தொடர் கட்டுரைகள்

தொடர் கட்டுரைகள் (56)

வியாழக்கிழமை, 09 நவம்பர் 2017 08:37

மண்ணின் வரலாறு-7

Written by

சென்னை - திருச்சி நெடுஞ்சாலையின் நடுவிலுள்ள திண்டிவனத்திற்கு மேற்கில் வரலாறு கூறும் வந்தவாசிக்கு தெற்கில் விழுப்புரத்திற்கு வடமேற்கில் திருவண்ணாமலைக்கு கிழக்கில் அமைந்துள்ள கோட்டைப்பட்டணம் செஞ்சி.
குறிஞ்சியும் மருதமும் கலந்து உறவாடும் நில அமைப்பில் சங்கரா பரணி ஆறு மேற்கிலிருந்து கிழக்காகத் தவழ்ந்து புதுச்சேரியில் சுண்ணாம்பு ஆறு எனப் பெயர் பெற்று கடலில் கலக்கிறது.
பத்தொன்பதாம் நூற்றாண்டின் முற்பகுதியில் நாராயண கோன் என்பவர் எழுதிய ‘கர்நாடக ராஜாக்கள் சவிஸ்தாரா சரிதம்’ எனும் நூலும் ஆங்கிலேயரின் மெக்கென்ஸி கெயெழுத்துப் படிவங்களும் செஞ்சிக்கு முன்பு கிருஷ்ணபுரம் என்ற பெயர் இருந்ததாக கூறுகின்றன. இது கடவுள் கிருஷ்ணரின் பெயரை நினைவு கூர்வதாக இருக்கலாம். செஞ்சி என்பதற்கான பொருள் புலப்படவில்லை.
senji 5நம்முடைய நாட்டில் நூற்றுக்கணக்கான கோட்டை கொத்தளங்கள் உள்ளன. அவற்றில் சில கோட்டையில் இருக்க வேண்டிய எல்லா வசதிகளையும் கொண்டிருக்கின்றன. சில பிரம்மாண்டமானவை. சில சிறியவை. இவற்றில் நடுத்தரமானவற்றில் சிறப்பான வசதிகளைப் பெற்ற கோட்டை, இங்குள்ள கோட்டை அரண்களும் அகழியும் சூழ கோட்டைக்கான இலக்கணத்தோடு உள்ளதால் வரலாற்றாய்வாளர்கள் இதனைக் காண விரும்புகிறார்கள்.
அரண்மனை, அந்தப்புரம், திருமண மஹால், படை வீரர்கள் தங்குமிடம், குதிரை யானை லாயங்கள், நெற்களஞ்சியம், கருமருந்துக் கிடங்கு. போர்பயிற்சிக் கூடங்கள், சக்கரக்குளம் - செட்டிக்குளம் என தண்ணீர் வசதி, நீண்ட உயர்ந்த சுவர்கள் என ஒரு கோட்டைக்கு வேண்டிய எல்லா வசதிகளையும் பெற்றது செஞ்சிக் கோட்டை.
இக்கோட்டையை யாதவர்கள் கட்டி ஆட்சி செய்திருகின்றனர். ஆனந்தக் கோன் முதலிலும் கிருஷ்ணக் கோன் அடுத்தும் ஆட்சி புரிந்துள்ளனர். இருபதாண்டுகளுக்குப் பின் குறும்பர்களின் ஆட்சி, பதினான்காம் நூற்றாண்டின் விஜய நகரப் பேரரசு செஞ்சியைக் கைப்பற்றியது. கிருஷ்ண தேவராயர் காலத்திற்குப் பின் செஞ்சியை நாயக்கர்கள் ஆளத் தொடங்கினார்கள்.
விஜயநகர அரசு நாயக்கர் அரசுகளால் ஆளப்பட்டு பேரரசாக மதுரை வரை பரவியிருந்தது. தக்காணத்தில் பாமினி அரசு முஸ்லிம்களால் ஆளப்பட்டு பின்னர் ஐந்தாகப் பிரிந்தது. கோல் கொண்டா, பீஜப்பூர், பீதார், பீரார், அகமத் நகர் என பாமினி அரசு ஐந்தானது.
ஒன்றாய் இருந்த போது இருந்த ஒற்றுமை ஐந்தாய்ப் பிரிந்த போது காணாமல் போனது. ஒருவருக்கொருவர் மோதிக் கொள்ளும் சூழல் உருவானது. அவர்கள் தானாகவும் மோதிக் கொண்டனர். விஜயநகர அரசால் தூண்டப்பட்டும் களம் கண்டனர்.
