saleem

saleem

Write on வியாழக்கிழமை, 20 செப்டம்பர் 2018

உண்மைக்கு ஆதரவாக இருக்காமல், வகுப்புவாத வன்முறைகள் பல இடங்களில் குறைந்துவிட்டதாகக் கூறுகிறார்கள். பசுவை கடத்திச் செல்கிறார் என நினைத்து ஆல்வார் அருகே ஒரு முஸ்லிம் இளைஞரை ஒரு கும்பல் அடித்துக்கொலை செய்துள்ளது. ஆனால், பாஜகவினரோ அப்பாவிகளை அடித்துக்கொல்லும் நிகழ்வுகள் குறைந்துவிட்டதாகக் கூறுகிறார்கள். இதைப் பார்க்கும் போது, ஒரு முஸ்லிமாக இருப்பதைக் காட்டிலும் பசுவாக இருப்பதுதான் பாதுகாப்பு.

Write on வியாழக்கிழமை, 20 செப்டம்பர் 2018

‘’டெல்லியில் உள்ள தொழிற்சாலைகளில் பெட்கோக் பயன்படுத்த அனுமதி கொடுப்பதில் மிகவும் தீவிரமாக இருக்கிறீர்கள். எந்தவிதமான ஆய்வுகளும் நடத்தாமல், பெட்கோக் பயன்படுத்துவதால், சூழலுக்கு ஏற்படும் பாதிப்புகள் என்ன என்பதை ஆராயாமல் எப்படி அனுமதி அளித்தீர்கள். ஆனால், காற்று மாசால், 60 ஆயிரம் பேர் இறந்துள்ளதாக நாளேடுகளில் செய்தி வெளியாகியுள்ளது. மத்திய அரசு என்ன செய்து கொண்டிருக்கிறது? காற்று மாசால், இத்தனை மக்களா உயிரிழப்பது?
நாளேடுகளில் வந்த செய்தி உண்மையா, பொய்யா என்பது எங்களுக்குத் தெரியாது. ஆனால், நீங்கள் அளித்த அறிக்கையிலும் காற்று மாசால் மக்கள் உயிரிழப்பைச் சந்திக்கிறார்கள் எனத் தெரிவித்துள்ளீர்கள்’’ ‘’எங்களுக்குத் தொழிற்சாலைகள் முக்கியமல்ல, மக்களின் நலன்தான் முக்கியம். இதைத் தெளிவாக உங்களிடம் தெரிவிக்கிறோம்.’’

Write on வியாழக்கிழமை, 20 செப்டம்பர் 2018

‘’அரசாங்கம் கருத்துக் கேட்பதுபோலத்தான் நாங்களும் கருத்துக் கேட்கிறோம். இந்தத் திட்டத்துக்காக 90 சதவிகித மக்கள் விரும்பித்தான் நிலத்தைக் கொடுத்தார்கள் என முதல்வர் சொல்கிறார். அப்படியென்றால், அந்த மக்களைச் சந்திப்பதில் என்ன தவறு இருக்கிறது. எட்டு வழிச் சாலை என்பது வேகப் பயணம் அல்ல, அது வேகமான மரணம். காரைப் பற்றி கவலைப்படுபவர்கள் நீரையும் சோறையும் பற்றிக் கவலைப்படுவதில்லை. பேரழிவை நோக்கி இந்த தேசம் நகர்ந்துகொண்டிருக்கிறது. எட்டு வழிச் சாலைபற்றிப் பேசினாலே கைது என்றால், இது ஜனநாயக நாடா? எட்டுவழிச் சாலை போன்ற ஒப்பந்தங்களின்மூலம் பணத்தைக் குவிக்கப் பார்க்கிறார்கள். தமிழ்நாடு திறந்தவெளி சிறைச்சாலையாக இருக்கிறது.

Write on வியாழக்கிழமை, 20 செப்டம்பர் 2018

அலிகர் பல்கலைக் கழகத்தில் மாணவர் விடுதியில் மாட்டப்பட்டிருந்த ஜின்னாவின் புகைப்படம் இந்திய விடுதலை வரலாற்றோடும், அவற்றின் நினைவுகளோடும் நெருக்கமுடையது. அலிகர் முஸ்லிம் பல்கலைக் கழகத்தில் மாணவர்கள் மீது வன்முறை கும்பல் நடத்திய தாக்குதல்களுக்கு ஜின்னாவின் படத்தை காரணமாக சொல்வது ஒரு சாக்கு போக்கு தான்.

ஜின்னாவின் படம் அங்கே அதே இடத்தில் 1938 முதல் இருந்து வருகிறது. இங்கே அவர்கள் சிறுபான்மை மக்களுக்கு ஒரு செய்தி கூறுகிறார்கள் அது “நீங்கள் சிறுபான்மையர், உங்கள் வரலாறும் அவற்றின் நினைவுகளும் இந்திய நாட்டின் ஒரு பாகம் என்று ஆகாது.” ஜின்னா எந்த இந்து பெரும்பான்மை வாதம் குறித்து பயந்தாரோ அசலாக அதே மிரட்டல்தான் இது. காவல்துறை கூட தாக்குதல் நடத்திய குண்டர்களை விட்டு விட்டு மாணவர்கள் மீது கடுமையாக நடந்து கொண்டது. காவலர்கள் உணர்ச்சிக்கும் சட்டத்துக்கும் இடையில் ஊசலாடினார்கள். இந்திய தேசத்தின் அதிகார நிறுவனங்கள் மதவாத மாக மாறிக்கொண்டு இருப்பதை இது உணர்த்துகிறது.இதையும் தாண்டி அலிகர் பல்கலை கழகம் சிறுபான்மை தகுதியை தக்கவைக்க போராடிக் கொண்டிருக்கிறது. இப்போதுள்ள பாஜக அரசு அலிகருக்கு சிறுபான்மை தகுதியை மறுக்கிறது. சிறப்பான உரிமைகள் மற்றும் பாதுகாப்பை கொண்டு “சிறுபான்மை” என்ற கருத்தை நியாயமான ஜனநாயக அரசியல், அரசியல் சட்டத்தின் மூலம் உறுதி செய்யும் என்பதால் ஒரு பெரும்பான்மைவாத அரசுக்கு சிறுபான்மை என்கிற கருத்து எப்போதும் அசௌகர்யமாக இருக்கும். அதனால் சிறுபான்மை என்று வருகிறபோது அரசியல் பொறுப்பு உண்டு என்பதால் அவர்களை முஸ்லிம் என்றும் கிறிஸ்டியன் என்றும் மதத்தின் பெயரைக் கூறி அச்சுறுத்துவது பெரும்பான்மைவாத அரசுக்கு சுலபமாக இருக்கிறது.இது, ஜனநாயக கோட்பாட்டின் அடிப்படைகளை மாற்றி விடுகிறது. இவை அனைத்தைப் பற்றியும் ஜின்னா எச்சரிக்கையாக இருந்தார். 

