saleem

saleem

Write on புதன்கிழமை, 28 நவம்பர் 2018

                                                                                                                                                                    மருத்துவர்  பால்ராஜ்  செல் : 9487348703
1. கடுமையான வாத நோய்க்கு :
குப்பைமேனி இலைச்சாறு 100 மில்லி, மஞ்சள் 5 கிராம், சுக்கு 15 கிராம், பூண்டு 5 கிராம் அரைத்து எடுத்து விளக்கெண்ணெய் 200 மில்லியில் காய்ச்சி தேய்த்து மறுநாள் வெண்ணீர் வீட்டு கழுவ குணமாகும்.
2. மூட்டு வலிகளுக்கு :
மஞ்சள் பொடி 10 கிராம், வெந்தையம் 10 கிராம் இஞ்சிச்சாறு 100 மில்லி இவைகளை காய்ச்சி எடுத்து மேலால் தேய்க்க வலிபோகும்.
3. முகப் பருவுக்கு :
கடுக்காய்தொலி 20கிராம், மஞ்சள் 15 கிராம், திருநீற்று பச்சிலை 15 கிராம், நாயுருவி இலை 15 கிராம், மிளகு 3 கிராம், ஜாதிக்காய் 5 கிராம் ஆகியவற்றையும் பொடிபண்ணி வாஸ்லின் சேர்த்து மேலால் போட்டு வர முகப்பருபோய் விடும்.
4. உடல் எடை குறைய :
கொள்ளு 10 கிராம், சீரகம் 10 கிராம், சுக்கு 10 கிராம் நன்னாரிவேர் 10 கிராம், யாவற்றையும் பொடித்து வேளைக்கு 1 டீஸ்பூன் காலை மாலை உணவுக்கு முன்பு வெண்ணீர் சேர்த்து குடித்து வர உடல் எடை குறையும்.
5. கால் ஆணிக்கு :
குப்பைமேனி இலைபசையை விளக்கெண்ணைய்யில் சேர்த்து காய்ச்சி ஆணியில் கட்டிவர குணமாகும். வல்லாரை இலையை தேங்காய் எண்ணெய்யில் வதக்கி கட்டிவர மாறும்.
6. இடுப்பு வலிக்கு :
தான்றிகாய் 10 கிராம், கடுக்காய் 10 கிராம், ஏலக்காய் 10 கிராம், நெல்லி வத்தல் 10 கிராம், லவங்கபட்டை 10 கிராம், திப்பிலி 10 கிராம் யாவற்றையும் இடித்து சூரணமாக்கி காலை மாலை 1 டீஸ்பூன் தேனுடன் சாப்பிட வலி போகும். ஆவாரை இலை, கருப்பு உளுந்து இரண்டையும் பொடி பண்ணி சூடாக்கி ஒத்தடம் கொடுக்க இடுப்பு வலிபோகும்.
7. கால் ஆணிக்கு :
பூவரசம் பழுப்பு இலையை அரைத்து ஆணியில் கட்டி வர குணமாகும்.
8. வாதத்திற்கு லேகியம் :
பூண்டு 50 கிராம், அக்கிரகாரம் 5 கிராம், ஓமம் 5 கிராம், சீரகம் 5 கிராம், கிராம்பு 5 கிராம், ஏலக்காய் 5 கிராம், ஜாதிக்காய் 5 கிராம், யாவற்றையும் பொடியாக்கி காலை, மாலை உணவுக்கு பின் வேளைக்கு 1 டீஸ்பூன் பாலுடன் நெய்யும் சேர்த்து சாப்பிட வாதம் தீரும்.
9. நரம்பு தளர்ச்சிக்கு :
அமுக்கரா சூரணம் 50 கிராம், நீர்முள்ளி விரை 50 கிராம், இரண்டையும் வறுத்து சேர்த்து அரைத்து 1 டீஸ்பூன் அளவு பாலுடன் உணவுக்கு பின்பு சாப்பிட நரம்பு தளர்ச்சி போகும்.

மருத்துவ உதவிக்கு போன் மூலம் தொடர்பு கொள்னலாம். ரூ.150/- ங.ஞ செய்து செலவில்லா சித்த மருத்துவ புக்கை கொரியர் மூலம் பெற்று கொள்ளலாம்.

