைகளுக்கு வந்தவர் கள் இங்கேயே தங்கிவிட்டார்கள். 1269 இல் மதீனாவிலிருந்து குடும்பம் குடும்பமாக கப்பல்
களில் வந்தவர்கள் காயலிலிருந்து பழவேற் காடு வரை 12 ஊர்களில் தங்கி வாழத் தொடங்கினார்கள்.
இவ்வாறு வந்து குடியேறியவர்கள் பெரும் பாலும் வாப்பா வீட்டுக்காரர்கள். இவர்கள் மணம் செய்து கொள்ளும் ஏற்பாடு வித்தியாச
மானது. இவர்களின் மணமகன் மணம் முடித்த பின் மணமகள் வீட்டுக்கே குடியேறி
விடுவர். சொத்துக்கள் அனைத்தும் பெண் களையே சேரும்.
வடக்குத் தெருவில் சில அத்தா வீட்டுக் காரர்கள் இருந்தாலும் மிகப் பல வாப்பா வீட்டுக்காரர்கள் வாழும் ஊர் இது.keelakkarai 4
1269 இல் வந்து குடியேறிய 12 ஊர்க்காரர்
களுக்கு இடையே தொடர்பு இல்லா விட்டாலும் கீழக்கரை -காயல்பட்டினம்- தொண்டித் தொடர்புகள் தொடர்கின்றன. மதீனா வம்சா வழியிலிருந்து தற்போதைய வம்சா வழிவரை குறித்து வைத்திருப்பவர்கள் மேலத்தெரு மரக்காயர்கள்.
12 ஊர்களில் கீழக்கரை, காயல்பட்டினம், அதிராம்பட்டினம் உணவுகள் முதல் தரத்தில் உள்ளன. மற்ற ஊர்களும் மோசமில்லை. வணிக முஸ்லிம்களின் சாப்பாட்டில் முதலாளி சாப்பாடு - தொழிலாளி எனப் பிரிப்பவரிடையே ஒரே சாப்பாடு வழங்குபவர்கள் கீழக்கரையினர்.
கீழக்கரையினர் இயக்கப் பற்று வைப்பார். இயக்க வெறி கொள்ளமாட்டார். வீரத்தையும் விவேகத் தையும் கலந்து செயலாற்றும் தன்மையால்தான் அவர்கள் எல்லா வகையிலும் சிறப்பு பெற்றிருக்கிறார்கள்.
தொடர்பு : 9710266971

Write on திங்கட்கிழமை, 17 செப்டம்பர் 2018

நிகழ்ச்சி
இன்றைய முஸ்லிம் உம்மத்தில் நமது பாரம்பரிய அடையாளமான துறை சார்ந்த அறிஞர்களை மீண்டும் உருவாக்கும் வழிகாட்டி கருத்தரங்கம் “பொற்காலம் திரும்பட்டும்“ நிகழ்ச்சி 29.07.2018 அன்று கடலூரில் நடைபெற்றது.
“படித்தவர்கள்” என்று வெறும் பட்டதாரிகளாக, மாத ஊதிய பணியாளர்களையும் உருவாக்கும் இன்றைய கல்வி முறையிலிருந்து மாறி இஸ்லாமியக் கல்விப் பின்புலத்தில் நாட்டின் ஒவ்வொரு துறைக்கும் சிறப்பு நிபுணத்துவம் பெற்ற அறிஞர்களை ஆய்வாளர்களை உருவாக்கும் இலக்குடன் புதுச்சேரியில் உருவாகிவரும் பைத்துல் ஹிக்மா கல்வி நிறுவனத்தை விரைவாக உருவாக்கி எடுக்க வேண்டிய அவசியம் குறித்து சமூகநீதி முரசு ஆசிரியர் சிவிழி சலீம் கருத்துரை வழங்கினார்கள்.