இந்தியாவில் பிரிட்டிஷ் பேரரசு முடிவுற்ற போது அதில் ஜின்னா மட்டும் தான் வெற்றியும் மரியாதையும் பெற்றார் என்கிறார் ஜிலீஹ் பிணீஸீபீ, நிக்ஷீமீணீt கிஸீணீக்ஷீநீலீ! நூலின் ஆசிரியர் சி. சௌத்ரி. “ஜின்னா விரும்பிய எதையும் ரகசியமாக வைக்கவில்லை. அவரிடம் ஒளிவு மறைவு இருக்கவில்லை. ஒருபோதும் சமரசம் செய்துகொள்ள வில்லை. பிரிட்டிஷ் அரசுக்கும் காங்கிரசுக்கும் தோல்வியை கொடுத்தார். பிரிட்டிஷ் அரசியல்வாதிகளும் இந்து அரசியல்வாதிகளும் இரு தரப்பிலுமுள்ள எழுத்தாளர்களும் செய்த பல்வேறு சூழ்ச்சிகளையும் துரத்தியடித்ததன் மூலம் அவர்களுக்கு தோல்வியை கொடுத்தார். அவரால் ஏற்பட்ட தோல்வியை அவர்கள் ஒப்புக்கொண்டனர். இந்தியாவை விட்டு பிரிட்டன் வெளியேறிய சமயம் இந்திய மக்கள் அனுபவித்த துயரங்கள் அனைத்துக்கும் ஜின்னாவின் அர்த்தமில்லாதகடுமை தான் காரணம் என்று அவர்கள் ஜின்னா மீது பழிசுமத்தினார்கள். ஆனால், அவர்கள் ஜின்னாவின் கடுந்தன்மை (ணிஜ்tக்ஷீமீனீவீsனீ) என்று கூறுவது முஸ்லிம்களுக்காக அவர் முன் வைத்த குறைந்தபட்ச கோரிக்கைகள் தான். இது மட்டும் தான் அவரது நீண்டகால கோரிக்கை என்றுபலருக்கும் தெரியும். முஸ்லிம்களின் தலைவர்முஸ்லிம்களுக்காக பேசக் கூடாது என்று ஏன் ஒருவர் எதிர்பார்க்கிறார்? அவரது கோரிக்கைகள் அர்த்தம் இல்லாதது என்றால் பிரிட்டிஷ் அதிகாரிகளும் காங்கிரஸ் தலைவர்களும் ஏன் அவரது கோரிக்கைக ளோடு ஒத்துப்போனார்கள்?’’ என்கிறார் சௌத்திரி. சௌத்திரியை பொருத்தமட்டில், ஜின்னாவின் கோரிக்கைகள் நியாயமானது. இது குறைந்தபட்ச கோரிக்கை தான். ஒரு சிறுபான்மை சமூகமாக முஸ்லிம்கள் இதனை கேட்க முடியும். எதிர்காலத்தில் சிறுபான்மையாகப் போகும் ஒரு சமுதாயத்தின் தலைவராக அந்த சமூகத்தின் உரிமைகளுக்காக எழுந்து நிற்க ஜின்னாவுக்கு உரிமை உண்டு. ஜின்னா தனது அரசியலில் தெளிவாக இருந்தார். மற்றவர்கள தெளிவாக இருக்கவில்லை. அதனால், அவர்கள் அரசியல் போராட்டத்தில் ஜின்னாவிடம் தோல்வி அடைந்தார்கள்.
முஸ்லிம்களுக்கு குறிப்பிட்ட பகுதிகளில் அரசியல் அதிகாரம் பெறும் வாய்ப்பை அளிப்பதன் மூலம் நாட்டின் பிரிவினையை தவிர்க்கலாம் என்று பிரிட்டிஷ் தூதுக்குழு (சிணீதீவீஸீமீt விவீssவீஷீஸீ) முன்வைத்த திட்டத்தை காங்கிரஸ் நிராகரித்தது. தேசப்பிரிவினை போன்ற பேரழிவுகளை கண்ட பின்னர் ஒப்புக்கொண்டது. அரசியலில் காங்கிரஸ் பக்கம் நிலையான கொள்கை இல்லை என்பதை உணரமுடிகிறது. ஜின்னாவின் கோரிக்கை என்பது அரசியலில் சமநிலை இருக்க இந்துக்களுடன் முஸ்லிம் களும் அதிகாரத்தை பகிர்ந்து கொள்வதாக மட்டும் இருந்திருக்க கூடும். தூது குழுவின் திட்டத்தை காங்கிரஸ் நிராகரிக்கவே ஜின்னா தனது கோரிக்கைகளை அடைய மத அரசியல் என்ற எல்லைக்குப் போனார். சமரசமே இல்லாத படிக்கு பாகிஸ்தான் என்ற எண்ணத்தை நோக்கி நகர்ந்தார்.  ஜின்னா காங்கிரஸ் மற்றும் இந்துக்களிடத்தில் மென்மை காட்டுகிறார் என்று 1930 களில் பிற முஸ்லிம் தலைவர்கள் சந்தேகப்பட்டார்கள். விடுதலைக்குப் பின்னர் இந்திய அரசியலில் முஸ்லிம்கள் இரண்டாம் இடத்துக்கு தள்ளப்படுவார்கள் என்பதை ஜின்னா படிப்படியாக தான் ஒப்புக்கொண்டார். 1940ல் லாகூர் முஸ்லிம் லீக் மாநாட்டில் ஜின்னா தலைமை ஏற்று பேசியபோது, “முஸ்லிம்கள் சிறுபான்மையினர் இல்லை.

எப்படி விளக்கிச் சொன்னாலும் முஸ்லிம்கள் ஒரு நாட்டின் குடி மக்கள்" என்றார். இதனை தர்க்க ரீதியில் நியாயப்படுத்தவும் முயற்சித்தார். சிறுபான்மைக்கு ஒரு நாடு பெரும்பான்மைக்கு ஒரு நாடு என்று ஒரு அரசின் கீழ் இரண்டு நாட்டை வைத்து பராமரிப்பதில் அசௌகர்யம் (ஞிவீsநீஷீஸீtமீஸீt) உண்டாகும் என்றார். இரண்டு நாடாகத்தான் பிரிந்து இருக்க வேண்டும் என்ற நெருக்கடி உண்டான போது ஜின்னா அசௌகர்யமான ஒரு அரசின் கீழ் இருப்பதற்குப் பதில் தனியான ஒரு நாடாக பிரிந்துவிட முடிவு செய்து விட்டார்.

Write on வியாழக்கிழமை, 20 செப்டம்பர் 2018

மனிதனின் அடிப்படைத் தேவைகள் மூன்று. உணவு, உடை, இருப்பிடம். எத்தனைதான் நாம் தூரமாக பிரிந்திருந்தாலும், கண்ணுக்குப் புலப்படாத சங்கிலி ஒன்று நம்மையும் வீட்டையும் பிணைத்துள்ளது. மாலை நேரத்து போக்குவரத்து நெரிசல்களின் போது மனித முகங்களைப் பாருங்கள். வீட்டை அடைய வேண்டும் என்ற வேகம் தெரியும். 