Write on புதன்கிழமை, 28 நவம்பர் 2018

கான் பாகவி மவுலானா அவர்கள் எழுதி வரும் தொடர் மிகச் சிறப்பாக பயனுள்ளதாக இருக்கிறது. தத்துவம் என்றாலே காலாவதியாகிவிட்ட கிரேக்கர்கள்தான் இன்றும் நினைவுக்கு வரும் நிலையில் முஸ்லிம்களிடம் தத்துவ வறட்சி இருப்பது வேதனை. தத்துவத்துறையில் முஸ்லிம்கள் மட்டுமல்லாமல் அனைத்துத் துறையிலும் முஸ்லிம்கள் ஆய்வாளர்களாக, அறிஞர்களாக ஆக வேண்டும் என்பது நமது சமூகத்தில் நிறைவேற்றப்படாத ஆசையாகவே தொடர்ந்து வருகிறது. உலகத்தில் உள்ள எல்லாத் துறைகளையும் இன்றைய உலகோடு தொடர்புபடுத்தி படித்துத் தரும் ஒரு மதரஸா இன்றைய முஸ்லிம் சமூகத்துக்கு அவசியம். அதை யார் செய்வது?

Write on புதன்கிழமை, 28 நவம்பர் 2018

மறைந்த கலைஞர் கருணாநிதி அவர்களின் அரசியல் நகர்வுகளை ஓரளவுக்கு ‘வரலாற்று நினைவுகளில் கலைஞர்’ கட்டுரை பதிவு செய்தது. கலைஞர் மேல் பலவிதமான விமர்சனங்கள் இருந்தாலும் தமிழகத்தில் சமூகநீதிக் கருத்தியலை நடைமுறையையாக்கியதில் பெரும் பங்கு அவருடையதே என்பதை மறுக்க முடியாது.

Write on புதன்கிழமை, 28 நவம்பர் 2018

அக்டோபர் மாத இதழின் அட்டைப்படக் கட்டுரை ‘2019 பொதுத் தேர்தல்’ சிறப்பான மொழியாக்கம். கரன் தாப்பாரின் கேள்விகளுக்கு அருண்ஷோரி அளித்த பதில்கள் எளிமையாகவும் தெளிவாகவும் இருந்தது. மோடி அரசு தன் இருப்பை நிலை நிறுத்திக்கொள்ள எதையும் செய்யும் மக்களை பிளவுபடுத்தவும் தயங்காது என்ற பாசிசத்தின் உண்மை முகத்தை அருண்ஷோரி வெளிப்படுத்தியது நிதர்சனம். இந்த பாசிச பா.ஜ.க. அரசை அகற்றுவது ஒன்றே ஜனநாயக நாடாக நிலைக்கச் செய்யும்.

Write on புதன்கிழமை, 28 நவம்பர் 2018

மதுரையில் வாழும் நான் பலகாலம் அல் அமீன் பள்ளிக் கூடம், அல் எத்தீம்கானா உருவாக்கம் குறித்தோ, அதை உருவாக்கியவர்கள் யார் என்பது அறியாமல் இருந்தேன். சென்ற மாதம் சமூகநீதி முரசு மாதஇதழில் முஸ்தபா ஹாஜியார் அவர்களின் சமூக செயல்பாடு, சமூக மேம்பாட்டுக்காக அவர் செய்த அர்ப்பணிப்புகள் என பல்வேறு செய்திகளை படித்து மகிழ்ந்து போனேன். மதுரை மாவட்டம் திருமங்கலத்திலும் ஒரு அல் அமீன் ஸ்கூல் உள்ளது. அல்லாஹ் அவருடைய கப்ரு, மறுமை வாழ்க்கையை அல்லாஹ் சிறப்பாக்குவானாக. அவருடைய குடும்பத்தார்களுக்கு அருள் புரிவானாக. ஆமீன்.

Write on திங்கட்கிழமை, 26 நவம்பர் 2018
Write on திங்கட்கிழமை, 26 நவம்பர் 2018

சவுதி அரேபியா உள்ளிட்ட பிறஅரபு நடுகளின் பொருளாதார கொள்கைகள் வளர்ச்சிக்கான முன்னெடுப்புகளில் தற்போது மிகப்பெரிய மாற்றங்கள் ஏற்பட்டு வருகின்றன.