காலம் ஐவரையும் ஒரு திருமணத்தின் மூலம் இணைத்தது அவர்கள் ஒன்றுபட்டனர். விஜயநகரத்தின் விளையாட்டைப் புரிந்து கொண்டனர். ஒன்றுபட்ட அவர்கள் விஜய நகரப் பேரரசை வீழ்த்துனர்.
1565 இல் நடந்த தலைக்கோட்டை போர் பலரின் தலைவிதியையே மாற்றியது.
வீழ்த்தியவர்களில் ஒருவரான பீஜப்பூர் அரசருக்கு செஞ்சிக் கோட்டம் ஆளக் கிடைத்தது. செஞ்சிக்கு அப்போது ‘பாதுஷாபாத்’ எனும் பெயர் மாற்றம் கிடைத்தது.
கர்நாடகப் பகுதிக்கு அப்போது பௌஜிதாராக சையத் அம்பர்கானும் செஞ்சியின் ஆளுநராக சையத் நசீர் கானும் நியமனம் பெற்றார்கள்.
செஞ்சிக்கு மேற்கிலுள்ள திருவண்ணாமலை கிழக்கிலுள்ள வழுதாவூர் கடலோரமுள்ள போர்ட் நோவா (பரங்கிப் பேட்டை) அருகிலுள்ள பாளையங்கோட்டை ஆகிய இடங்களில் கிள்ளேதார்கள் (வட்டாட்சியர்) நியமிக்கப்பட்டனர். தேவனூர், மலையனூர், உளுந்தூர்ப் பேட்டை போன்ற ஊர்களில் படைத்துறை ஊதிய மானியம் பெற்றவர்களின் குடியிருப்புகள் உருவாகின.
ஆட்சியதிகார பணிகளுக்காக தக்காண முஸ்லிம்கள் தமிழகத்தின் வடபகுதியை வாழுமிடமாகக் கொண்டனர். பள்ளிவாசல்கள் கட்டப்பட்டன. இஸ்லாமிய சட்டங்களை அமல்படுத்த காஜிகளும் உரிமையியல் நீதிபதிகளும் நியமிக்கப்பட்டனர்.
பாலாறு, சங்கராபரணி, தென் பெண்ணை, கொள்ளிடம் ஆகிய ஆறுகள் நூறாண்டுகளுக்கு மேல் அமைதியாகப் பயணித்தன.
பதினேழாம் நூற்றாண்டின் நடுவில் ஆலம்கீர் ஒளரங்கசீப் - சிவாஜி மோதலில் ஆலம் கீரின் கையோங்கியது. சிறையிலிருந்து தப்பிய சிவாஜி வடக்குத் திசையைப் பார்ப்பதைத் தவிர்த்து தக்காணத்திற்கு வந்தார். கோல் கொண்டா அரசை தன் வசப்படுத்தி பண, படை உதவியோடு செஞ்சிக்கு வந்தார். அப்போது செஞ்சியை ஆண்டு கொண்டிருந்தவர்களை சதி செய்து நீக்கி ஆட்சியைத் தனதாக்கினார்.
1677 இல் சிவாஜி செஞ்சியின் ஆட்சிப் பொறுப்பை தன் சகோதரர் சாந்தாஜியிடம் ஒப்படைத்து விட்டு உடல் நலமில்லாததால் 1679 வரை ஓய்வில் இருந்தார். அதன் பின் அவருடைய கவனம் மராட்டியக் கோட்டைகளின் மேல் சென்றது.
மராட்டியரின் கரங்களுக்கு செஞ்சி சென்றதைக் கேட்ட ஒளரங்க சீப்புக்கு அடிமுதல் முடிவரை ஆவேசம் கொப்பளித்தது. தன்னுடைய முக்கிய தளபதியான ஜுல்பிகார் அலிகான் தலைமையில் பெரும்படையன்றை செஞ்சியைப் பிடிக்க அனுப்பினார்.(1690)
முற்றுகை தொடர்ந்தது. செஞ்சி மொகலாயர் கரங்களுக்கு வரவில்லை. சிவாஜியின் மரணத்திற்கு பின்பு ஆட்சியாளர்கள் மாறி இறுதியில் அவருடைய இரண்டாவது மகன் ராஜாராம் செஞ்சிக் கோட்டையின் அதிபதியாகியிருந்தார்.
பெருந்தளபதி ஜுல்பிகார்கானின் ஏழாண்டு முற்றுகைக்குப்பின் செஞ்சிக் கோட்டை மொகலாயர்களின் கரங்களுக்கு வந்தது. (1698)
senji 7ஜுல்பிகார் ‘நஸ்ரத் ஜங்’ எனும் பட்டப் பெயரைப் பெற்றார். இதனால் செஞ்சிக் கோட்டை ‘நசரத்காட்’ எனும் புதுப் பெயர் பெற்றது. இதன் பொருள் ‘வெற்றி நகரம்’ என்பதாகும்.