இதைத்தான் அல்லாஹ் குர்ஆனில் இப்படி குறிப்பிடுகின்றான் : “அல்லாஹ் உங்களுக்காக உங்கள் வீடுகளை அமைதியளிக்கும் இடங்களாக ஆக்கினான்.” (அல்குர்ஆன் 16:80) அந்த வகையில் ஓர் இஸ்லாமிய வீடு எப்படி அமைய வேண்டும் என்பதற்கு இதோ பத்து அடையாளங்கள்.
· வீடு என்பது படுக்கையறை, சமையலறை, கழிவறை போன்றவைகளைக் கொண்ட வெறும் கட்டிடமல்ல. மாறாக நம் வீட்டுக் கும் உயிர் உண்டு. அன்பான பெற்றோர், பாசமுள்ள குழந்தைகள், நேசம் நிறைந்த சகோதர சகோதரிகள் என கூடி வாழ்வதுதான் வீடு. அந்த வகையில் வீட்டை அன்பைச் சமைக்கிற ஒரு கூடு என்று கூறலாம். எனவே ஒரு இஸ்லாமிய வீட்டில் எப்போதும் அன்பும் பாசமும் நிறைந்திருக்க வேண்டும்.
· பொதுவாக இன்றைய இஸ்லாமிய வீடுகள் சினிமா தியேட்டராகவும், நாடக மேடை யாகவும், பேன்ஸி -குட்ஸ் நிரம்பிய ஷாப்பிங் மால்களாகவும், ரெஸ்ட் ஹவுஸ்களாக மட்டுமே அமைந்துள்ளன. ஆனால் அதை யெல்லாம் தாண்டி நம் வீடுகள் அவ்வப்போது மஸ்ஜிதுகளாகவும், நூலகங்களாகவும் செயல் பட வேண்டும். “உங்கள் இல்லங்களை (தொழப்படாத - குர்ஆன் வாசிக்கபடாத) மண்ணறை களாக” மாற்றிவிடாதீர்கள் என்பது நபிமொழி. எனவே ஒவ்வொரு இல்லத்திலும் தொழும் அறை. (அல்லது தொழுவதற்கென்று ஒரு தனி இடம்.) ஆபாசக் கலப்பில்லாத நல்ல நூல்கள் நிரம்பிய ஒரு நூலக அறை (குறைந்தபட்சம் ஒரு புக்ஸ் செல்ஃப்) இடம்பெற வேண்டும்.
· இல்லத்தை அலங்கரிக்கிறோம் என்ற பெயரில் உருவப்படங்களை சுவர்களில் மாட்டிவைக்கக் கூடாது. கலையார்வம் என்ற பெயரில் ஆபாசமான நிர்வாணமான பொம்மை, சிற்பங்களை ஆங்காங்கே பரப்பி வைக்கக் கூடாது. உருவப்படங்களும் நாயும் உள்ள வீட்டில் ரஹ்மத்துடைய மலக்குகள் வருகை புரிய மாட்டார்கள் என்பது நபிமொழி. உயிரற்ற மரம் செடி கொடி, பூக்கள் போன்ற இயற்கை சீனரி படங்களை சுவர்களில் மாட்டி வைக்க அனுமதியுண்டு. தலைவாசல், கண்ணாடி, டைனிங் டேபிள், கழிவறை போன்ற இடங்களில் அதற்கென்று உள்ள துஆக்களை ஸ்டிக்கர்களாக வாங்கி ஒட்டி வைத்தால், நாமும் நம் குழந்தைகளும் அதை மனனமிட்டுக் கொள்ளலாம்.
· அவரவர் வசதி, தகுதி, தேவைக்கேற்ப வீடு பெரிதாகவோ, சிறிதாகவோ அமையலாம். ஆனால் ஆடம்பரம், பகட்டு, வீண் விரயம் கூடவே கூடாது. வீண் விரயம் செய்பவர்களை அல்லாஹ் விரும்ப மாட்டான். ஆணுக்கு ஒரு படுக்கை, அவர் மனைவிக்கு ஒரு படுக்கை, விருந்தினருக்கு ஒரு படுக்கை, இவற்றை தவிர்த்து நான்காவது ஷைத்தானுக்குரியது என்று நபி (ஸல்) அவர்கள் கூறியுள்ளார்கள். இனிய அணுகுமுறை, நற்பண்புகள், மக்கள் சேவை இவைதான் ஒரு மனிதனுக்கு மதிப்பைப் பெற்றுத் தரும். வெறும் கல்மரம், சிமெண்ட், பெயிண்ட் போன்ற பொருட்களால் ஒரு போதும் நாம் இறைவனிடம் மதிப்பைப் பெற முடியாது.
· பொதுவாக வீடுகளில் ஆண்களுக்கென்று சில இயற்கையான பணிகள் உண்டு. பெண்களுக்கு அது போல சில பணிகள் உண்டு. அவரவர் தங்கள் பணிகளை முறையாகச் செய்வதோடு, பார்ட்னருடைய பணிகளில் பரஸ்பரம் உதவி செய்து பகிர்ந்து கொண்டால் அந்த இல்லம் இனிமையானதாக அமையும். குறிப்பாக சமையலறை என்பது பெண்களுக்கான பகுதி
அல்ல. ஆண்களும் உள்ளே நுழைந்து சமைக்கலாம். சமைக்க உதவலாம். நபி (ஸல்) அவர்களே இதற்கு முன்மாதிரியாக இருந்துள்ளார்கள்.· தொழில்நுட்ப வசதிகள் பெருகியுள்ள ஒருகாலத்தில் நாம் வாழ்கிறோம். எனவே வெளியிலிருந்து ஒரு ஃபோன் வந்தால் காலிங்பெல் அழுத்தப்பட்டால் வீட்டிலுள்ள பெண்கள் எடுத்த எடுப்பிலேயே கதவைத் திறந்து அந்நிய ஆண்கள் உள்ளே நுழைய அனுமதித்துவிடக் கூடாது. குழைந்து பேசக் கூடாது வந்த விபரம் கேட்டு நிதானமாக தெளிவாக பதில் பேசி அனுப்பி விட வேண்டும்.
· பொதுவாக அந்நிய வீடுகளில் ஸலாம் கூறி அனுமதி பெற்ற பின்பே நுழைய வேண்டும். வீட்டில் உள்ள பணியாளர்கள் ஆண்கள் பெண்கள் பருவவயது அடையாத சிறுவர்களும் கூட வைகறை தொழுகைக்கு முன், ஆடைகளைத் தளர்த்தி ஓய்வெடுக்கும் மதியவேளை, இஷா தொழுகைக்குப் பின் இந்த மூன்று வேளைகளிலும் அனுமதி பெற்றே நுழைய வேண்டும். (அல்குர்ஆன் 24:61, 24:58) வீட்டில் உள்ள ஓர் அறையிலிருந்து இன்னொரு அறைக்கு செல்வதாக இருந்தாலும் அனுமதி அவசியம். காணக்கூடாத காட்சியை கண்டுவிடாதிருக்கு தாய் இருக்கும் அறையில் நுழைந்தாலும் அனுமதி அவசியம்.
· குடியிருக்க ஒரு வீட்டை அமைக்கும் போதுசுற்றுச் சூழல் மாசுபடாத விதத்திலும் அண்டை வீட்டுக்குத் தொல்லை தராத அடிப்
படையிலும் அமைய வேண்டும். “உனது அண்டை வீட்டுக்கு காற்று செல்லாத வகையில் உனது வீட்டை உயரமாகக் கட்டாதே’’ என்பதே நபிமொழி. சுத்தம் ஈமானில் ஒருபாதி என்றும் கூட நபியவர்கள் குறிப்பிட்டுள்ளார்கள். எனவே படுக்கையறை மட்டும் சுத்தமாக இருந்தால் போதாது. சமையல் அறை குறிப்பாக கழிவறையும் சுத்தமாக இருக்க வேண்டும்.
· ஏழு வயதைத் தாண்டிய ஆண் பெண் குழந்தைகளை படுக்கைகளில் பிரித்துவிடவேண்டும் என்று நபி (ஸல்) அவர்கள் குறிப் பிட்டுள்ளார்கள். எனவே, வசதியுள்ளவர்கள் ஆண் - பெண் குழந்தைகளுக்கு தனித்தனிபடுக்கை அறைகளையும். வசதியில்லாதவர் கள் இருபாலரையும் பிரிக்கும் தனித்தடுப்புகளையும் ஏற்படுத்த வேண்டும். ஒரு வீட்டில் உள்ள ஆண் - பெண் குழந்தைகளுக்கே இந்த நிலை என்றால் வெளியில் இந்த ஒழுக்கம் பன்மடங்கு பேணப்பட வேண்டும்.
· ஒவ்வொரு மனிதனைப் பொறுத்த வரையிலும் அவனுக்கு ஏற்படும் நன்மை தீமைகளை ஏக இறைவனாகிய அல்லாஹ்வே நிர்ணயம் செய்கிறான். இந்த ஆளுக்கு இதுதான் எனஇறைவன் தீர்மானம் செய்து விட்ட பிறகு வீட்டை மாற்றுவதாலோ, ஜன்னலை மாற்றுவதாலோ அவனுக்கு என்று உள்ள விதியில் எந்த மாற்றமும் ஏற்படாது. வாஸ்து சாஸ்திர என்பது இஸ்லாத்தில் இல்லை. காற்றோட்டம், சுகாதாரம், வசதி இவைதான் முக்கியமே தவிர வாஸ்து முக்கியமல்ல. முடிவாக இரு செய்திகள் எந்த வீட்டில் அனாதை இருந்து அந்த அனாதையுடன் இனிய முறையில் நடந்து கொள்ளப்படுகிறதோ அந்த வீடுதான் இஸ்லாமிய வீடுகளில் சிறந்த வீடு என்று நபி (ஸல்) அவர்கள் குறிப்பிட்டுள்ளார்கள். எனவே, நமது இல்லங்கள் நமக்கான ரெஸ்ட் ஹவுஸாக மட்டுமல்லாமல் அனாதைகளின் சரணாலயங்களாகவும் இருந்தால் சிறப்பு. இது முதல் செய்தி. நாம் பெரிய வீடுகளிலும் வசிக்கலாம் அல்லது சிறிய பிளாட்டிலும் வசிக்கலாம். எங்கே நாம் வசித்தாலும் அங்கே நிச்சயம் நம்மை மரணம் தேடி வரும். அந்த மரணத்தோடு நாம் வீடு மாற வேண்டியது வரும். “அந்த நிலையான சுவனங்களில் தூய்மையான இல்லங்கள் அவர்களுக்கு இருக்கின்றது” என்று இறைவன் கூறுகின்றான். (09:72) அந்த சுவன வீட்டை அடையப் பெற இங்கே நிறைய நல்லமல்கள் புரிவோம். இது இரண்டாவது செய்தி.