நகைக்கடை வாகனவிற்பனை மின்சாதன பொருட்கள் விற்பனை ஆயத்தஆடை கடைகள் பல்பொருள் அங்காடிகள் போன்ற குளிர்சாதனம் செய்யப்பட்ட ஷோரூம் சார்ந்த பணிகளில் 70 சதவிகிதம் மண்ணின் மைந்தர்களை கட்டாயம் பணியமர்த்த வேண்டும் என்று சவுதி அரசு சட்டமாக்கியதை தொடர்ந்து பாதிப்புகள் மேலும் அதிகரித்து வருகின்றன. பரபரப்பக இயங்கும் பல வணிக வீதிகள் வெறிச்சோடி கிடக்கின்றன என்ற தகவல் வருகிறது.
பர்சேஸ் மேனேஜர்,சேல்ஸ்மேனேஜர், கேஷியர், ஏரியா மேனேஜர், போன்ற பல நடுத்தர பெரிய பொறுப்புகளில் 10- 15 ஆண்டுகள் பணியாற்றி சிறப்பான ஊதியத்துடன் அங்கேயே குடும்பத்தோடு வாழ்ந்தவர்கள் பலர் வேதனையோடும் எதிர்காலம் குறித்த கவலையோடும் ஊர்திரும்பி வருகின்றனர். மீண்டும் பூஜ்யத்திலிருந்து வாழ்வை துவங்கும் அவல நிலைக்கு தள்ளப்பட்டுள்ளனர்.
அரபுலகில் இது ஒரு தற்காலிக பின்னடைவுதான் என்றாலும் முன்னேற்பாட்டுத் திட்டங்களில் கவனமில்லாத முஸ்லிம் சமூகத்தில் இந்த நிலை அதிகரித்தால் சமூக பொருளாதார நெருக்கடிகள் பெருகும்.குடும்ப உறவுகளில் குளறுபடிகளும் உளவியல் ரீதியான பாதிப்புகளும் அதிகரிக்கும் ஆபத்து இருக்கிறது.
தனிமனிதனின் அல்லது ஒரு சமூகத்தின் வளர்ச்சி என்பதும் பாதிப்படைந்தால் அவர்களின் மீள்எழுச்சி என்பதும் ஒரு கூட்டு முயற்சியின் மூலமே சாத்தியப்படும். இந்த எதார்த்தத்தை நாம் அனைவரும் உணர்ந்தாக வேண்டும். யாருடைய துணையும் உதவியும் இன்றி இந்த உலகில் யாராலும் ஒருஅடி கூட முன்னேறிவிட முடியாது.வாழ்ந்து விடவும் முடியாது.
கூட்டாக சிந்தித்து சிக்கல்களை அலசி ஆராய்ந்து தீர்வுகளை முன்னெடுப்பதில் சுயநலம் இல்லாமல் ஒரு சமூகமாக ஒருவருக்கொருவர் உதவிக்கொள்வது இந்த நெருக்கடியை ஓரளவிற்கு சமாளிப்பதற்கு உதவி செய்யும்.எதிர்காலத்தில் சமூகத்திற்கு ஏற்படும் பல இன்னல்களுக்கு இப்படிப்பட்ட ஒரு கூட்டு முயற்சியின் முன்னுதாரணம் அவசியத்தேவையாகவும் இருக்கிறது.
உள்நாட்டில் தொழில் செய்வதற்கு முதலில் உளவியல் ரீதியாகவும் வாழ்வியல் ரீதியாகவும் இந்திய சூழலுக்கு தங்களை தயார்படுத்திக்கொள்ள வேண்டும். வெளிநாட்டில் வாழ்ந்தவர்களின் மிக முக்கியமான சிக்கலே இது தான்.குறிப்பாக பெண்கள் குழந்தைகளை சமாளிப்பது சற்று கடினம்.
இந்த நெருக்கடி நிலையை மாற்றத்திற்கான ஒரு வாய்ப்பாக எடுத்துக்கொண்டு இன்னொரு வகையிலும் நாம் முயற்சி செய்ய வேண்டும்.
அமெரிக்கா கனடா ஆஸ்திரேலியா மற்றும் ஐரோப்பிய நாடுகளில் வாழும் தமிழக முஸ்லிம்களின் சேவை அமைப்புகள் இங்கே தமிழகத்தில் கல்லூரிகளில் படித்துவரும் உம்மத்தின் இளைய தலைமுறைக்கும் வளைகுடா நாடுகளில் இப்போது வேலை இழந்துள்ள வர்களுக்கும் மாற்று ஏற்பாட்டை அந்தந்த நாடுகளில் உண்டாக்குவதில் உள்ள வாய்ப்புகளை கண்டறிய வேண்டும்.
குறிப்பாக அமெரிக்க ஐரோப்பிய நாடுகளில் வணிகத்திற்கான வாய்ப்புகளை கண்டறிந்து சமூகத்தை அதற்கு தயார்படுத்துவது தமிழக முஸ்லிம்களின் பாரம்பரிய பொருளீட்டும் மரபை மீட்கும் ஒரு ஏற்பாடாகவும் அமையும்.
அமெரிக்க ஐரோப்பிய நாடுகளின் வணிகம் வேலைவாய்ப்பு மற்றும் குடியுரிமை தொடர்பான தகுதிநிலையும் சட்டதிட்டங்களும் சற்று கடினமானவைதான். ஆனாலும் உம்மத்தின் நன்மைக்காக அங்கு வாழும் சொந்தங்கள் முயற்சி செய்ய வேண்டும். அந்த தகுதிநிலைக்கு சமூகத்தின் மாணவர்களையும் தற்போது வேலையிழந்து நிற்பவர்களையும் உயர்த்தும் பயிற்சியை அளித்து அங்கே குடியமர்த்துவது வரையுள்ள அனைத்து பொறுப்புகளையும் மனமுவந்து ஏற்க வேண்டும்.
இது சற்று கடினமான அதிக சிரமங்களையும் இழப்புகளையும் தரும் பொறுப்புதான். ஆனால் ஒரு சமூகத்தின் மறுமலர்ச்சிக்கான மகத்தான ஆரம்பமாக அமையும்.சிரமங்களோடு செய்யும் வேலைகளுக்குத்தானே இறைவனிடத்தில் சிறப்பான கூலி இருக்கிறது.
உலகில் வாழும் சீக்கியர்கள் ஒருசமூகமாக முன்னேறுவதில் ஒருவருக்கொருவர் உதவிக்கொள்வது எப்படி என்று சிறப்பாக வழிகாட்டுகின்றனர்.
அமெரிக்க ஐரோப்பிய நாடுகளில் வாழும் தமிழக முஸ்லிம்கள் களத்தில் இறங்க வேண்டிய
நேரம் இது.