coddalore 4

Write on திங்கட்கிழமை, 17 செப்டம்பர் 2018

15. வெள்ளெருக்கன் பூ இதழ் ஒரு பங்கு, மிளகு அரை பங்கு, கிராம்பு ரு பங்கு, வெற்றிலை 1/8 பங்கு சேர்த்து அரைத்து மிளகளவு மாத்திரை செய்து உலர்த்தி காலை -மாலை 2 மாத்திரை வீதம் சாப்பிட்டு வந்தால் ஆஸ்துமா குணமாகும்.
16. நொச்சிப்பூ, நந்தியா வட்டப்பூ. குங்குமப்பூ, நற்சீரகம் இந்நான்கையும் இடித்து துணியில் வைத்து பிழிந்து கண்களில் 2 சொட்டு வீதம் விட்டு வந்தால் கண்களில் பூ விழுதல் குணமாகும்.
17. கற்பூரவல்லி கசாயத்தில் ஏலக்காய் இரண்டு, கிராம்பு ஒன்றை இடித்து சேர்த்து காய்ச்சி தேன் சேர்த்து குடித்து வந்தால் மார்புச் சளி குணமாகும்.
18. சீரகம் ஒரு டீஸ்பூன் வெந்தாணம் அரை பொடியாக்கி மோருடன் சாப்பிட்டால் வயிற்று வலி குணமாகும்.
19. முசுமுசுக்கை, தூதுவளை இலை, பூ, சிறுதும்பை, மிளகு சம அளவு எடுத்து சூரணம் செய்து காலை - மாலை தேனுடன் சாப்பிட ஜலதோஷம் தும்மல், இருமல், குணமாகும்.
20. காய்ந்த பப்பாளி விதையை தூள் செய்து
வேளைக்கு இரண்டு டீஸ்பூன் அளவு பாலுடன்
சேர்த்து மூன்று நாள் இரவு சாப்பிட்டு வந்தால் வயிற்றுப் புழுக்கள் வெளிவரும்.
21. நாயுருவி இலை அல்லது மண்ணெண்ணெய் தேய்த்தால் தேள்கடி விஷம் மாறும்.
22. எருக்கன் இலை பூ, நாயுருவி இலை மூன்றையும் சேர்த்து அரைத்து கடிவாயில் தடவினால் நாய்க்கடி விஷம் மாறும்.
23. ஒரு டீஸ்பூன் நல்லெண்ணெய்யில் மூன்று முதல் ஐந்து சொட்டு ஊமத்தன் இலைச் சாறு சேர்த்து கொடுத்தால் வெறிநாய் கடி குணமாகும்.
24. வாய் உதடுகளில் வரும் புண்களுக்கு, பொறித்து எடுத்த வெண்காரத்தையும் தேனையும் சேர்த்து தடவி வந்தால் குணமாகும்.
25. குப்பை மேனியை அரைத்து கோலி அளவு எடுத்து தினம் ஒரு வேளை மூன்று நாள் கொடுத்தால் பூனைக் கடி விஷம் தீரும்.
26. பொரித்து பெடித்த வெண்காரமும் தேனும் சேர்த்து போட்டால் உதடு நாக்கு வாய்ப்புண் குணமாகும்.
27. மேகம் அதிகமாக இருந்தால் மாயக்காயை பொடித்து தேனுடன் சாப்பிடவும்.
28. பூரான் கடித்தால் உடன் மண்ணெண்ணெய் தேய்க்கவும் உள்ளுக்கு கருப்புக்கட்டி சாப்பிடவும். குப்பை மேனி, உப்பு, மஞ்சள் சேர்த்து அரைத்து மேலுக்கும் பூச வேண்டும்.
29. மூத்திர எரிச்சலுக்கு புளியங்கொட்டை உள்பருப்புடன் கற்கண்டு சேர்த்து காலை மாலை சாப்பிடவும்.
30. எலி கடித்தால் அவுரி அல்லது நீலிவேர் தொலி 24 கிராம், எடுத்து 100 மில்லி பாலில் அரைத்து கலக்கி காலையில் மட்டும் ஆறு நாட்கள் சாப்பிடவும்.
மருத்துவர் : கே.பி.பால்ராஜ்
தொடர்புக்கு : 94 87 34 87 03

Write on புதன்கிழமை, 29 ஆகஸ்ட் 2018

பொய்களின் அரசியலும் அரசியல் பொய்களும் கட்டுரை இன்றைய அரசியல் நிலவரத்தை யும், அரசியல்வாதிகளின் அவலத் தையும் கட்டுரையின் ஒவ்வொரு பத்தியிலும் சுட்டிக் கொண்டே வந்தது. உலக அரசியல் முதல் உள்ளூர் அரசியல் வரை பொய்களால் நிரம்பி வழிகிறது. அதிலும் குறிப்பாக சமீப காலங்களில் உலக நாடுகள் பலவற்றில் வெற்றி பெற்று வரும் இனவாத அரசியல்வாதிகளின் பொய்கள் விஷக் கருத்துக்கள் உண்மைகளைப் போல பரப்பப்பட்டு வருகிறது. அதனால் மனிதர்கள் சக மனிதர்களை வெறுக்கும் நிலை உருவாகி வருகிறது. அது உடன் தடுத்து நிறுத்தப்பட வேண்டும். அதற்கு இது போன்ற தொடர் கட்டுரைகள் வரவேண்டும்.