Write on வியாழக்கிழமை, 20 செப்டம்பர் 2018

நரேந்திர மோடியின் ஆட்சி 2018 மே 25 ல் நான்காண்டுகளை நிறைவு செய்தது. அது, எதை செய்ததோ இல்லையோ 5 ஆண்டுகளை நிறைவு செய்த பிறகு அனைவர் மனதிலும் மாட்டிறைச்சி படுகொலைகளை நினைவில் நிறுத்தும். பாஜக ஆளும் வட மாநிலங்களில் இறைச்சி உணவுப் பெயரில் மனிதர்கள் கொல்லப்படுகிறார்கள். பசுபாதுகாப்பு என்ற பெயரில் நடந்து வரும் இந்த இரக்கமற்ற படுகொலைகள் கடந்த 70 வருடங்களில் நடவாத ஒன்று. மோடி பிரதமராக இருக்கும் துணிச்சல் ஒன்றே இந்த கொலை களுக்குக் காரணம். 

ராஜஸ்தான் அல்வார் மாவட்டத்தில் கோல்கா வோன் என்ற கிராமத்தில் ரக்பர் கான் என்ற அக்பர் கான் பசு குண்டர்களால் அடித்துக் கொலை செய்யப்பட்டிருக்கிறார். இதே மாவட்டத்தில் தான் கடந்த வருடம் (2017) வேளாண்மைக்கு பசு மாடுகள் வாங்கி வந்த பெகலு கான் என்ற முதியவரை பசு குண்டர்கள் அடித்தே கொலை செய்தார்கள். இந்த கொலைகளை சமூக இணையங்களில் வெளியிட்டு மக்கள் மத்தியில் பீதியை உருவாக்குகிறார்கள். பசு குண்டர்கள் தாக்கி காயப்படுத் திய அக்பர் கானை காவலர் கள் மருத்துவம னைக்கு கொண்டு போகாமல் காவல் நிலையத்துக்கு கொண்டு போய் அவர்கள் பங்குக்கும் தாக்குதல் நடத்திய பிறகு மருத்துவமனைக்குப் போகும் வழியி லேயே அக்பர் கான் இறப்பெய்தினார். அவருடன் சென்றிருந்த அஸ்லம் ஓடி உயிர் தப்பியிருக்கிறார்.
பிரதமராக இருக்கும் மோடியோ, அரசோ இந்தப் படுகொலை களைத் தடுக்கவில்லை. இந்துத்துவ அமைப்புகள் இந்த கொலைகளை கொண்டாடுகின்றன. உச்சநீதிமன்றம் கவலை கொண்டு இந்த கும்பல் கொலைகளை தடுக்க கடுமையான சட்டம் கொண்டுவா என்று மத்திய அரசை கடிந்தது. அரசு ஆடி அசைந்து ஒரு சட்டத்தை தயார் செய்கிறது. நிச்சயம் பல்லில்லாத சட்டமாக வரப்போகிறது கும்பல்கொலைகளை தடுக்கும் ஒரு சட்டம்.
உணவுக்காக பசுக்களை கொல்லக்கூடாது என்று ஒரு தடைச் சட்டம் இந்தியாவில் இருக்கிறது. அது, மதவழிபாடு காரணத்துக்காக இல்லை. மதச்சார்பற்ற இறையாண்மை கொண்ட ஒரு அரசியல் சமூகத்தில் மதத்தின் பெயரால் ஒரு சட்டம் எழுத முடியாது. அதனால், பசுக்கள் வேளாண்மைக்குரிய விலங்குகள். அதனால் பசுக்களைக் கொல்லக் கூடாது என்ற வகையில் தான் சட்டம் இருக்கிறது. பசுக்கள் வேளாண்மைக்கு பயனளிக்கும் வரையில் உரியவர்களே பசுக்களை விற்பனை செய்வதில்லை. பசு மாடுகள் இனி பயனளிக்காது என்ற நிலையில் தான் அதன் பராமரிப்புச் செலவை ஏற்க முடியாதவர்கள் மாடுகளை விற்கிறார்கள். மாடுகளை பாதுகாக்க முடியாதவர்கள் அவற்றை கோசாலைக்கு கொடுத்துவிட வேண்டும் என்கின்றனர்.
இந்துத்துவாவினர். கண்டிப்பாக கோசாலைக்கு கொடுக்க வேண்டும் என்று சட்ட மொன்றும் இல்லை. விரும்பியவர்கள் யாருக்கும் விற்பனை செய்யலாம். யாரும் வாங்கிச் செல்லலாம். இந்த பரிவர்த்தனைக்கு பாதுகாப்பு வழங்க வேண்டியது தான் அரசு மற்றும் வருவாய் துறையின் சட்டப் பணி. ஆனால், இந்திய இறையாண்மை தூக்கியெறியப்பட்டு மதவெறியில் இது அணுகப்படுகிறது. அதனால் தான் சட்டத்தை பாதுகாக்க வேண்டிய காவலர்களே கொலை யாளியாக மாறுகிறார்கள்.
பசுக்களை கொல்லக் கூடாது என்ற அரசியல் சட்டம் மத அடிப்படையில் சொல்லப்பட வில்லை என்பது, நாடாளுமன்றம் எனது கோவில், அரசியல் சட்டப் புத்தகம் எனது வேதப் புத்தகம் என்று சொன்ன மோடிக்கே தெரியவில்லை. 2014 மேவுக்கும் 2018 மேவுக்கும் இடையிலான 4 ஆண்டுகளில் 32 பேரை பசு குண்டர்கள் கொலை செய்திருக்கிறார்கள். அவர்களில் 28 பேர் முஸ்லிம்கள் என்று மனித உரிமை குழுக்கள் கூறுகின்றன. இந்த கும்பல் தாக்குதலில் சுமார் 100 பேர் காயம்பட்டுள்ளனர்.
2015 செப்டம்பரில், முகம்மது அக்லாக்( 52); 2016, மார்ச்சில், மஜ்லும் அன்சாரி(32), இம்தியாஸ் கான் ( 15), 2017 ஏப்ரலில் பெஹலு கான் ஆகியோர் படுகொலை செய்யப்
பட்டது இந்தியாவிலும் உலக நாடுகளிலும் அதிர்ச்சியை உண்டாக்கியது. அக்லாக்கை வீட்டிலும், அன்சாரி மற்றும் இம்தியாசை ஜார்கண்ட் மாநிலம் லத்தேகர் மாவட்டம் பலுமாத் காடுகளுக்கு கொண்டு போய் மரத்தில் தொங்கவிட்டும் கொடூரமாக கொலை செய்தார்கள். அல்வாரில் 200 பேர் சூழ்ந்து நின்று பெகலூகானை கொலை செய்தார்கள். பெகலூகான் ஹரியானா மாநிலம் நூஹ் (ழிuலீ) மாவட்டத்தில் இருந்து ராஜஸ்தானுக்கு முறையான ஆவணங்களோடு மாடு வாங்க ராஜஸ்தான் வந்திருந்தார்.
மேற்கு உத்தரப்பிரதேசம் தாதரியில் இந்துத்துவா, மக்கள் மத்தியில் வெறியை தூண்டிவிட, மெய் பொருள் காணாத கூட்டம் அக்லாக்கை அடித்தே கொலை செய்தது. உ.பி. காவல்துறை அக்லாக்கை பார்க்காமல் அவர் வீட்டு குளிர் பெட்டியில் இருந்தது மாட்டிறைச்சியா ஆட்டிறைச்சியா என்று ஆய்வு செய்தது. இது தான் இந்தியாவில் சட்டத்தை நிலைநாட்டும் லட்சனம்.
மாடு காவலர்கள் செய்யும் கொலைகளுக்கு அப்பால் மதவெறிக் கொலைகளும் நடத்தப் பட்டன. 2017 ஜூனில், ரமலான் பண்டிகைக்கு துணி வாங்கிக்கொண்டு பல்லாபகர் (Ballabhgarh) ஊருக்குத் திரும்ப, தில்லியில் ரயில் இருக்கையில் தொப்பி அணிந்து அமர்ந்திருந்த 15 வயதான சிறுவன் ஜுனைது கானை, ஒரு கும்பல் அவனது மத நம்பிக்கையை அவமானப்படுத்தியதோடு கீழே தள்ளி குத்திக் கொலையும் செய்தது.
மஹாராஷ்டிரா லத்தூரில் யூனுஸ் ஷேக், 50 வயதானவர், மஹாராஷ்டிரா காவல்துறையில் நீண்டகாலம் பணியாற்றியவர். அவரது கையில் காவிக் கொடியை கொடுத்து வீதிவழியாக அழைத்துச் சென்றனர். இவர் செய்த குற்றம் என்ன தெரியுமா? சமூகப் பதட்டம் உள்ள பகுதி என்று அரசு தீர்மானித்திருந்த பகுதியில் காவி கொடி ஏற்றப் போனவர்களை கே. அவாஸ்கர் என்ற காவலரோடு சேர்ந்து இவரும் தடுத்தார் என்பதுதான்.
கடந்த ஆண்டு இறுதி மாதங்களில் தான் இந்த வெறுப்புத் தாக்குதல்கள் தீவிரமடைந்தன. பா.ஜ.க. மாநில அரசுகள் இந்துத்துவ கொலை
யாளிகளை தண்டிக்காமல் இடமளிக்கும் நிகழ்வுகளும் 2017 டிசம்பரில் தான் தொடங்கியது. மத்தியப்பிரதேசம் சத்னாவில் பஜ்ரங்தளம் குண்டர்கள் 32 கிறித்தவ பாதிரிகளையும் போதகர்களையும் கிறிஸ்மஸ் கரோல் பாடிக்கொண்டு வந்தார்கள் என்று சிறைப் படுத்தினார்கள். காவல்துறை பஜ்ரங்தளம் குண்டர்களை தண்டிப்பதற்குப் பதிலாக பாதிரிகளையும் போதகர்களையும் காவல் நிலையத்துக்கு கொண்டு போய் கிரிமினல்கள் போல் நடத்தினார்கள். கடும் குளிரில் தரையில் அமர்ந்திருக்கும்படி வற்புறுத்தினார்கள். காவல் நிலையத்துக்குள் வந்த குண்டர்கள் பாதிரி மற்றும் போதகர்களையும் தாக்கி வெளியில் நின்ற அவர்களது காரை தீ வைத்து கொளுத்துவதையும் காவலர்கள் வேடிக்கைப் பார்த்துக்கொண்டு இருந்தனர்.