Write on திங்கட்கிழமை, 26 நவம்பர் 2018

உலகிலேயே பெண்களுக்கு வாக்குரிமை முதலில் நியூசிலாந்தில்தான் வழங்கப்பட்டது. செப்டம்பர் 19, 1893 ஆம் ஆண்டு நடைமுறைக்கு வந்த தேர்தல் சட்டம், 21 வயது நிரம்பிய நியூசிலாந்து பெண்களுக்கு வாக்குரிமையை வழங்கியது. இந்தச் சட்டம் கொண்டு வர வேண்டும் என்று தொடர்ந்து அந்நாட்டில் போராட்டங்கள் நடந்து வந்தன. 30 ஆயிரம் பெண்கள் பங்கேற்ற 1893 ஆம் ஆண்டு ஆக்லாந்தில் நடைபெற்ற பேரணி ஒன்றுதான் பெண்களுக்கு வாக்குரிமை வழங்கும் கட்டாயத்தை அது உருவாக்கியது.1893 ஆம் ஆண்டு முதல் வாக்குரிமை கிடைத்து விட்டாலும் 1919 ஆம் ஆண்டுதான் பெண்கள் தேர்தலில் போட்டியிட முடிந்தது.
பல்வேறு துறைகளில் சிறந்து விளங்கும் பெண்கள் பங்கேற்ற சிறப்புக் கூட்டம் தற்போது ஆக்லாந்தில் நடைபெற்றது. இதில் 400 பெண்கள் பங்கேற்றனர். நியூசிலாந்து நாடாளுமன்றத்தில் உள்ள உறுப்பினர்கள் அனைவரும் கட்சி வேறுபாடின்றி இதில் கலந்து கொண்டார்கள். அப்போது ஆண்கள் மற்றும் பெண்களுக்கு இடையிலான ஊதிய வேறுபாடு பற்றி விவாதிக்கப்பட்டது. அதில் 9 சதவிகிதம் வேறுபாடு இருப்பதை நாடாளுமன்ற பெண் உறுப்பினர்கள் சுட்டிக்காட்டினர். பிரசவத்திற்குப் பிறகு அதே பணியில் தொடர்வது சாத்தியமற்றதாகி வருகிறது என்றும், பெண்களில் மாற்றுத் திறனாளிகள் பெரும் சிரமத்திற்கு ஆளாகி வருகிறார்கள் இது போன்று பல்வேறு துறைகளில் பிரச்சனைகள் இருப்பதாகக் கருத்து தெரிவித்த பலரும், 125 ஆண்டுகள் ஆகியும் முழுமையான சமத்துவம் கிட்டி விடவில்லை என்றார்கள்.
இஸ்லாமிய வரலாற்றில் பெண்களின் நிலை குறித்து படிப்பவர்களுக்கு பெரும் பாடம் இருக்கிறது.