உத்தரப்பிரதேசம் காவல்நிலையங்களில் இந்துத்துவாவினர் ஜென்மாஸ்தமி கொண்டா டினார்கள். முஸ்லிம்கள் புல்வெளியில் தொழுகை நடத்துவதால் காவல்நிலையத்தில் ஜென்மாஸ்தமி கொண்டாடுவதை தடுக்க முடியாது என்று முதல்வர் யோகி ஆதித்யநாத் கூறினார். சராசரி முஸ்லிம்கள் மத சுதந்திரத் தை பயன்படுத்திக் கொள்கிறார்கள்.
ஆனால், ஜென்மாஸ்தமிக்காக காவல் நிலையத்தை திறப்பது அரசு நிறுவனத்தை தவறாக பயன்படுத்துவது, சட்டத்தை அப்பட்டமாக மீறுவது என நாட்டின் மிகப்பெரிய மாநில தலமைச்சர் முஸ்லிம் கிறித்தவ சிறுபான்மை மக்களுக்கும் இந்துத்துவ குழுக்களுக்கும் தெளிவான ஒரு செய்தியை சொல்லி விட்டார்.
இதன் பிறகு தான் தில்லி, ஹரியானா, உத்தரப்பிரதேச மாநிலங்களில் புறவெளியில் தொழுகை நடத்தியவர்கள் மீது இந்துத்து வாவினர் தாக்குதல் நடத்தினார்கள். அதே போல், ஜஸ்தான், உத்தரப்பிரதேம், ஜார்கண்ட், மகாராஷ்டிரா, சத்திஷ்கர், தமிழ்நாடு மற்றும் கோவா மாநிலங்களில் கிறித்தவர்கள் தாக்கப்பட்டார்கள்.
பீகார் மாநிலம் சரத் யாதவின் லோக் தந்திரிக் கட்சியின் செய்தியாளர் டாக்டர் டி.கே.கிரி, இங்கே பல்வேறு ஆய்வுகளின் அறிக்கைகளை தருகிறார். மும்பையை சேர்ந்த Centre for Study of Society and Secularism (CSSS) என்ற அமைப்பு 2007 ல் ஒரு அறிக்கை தயாரித்தது. ஜனவரி 2018 ல் அந்த அறிக்கை வெளியானது. மதவெறி தாக்குதல்களின் நோக்கம், திட்டமுறை, செயல்முறை ஆகியவற்றில் கடந்த நான்காண்டுகளில் மாற்றங்கள் ஏற்பட்டிருப்பதை அந்த அறிக்கை குறிப்பிடுகிறது. அரசு ஆவணங்களில் உள்ள தகவல்கள், செய்தி நிறுவனங்களின் தகவல்கள், கள அறிக்கைகள் ஆகியவற்றை ஆய்ந்து இந்த அறிக்கை தயாரித்து இருக்கிறார்கள்.
ஒரு குறிப்பிட்ட சமூகத்தின் மக்கள் மீது, அல்லது அண்டை ஊர் மக்கள் மீது ஒட்டு மொத்த தாக்குதல் நடத்துவது, அல்லது திடீர் பதட்டம் காரணமாக கலவரம் ஏற்படுவது முன்புள்ள முறையாக இருந்தது. 2014 ல் பாஜக ஆட்சிக்கு வந்த பின்னர், முஸ்லிம் சமூகத்தின் தனிநபர்கள், பசு பாதுகாப்பு மற்றும் லவ்ஜிகாத் காரணங்களை சொல்லி மாடு காவலர்களால் குறிவைத்து தாக்கப்படுகிறார்கள். இது தான் கும்பல் கொலைகள் மற்றும் வெறுப்புக் கொலைகளுக்கு காரணமாக இருக்கிறது.
இந்த சம்பவங்களில் மாடு காவலர்கள் அச்சமின்றி நடப்பதையும் அரசு அதற்கு ஆதரவாக இருப்பதையும் பார்க்க முடிகிறது. இந்த கொலை நடவடிக்கைகள் முஸ்லிம் சமூகத்து தனிநபர்களுக்கு எதிராகத்தான் நடத்தப்படிருக்கிறது என்பது 2017 அறிக்கையில் தெரிய வந்தது. இந்த கும்பல் வன்முறை யானது பொது புத்தியாக மாறியிருக்கிறது, முஸ்லிம்கள் மத்தியில் அச்சத்தையும், கவலை யையும் உண்டாக்கியிருக்கிறது என்கிறார் கிரி. மோடி ஆட்சியில் முஸ்லிம்களுக்கு எதிராக நடத்தப்பட்ட கும்பல் கொலைகளை பல்வேறு காலகட்டங்களாக ஒப்பீடு செய்து காட்டுகிறது சிஷிஷிஷி ரிப்போர்ட். 2017 ல் 15 தனிநபர்கள் மாடு காப்பு கும்பல்களால் கொல்லப்பட்டு இருக்கிறார்கள். 49 பேர் காயம்பட்டு இருக்கிறார்கள். 2017 செப்டம்பர் வரையில், 296 மத வன்முறை சம்பவங்கள் நடந்திருக்கின்றன. அவற்றில் 44 பேர் கொலை செய்யப்பட்டு இருக்கிறார்கள் என்ற செய்தியை மத்திய உள்துறை அமைச்சகம் நாடாளுமன்றத்தில் அறிவிப்பு செய்தது. 2014 ல் 703 மத வன்முறை சம்பவங்கள், இறப்பு 86. 2015 ல் 751 மத வன்முறை சம்பவங்கள், இறப்பு 97 என்று உள்துறை அமைச்சகம் தெரிவிக்கிறது. அதிகபட்சமாக 60 மத வன்முறை சம்பவங்கள் உத்தரப்பிரதேசத்தில் நடந்திருக்கிறது. இந்தப் பட்டியலில் கர்நாடகா, மத்தியப்பிரதேசம், ராஜஸ்தான் மற்றும் மேற்கு வங்கம் மாநிலங்கள் மேலடுக்கில் இருக்கின்றன.
மதவெறி சம்பவங்களில் ஒன்றிரண்டு நிகழ்வு கள் தான் ஊடகங்களில் செய்தியாகின்றன. உள்துறை அமைச்சகத்தின் அறிக்கை கூட மாநில அரசுகள் நேரடியாக கொடுத்த தகவல் களில் இருந்து தொகுக்கப்பட்ட கணக்கு இல்லை. காவல்நிலையங்களில் இருந்து திரட்டப்பட்ட தகவல்கள் தான். மத்திய உள்துறை அமைச்சகம் 2016 க்குப் பிறகு மத வன்முறை சம்பவங்கள் தொடர்பான தகவல்களை பொதுப் பார்வைக்கு வராமல் எப்படி தடைசெய்தது என்பதையும் அதனால், நாடு முழுவதும் காவல் துறையில் பதிவு செய்யப் பட்ட மதவன்முறை சம்பவங்களை கணக் கிடுவதில் ஏற்பட்ட கடினங்களையும் அந்த அறிக்கை சுட்டிக்காட்டியது.
The World Watch List 2017 என்று மற்றொரு அறிக்கை கிறித்தவ சிறுபான்மைக்கு இந்தியா எப்படி பாதுகாப்பற்ற தேசமாக மாறிவருகிறது என்பதை குறிப்பிட்டுள்ளது. சிறுபான்மை மக்கள் தங்கள் மத நம்பிக்கை படி வாழ சிக்கல் நிறைந்த தேசங்களின் பட்டியலில் இந்தியா 15 வது இடத்தில் இருக்கிறது. 46 வது இடத்தில் இருந்து வந்த இந்தியா 4 ஆண்டுகளில் 31 இடங்கள் இறங்கி 15 வது இடத்துக்கு வந்துள்ளது. சமூக பாரபட்சம் மற்றும் முஸ்லிம் கிறித்தவர்க்கு எதிரான தாக்குதல் சம்பவங்கள் தொடர்பாக கிடைக்கும் புகார்களில் நான்கில் ஒன்றின் மீது தான் காவல்துறை மற்றும் அரசின் நடவடிக்கை இருக்கிறது என்ற உண்மையையும் பல்வேறு அறிக்கைகள் சுட்டிக்காட்டி இருக்கின்றன.
இந்த தாக்குதல்களை நியாயப்படுத்தும் சமூக மற்றும் சித்தாந்த சூழல், கிறித்தவர்கள் மதம் மாற்றுகிறார்கள் முஸ்லிம்கள் தீவிரவாதம் செய்கிறார்கள் என்று சங்பரிவார் அமைப்புகள் பெரிய அளவில் செய்யும் பரப்புரை களில் இருந்து உருவாகிறது. அரசின் அதிகாரப்பூர்வ தகவல்களோடு பார்க்கும் போது சங்பரி வாரங்களின் குற்றச்சாட்டுகள் உண்மையில்லை என்பது தெரிய வருகிறது.
முஸ்லிம்களில் தீவிரவாதத்தை ஆதரிப்பவர்கள் எண்ணிக்கை மிக நுண்ணியது. தீவிரவாத வழக்குகளில் சிறைவைக்கப்பட்ட ஏராளமான முஸ்லிம்கள் பின்னர் அப்பாவிகள் என்று நீதிமன்றங்களால் விடுவிக்கப்பட்டுள்ளார்கள். கிறித்தவர்கள் பெரிய அளவில் மதப்பிரச்சாரங்கள் செய்தும் கிறித்தவ மக்கள் தொகை பல பத்தாண்டுகளாக 2.5 விழுக்காட்டை தாண்டவே இல்லை.
முஸ்லிம்களுக்கும் கிறித்தவர்களுக்கும் எதிராக இன்று விரிவடைந்திருக்கும் வெறுப்பு மற்றும் பொது மக்களின் கோபத்தை உற்பத்தி செய்ய இந்த கதைகள் பயன்பட்டன. World Fact Book அறிக்கை, சங்பரிவார் அமைப்புகளான பஜ்ரங் தள் மற்றும் விஷ்வ இந்து பரிஷத் அமைப்புகளை தீவிரவாத மத அமைப்புகள் என்று வகைப்படுத்தி இருக்கின்றன என்ற அறிக்கையை அமெரிக்க புலனாய்வு அமைப்பான சிஐஏ 2018 ல் வெளியிட்டது.
தொடரும்...

Write on வியாழக்கிழமை, 20 செப்டம்பர் 2018

அப்துர்ரஹ்மான்,
உயர்கல்வி ஆலோசகர், தமிழ்நாடு முஸ்லிம் கல்வி இயக்கம்

நமது சமகாலத்தில் வாழ்ந்த மாபெரும் பெண் சிந்தனையாளர், மர்யம் ஜமீலா (1934& 2012). முஸ்லிம் சமூகம் எழுச்சி பெற வேண்டு மாயின், முதலில் அது வீழ்ச்சி அடைந்தது எப்படி என்ற புரிதல் வேண்டும். அத்தகைய புரிதலைப்பெற மர்யம் ஜமீலா அவர்களின் எழுத்துக்களை வாசிப்பது தான் முதல்படி. மேற்கத்திய கலாச்சாரத்தில் வளர்ந்து ஆழமான வாசிப்பால் ஸ்லாத்தை ஏற்றவர் மர்யம் ஜமீலா அவர்கள், தன் வாழ்வின் இறுதி மூச்சுவரை கிட்டத்தட்ட ஐம்பது ஆண்டுகள் முஸ்லிம் சமூகத்திற்காக அறிவார்ந்த ரீதியில் செயல்பட்டுள்ளார். இந்த முஸ்லிம் சமூகத்தின் வீழ்ச்சிக்கான காரணத்தை மிக நுணுக்கமாக ஆராய்ந்து தெளிவுப்படுத்தியுள்ளார். ‌உலகின் அத்துணை அறிவுகளையும் அணுஅணுவாய் ஆராய்ந்துள்ளார்.

இவர் ஆராய்ச்சியின் அளவு கோல், இஸ்லாம். இஸ்லாத்தோடு ஒத்துப்போகும் கருத்துக்களையும், இஸ்லாத்திற்காக உழைத்த உயர் நீத்த உத்தமர்களையும் அங்கீகரித்துள்ளார். இஸ்லாம் குறித்த அவரது ஆழமான புரிதல் களை மாற்று வடிவத்தில் முன்வைத்துள்ளார். அதேசமயம் இஸ்லாமிய தலைவர்களின் ‌வழிகாட்டுதலில் இருந்த இடைவெளிகளையும் இனங்கண்டு, தன்னுடைய விமர்சனங்களையும் பதிவு செய்துள்ளார். இதில் ஆச்சரியம் என்னவென்றால், பல பேர் கொண்ட ஒரு கூட்டுக் குடும்பத்தில் திருமணத்திற்கு பிறகு சில குழந்தைகளுக்கு தாயான சூழலிலும்கூட இவரின் எழுத்துப் பணி அதிகமாக எழுச்சிப் பெற்றிருக்கிறது. இவரின் கணவர் மௌலானா முஹம்மது யூசுப் கான் இவருக்கு பேருதவி செய்திருக்க வேண்டும். சரியான வாழ்க்கை துணைதான், ஒட்டுமொத்த மனித குலத்திற்கும் பயன்தரக் கூடிய சரியான வாழ்வு அமைந்திட அடித்
தளமாக இருக்கிறது. இது மர்யம் ஜமீலா அவர்களின் வாழ்விலும் வெளிப் பட்டிருக்கிறது.
மர்யம் ஜமீலா அவர்களின் உன்னதமான பங்களிப்புகளை பற்றி பேராசிரியர் முனிர் வஸ்தி அவர்கள் “MARYAM JAMEELAH: A PIONEEROF MUSLIM RESURGENCE” என்கின்ற இந்த சிறு ஆய்வுக்கட்டுரையில் விவரித்து வெளியிட் டுள்ளார். இது மர்யம் ஜமீலா அவர்கள் மீது மிகுந்த மரியாதையையும் வாசிப்பின் மீது மிகுந்த ஆர்வத்தையும் ஏற்படுத்துகிறது.
மேலும் இந்த முஸ்லிம் சமூகத்தின் மீது ஒருவகையான கரிசனமும் ஏற்படுகிறது. இது இந்த சமூகத்தின் எழுச்சிக்கான பணிகளில் கவனம் செலுத்திட தூண்டுகிறது. ஒவ்வொரு முஸ்லிமும் கட்டாயம் வாசிக்க வேண்டிய ஒரு பெண் ஆளுமை, “மர்யம் ஜமீலா”. மர்யம் ஜமீலா அவர்களின் படைப்புகளை சிறியதாக வாசித்தாலே, ஒவ்வொரு நொடியும் சிந்தனையில், சொல்லில், செயலில் என அனைத்திலும் அறிவு ரீதியான அணுகுமுறை வெளிப்படும்போது, மர்யம் ஜமீலா அவர்களை அதிகமாக வாசித்து அறிய ஆர்வமும் தேடலும் கொள்வோர் மிகப்பெரிய மாற்றத்தை சமூகத்தில் உருவாக்குவார்கள், இன்ஷா அல்லாஹ். புரட்சியின் முதல் படியே வாசித்தல் தானே! மேலும் இன்றைய முஸ்லிம்களின் நிலையை காணும்போது ஒன்று மட்டும் தெளிவாக புரிகிறது, இந்த முஸ்லிம் சமூகத்தின் சிந்தனையை கூர்த்தீட்டிட, செழுமைப்படுத் திட, வடிவமைத்திட, செயல்திறன் கொண்ட தாக மாற்றிட பல நூறு ‌மர்யம் ஜமீலாக்கள் தேவை. பெண் சிந்தனையாளர்களால் செதுக்கப்பட்ட சமூகம் நமது பாரம்பரியமிக்க முஸ்லிம் சமூகம். வல்ல ரஹ்மான் நம்‌ ஒவ்வொருவர் வீட்டிலும் ஒரு பெண் புரட்சியாளரை பெண் சிந்தனையாளரை உருவாக்கிட அருள் புரிய வேண்டும். ஆமீன்.

Write on வியாழக்கிழமை, 20 செப்டம்பர் 2018

ஆ.மு. பெரோஸ்
வழக்கறிஞர், உயர்நீதி மன்றம், சென்னை.

கடந்த மே மாதத்தில் (2018) சீனாவின் தலைநகரான பீஜிங்கில் சீன துணை அதிபர் லீயோ ஹி மற்றும் சீனா நாட்டின் பொருளாதார பிரதிநிதிகளோடு அமெரிக்காவின் பொருளாதார தலைமைச் செயலாளர் ஸ்டீவன் நுஷின், தலைமை வர்த்தகப் பிரதிநிதி ராபர்ட் லயிட்சர், வணிகச்செயலாளர் வில்பர் ரோஸ் உட்பட ஏழு பேர் கொண்டஉயர்மட்ட அதிகாரிகள் பேச்சு வார்த்தை நடத்தி விட்டு திரும்பியிருக்கிறார்கள்.
இந்த இரு நாட்டு பேச்சுவார்த்தை என்பது அரசியலிலோ, பண்பாட்டுக் கூறுகளிலோ முன்னேற்றம் காணும் ஆலோசனைஅன்று. மாறாக ஆசியாவில் வளர்ந்து வரும் ஏகாதிபத்திய வல்லரசான சீனாவுக்கும் சர்வாதிகாரம் கொண்டு உலகை அச்சுறுத்திக் கொண்டிருக்கின்ற அமெரிக்க ஏகாதிபத்தியத்திற்கும் இடையே நடந்து வரும் பொருளாதாரப் பனிப்போரை பேச்சு வார்த்தையின் மூலம் தீர்வுக்கு கொண்டுவரவும், பொருளாதார ஆதிக்கப் பகிர்வுக்காகவும் நடந்த நிகழ்வு என்பதை நாம் புரிந்துகொள்ள வேண்டும்.
மேட் இன் சீனா 2025
2015 ஆம் ஆண்டு சீன அதிபர் அதிரடியான ஒருதிட்டத்தை சீன பாராளுமன்றத்தில் பிரகடனம் செய்தார். அதாவதுநாட்டின் சீரான, நிலையான பொருளா தாரத்தை உருவாக்க “மேட் இன் சீனா 2025‘‘ திட்டம்தான் அது. குறிப்பாக பத்து துறைகளைத் தேர்ந்தெடுத்து அதில் முழு கவனத்தையும் செலுத்தி அதன் மூலமாக பொருளாதார தன்னிறைவும், உலகப் பொருளாதாரத்தில் ஆதிக்கம் செலுத்தவும் தீட்டப்பட்ட செயல் திட்டம் அது.
செய்தி பரிமாற்றத்தில் புதிய தொழில்நுட்பம், வானுர்தி மற்றும் அது சார்ந்த உபரித் துறை, அதிநவீன சரக்கு கப்பல்கள் உருவாக்கம், அதிநவீன தொடர் வண்டி உருவாக்கம், மின்
உற்பத்தி, மருத்துவம் மற்றும் பொதுச் சுகாதாரத்திற்குத் தேவையான தொழில் வளர்ச்சி, விவசாயத்தை மேம்படுத்தும் கருவி கள் உருவாக்கம், அதிநவீன தொழில்துறை இயந்திரங்கள் உருவாக்கம் போன்ற துறைகளை வலிமைப்படுத்தி நாட்டின் உற்பத்தி மற்றும் வளர்ச்சியின் முகமாக தன்னை உறுதிப்படுத்தி சர்வதேச வணிகத்தில் காலூன்றவும், உலகச் சந்தையில் தனித்துவம் பெறவும் முழுவீச்சில் முயற்சித்து வருகிறது சீனா. தற்போது, 6.9% ஆக இருக்கும் உள்நாட்டு உற்பத்தியளவை (GDP) வேகமாக உயர்த்தவும் முனைப்புக் காட்டி வருகிறது.
சீனாவின் “மேட் இன் சீனா 2025‘‘ திட்டத்தால் உலகப்பொருளாதாரத்தில் தனது ஆதிக்கம் சறுகும் என்பதை நன்றாகதெரிந்து கொண்டு தற்போது அந்த திட்டத்தை கைவிடுமாறு சீனாவை மறைமுகமாக வற்புறுத்துகிறது அமெரிக்கா. அதன் ஒரு முகமாக அமெரிக்கச் சந்தைக்கு வரும் 1,300 சீனாபொருட்களின் மீது 25% வரி விதிக்க முடிவு செய்தது. குறிப்பாக தொழில்நுட்ப ரோபட்கள் மற்றும் உபரி இயந்திரங்களின் மீது வரிகளை அதிகரிக்க முனைப்பு காட்டியது அமெரிக்கா.
அதற்குப் பதிலாக தடாலடியான முறையில்
அடுத்த நாளே சீனாவும் அமெரிக்கப் பொருட்களின் மீது 25% வரி விதிக்கப் போவதாக அறிவித்தது. விமான தொழில்நுட்ப உபரிப் பொருட்கள், வாகன உபரிப் பொருட்கள் மற்றும் சாயப் பொருட்களான சோயா பீன்ஸ் போன்ற 106 அமெரிக்கப் பொருட்கள் மீது வரி போடப்படும் என சீனா அமெரிக்காவை திருப்பி அடித்தது. அமெரிக்கா அதிபர் ட்ரம்ப் “நம் நாட்டு வசாயிகள் மற்றும்உற்பத்தியாளர்களை பாதிக்கும் விதமாக சீனா நடந்துவருகிறது“ என புலம்பினார். இப்படி இரு நாடுகளிடையே நிலவி வந்த வர்த்தகப் பனிப்போரை முடிவுக்கு கொண்டுவர ட்ரம்ப் நிர்வாகம் முன்வந்தது.
பீஜிங் வட்டாரங்கள் ஆரம்பத்தில் பேச்சு வார்த்தை நடத்த விரும்பாமல் நழுவி வந்த நிலையில் ஒரு வழியாக கடந்த மே மாதம் ஒரு சந்திப்புக்கு ஒப்புக் கொண்டதை தொடர்ந்து பீஜிங்கில் பேச்சுவார்த்தை நடத்தி முடித்திருக்கிறார்கள். மே 3 ஆம் தேதி ஸ்டீஃபன் நுஷின் பேட்டியாளர்களை சந்திக்கும் போது பேச்சுவார்த்தை வெற்றியாக அமையும் என தெரிவித்துச் சென்றார்.
பாரம்பரியமான பட்டுச் சாலையை(Silk Road) பலப்படுத்தும் சீனா

சீனப் பிரதேசத்தை ஹான் சாம்ரஜ்ஜியம் ஆட்சி செய்த காலம் முதல் (கி.மு 114 – கி.பி 1450) வெளி உலகத்தோடு வணிகம் செய்ய ஒரு சிறந்த வழியாக சில்க் ரோடு சீனாவுக்கு அமைந்திருந்தது.ஆசியாவுடன் ஐரோப்பாவையும், ஆப்ரிக்காவையும், அரேபிய தீபகற்பத்தையும் இணைக்கும் விதமாக அது அமையப் பெற்றிருந்தது. இந்தியா,பாகிஸ்தான், ஆப்கானிஸ்தான், கஸகஸ்தான்என பல்வேறு உலக நாடுகளுடன் வணிகத் தொடர்பு வைத்திருந்தது அப்போதைய சீனப் பேரரசு.
பட்டுச்சாலையை பல நூற்றாண்டுகளாக பல பிராந்தியங்களுக்கு இடையே பல்வேறு கலாச்சாரத் தொடர்புகளுக்கு மையமாக இருந்தது. தற்போது சீனா தனது வணிகப் பாரம்பரியத்தை உயர்த்திப் பிடிக்கும் வண்ணம் மீண்டும் பட்டுச் சாலையை (ஷிவீறீளீ ஸிஷீணீபீ) வலுப்படுத்த முயற்சி எடுத்து வருகிறது.
அதன் சில முயற்சிகள் :-
2013 இல் கஸகஸ்தானில் பேசிய சீன அதிபர் “we shold take an innovative approach and jointly build and economical belt along silk road“ அதாவது நாம் புதிய யுக்திகளை கையாண்டும், இணைந்தும் பொருளாதார இணைப்பை பட்டு வழிச் சாலை மூலமாக பலப்படுத்திக் கட்டியெழுப்ப வேண்டும் என குறிப்பிட்டுள்ளார்.
தொடர்ந்து இந்தோனிசிய அரசுடன் வணிக ரீதியாகப் பேச்சுவார்த்தை நடுத்தி விட்டு, அவர் பேசுகையில் “the two ‡ide‡ ‡hold work together to bîild îp a new maritime ‡ilk road in the 21 centîry“ 21ஆம் நூற்றாண்டின் புதிய கடல்வழி பட்டுச்சாலையை கட்டி எழுப்ப வேண்டும். வணிக வளர்ச்சியடையும் பொருட்டு இருதரப்பும் இணைந்து செயல்பட வேண்டும்“ எனப் பேசியுள்ளார்.
நம் அண்டை நாடான பாகிஸ்தானுடன் நட்பு பாராட்டி வரும் சீனா 2001 ஆம் ஆண்டிலேயே பாகிஸ்தான் கவாடர் என்னும் இடத்தில் துறைமுகத்தை கட்டித் தர ஒப்புக் கொண்டது. இந்தஆண்டின் இறுதிக்குள் (2018) அதன் பணிகள் முடிவடைந்து செயல்பாட்டுக்கு வர இருக்கிறது.chii
முன்னதாகவே சீனாவையும் பாகிஸ்தானையும் இணைக்கும் நீளமான காரக்கோரம் நெடுஞ்சாலை பயன்பாட்டில் உள்ளது. இதன் மூலம் இரு நாட்டு வணிகர்களும் பயனடைந்துவருகிறார்கள். பாரம்பரிய பட்டுச்
சாலையை மீண்டும் சீரமைக்க சீன அரசு அதிதீவிரம் காட்டி வருகிறது. 60 நாடுகளுடன் இதற்கான ஒப்பந்தங்களையும் செய்திருக்கிறது. இலங்கையில் 1.5 பில்லியன் டாலர் செலவில் துறைமுகம் அமைத்துக் கொடுத்து அதற்குப் பகரமாக 99 ஆண்டுகள் அதை குத்தகைக்கு எடுத்திருக்கிறது. தற்சார்பு பொருளாதார நிலையை கடைப்பிடித்து வரும் சீனாவின் செயல்பாடுகள் அமெரிக்க ஏகாதிபத்தியத்தை கலங்கடிக்கவே செய்திருக்கிறது.
தொடர் குற்றச்சாட்டு!
தொடர்ந்து சர்வதேச வர்த்தக சட்டங்களையும், மரபுகளையும் கடைப்பிடிக்காமல் ஆசிய பிராந்தியத்தில் பொருளாதார அச்சுறுத்தலை சீனா ஏற்படுத்தி வருகிறது என மெரிக்கா மனம்போன போக்கில் நாட்டாமை கருத்துகளை தெரிவித்து தனது எரிச்சலை வெளிப்படுத்தி வருகிறது.
அதன் கூட்டாளியான ஐரோப்பிய ஐக்கியம் சீனாவை “A di‡torte ‡tate rîn economy“ என சொல்லியிருக்கிறது. அதாவது, “சிதைக்கப் பட்ட நாடு செயல்படுத்தும் பொருளாதாரம்“ என்று சீனாவின் பொருளாதார பரவலை விமர்சிக்கிறது. உலக நாடுகளின் மீது தன்னுடைய பொருளா தார ஆதிக்கத்தை விட்டு விடவும், இழக்கவும் தயாராக இல்லாத அமெரிக்க முதலாளியம் வர்த்தகப் பனிப்போரின் மூலமாக சீனாவை பனிய வைக்க முடியாமல் கட்டப்பஞ்சாயத் திற்கு அழைத்து முதற்கட்ட பேச்சுவார்த்தை நடத்தியுள்ளது என்பதுதான் இந்த மொத்த செயல்பாடுகளின் சாரம். ஒட்டுமொத்த உலகை மிரட்டியும்; பிற நாடுகளை சுரண்டியும் தன் ஆதிக்கத்தை நிலைநிறுத்தி உத்தமர்போல வேடமிட்டு காட்டிவரும் அமெரிக்கா மூன்றாம் உலகப்போருக்கு வித்திடுகிறதோ என்ற ஐயப்பாடும் நமக்கு எழுகிறது. அமெரிக்க ஏகாதிபத்தியத்தின் அச்சுறுத்த லுக்கும் அழுத்தத்திற்கும அடிபணியாமல் போனால் வரும் காலங்களில் பொருளாதார ஆதிக்க மையமாக சீனா மாற அதிக வாய்ப்புண்டு.