ஜுல்பிகார் கர்நாடக நவாப் ஆனார். கசாபர்கான் என்பவருக்கு செஞ்சியை ஆளும் பொறுப்பு கொடுக்கப்பட்டது. பின்னர் அப்பொறுப்பு ராஜஸ்தானைச் சேர்ந்த சொரூப் சிங்கிற்கு வழங்கப்பட்டது குத்தகை அடிப்படையில்.
சொரூப் சிங் செஞ்சிக்கு வருவதற்கு முன் ராஜஸ்தானின் புண்டேல்காண்ட் அரசருக்கு உதவியாளராக இருந்தார். இதன் காரணத்தால் சொரூப்சிங் வகையறாக்கள் புண்டேலாக்கள் என அழைக்கப்பட்டனர்.
சொரூப்சிங் சாதாரண படை வீரர் அல்லர். அவருடைய தாயார் ராஜபுத்திரி, தந்தை மொகலாயக் குடும்பத்தைச் சேர்ந்தவர். இதனாலேயே இவர் செஞ்சிக்கு ராஜாவானார். அவருடன் குதிரைப்படையும் காலாட்படையும் இருந்தன.
சொரூப் சிங் செஞ்சியிலிருந்து ஆண்ட போது ஆற்காட்டில் ஓர் ஆட்சிக் குழு இயங்கிக் கொண்டிருந்தது. அதன் திவான் சாதத்துல்லாஹ் கான், பேஷ்கார் தக்கிம் ராய், சிராஸ்தார் லாலா தோடர் மால். இவர்களிடமும் காலாட்படை, குதிரைப் படை, யானைப் படைகள் இருந்தன.
பன்னிரெண்டு லட்சம் பகோடாக்களை வருமானமாகப் பெற்று வந்த சொரூப் சிங் திறையைச் செலுத்தாமலிருக்க ஆரம்பித்தார். ஒளரங்க சீப் (1707) மரணத்திற்குப் பின் அவர் தனித்தியங்க விரும்பினார். புதிய பேரரசர் பகதூர் ஷாவிற்கு பஞ்சாப், ஆக்ரா ஆகிய இடங்களில் மராட்டியர்களும் ராஜ புத்திரர்களும் சீக்கியர்களும் ஜாட் இனத்தவர்களும் தொல்லை கொடுக்கத் தொடங்கினார்கள்.
இந்தச் சூழல் சொரூப் சிங்கை திறை செலுத்தாமலிருக்கத் தூண்டியது. தனியரசு காண கூறியது.
பாரூக் ஷியார் ஆட்சியின் போது சொரூப் சிங்கின் திறை கணக்கிடப்பட்டு எழுபது லட்சம் ரூபாய் வசூலிக்க ஆணை பிறப்பிக்கப்பட்டது. இந்த சூழலில் சொரூப் சிங் 1714 ஆம் ஆண்டு மரணமடைந்தார்.
சொரூப் சிங் மரணமடைய அவரின் மகன் தேசிங்கு ராஜன் புண்டேலாவிலிருந்து புறப்பட்டு செஞ்சி வந்து முடி சூட்டிக் கொண்டார். மொகலாயப் பேரரசைப் பற்றி அவர் கவலைப்படவில்லை. திறைப்பாக்கியைப் பற்றிய செய்திக்கு அவர் செவி சாய்க்கவில்லை “செஞ்சியின் ஆட்சியதிகாரம் எங்களுக்குரியது. யாருக்கும் திறையோ கப்பமோ கட்ட வேண்டியதில்லை” என்றான் 22 வயதே ஆன செஞ்சிக் கோட்டை வாலிபன் தேசிங்கு ராஜன்.
திவான் சாதத்துல்லாஹ் கான் சிராஸ்தார் லாலா தோடர் மாலை அனுப்பி தேசிங்கிடம் திறையைக் கேட்க வைத்தார். தேசிங்கு டெல்லியின் ஆணையைக் கேட்பதாக இல்லை. போர் முழக்கம் செய்தான். உதவிக்கு வழுதாவூர் கிள்ளேதாரும் நண்பனுமான மகபத்கானின் படை வந்தது.
செஞ்சியின் சிறுபடை மொகலாயர்களின் பெரும்படையோடு மோதி தோற்றது. தேசிங்குராஜன் களப்பலியானான். தேசிங்கு ஆண்டதோ பத்தே மாதங்கள் மாண்டதோ அரை நொடியில், ஆனால் அவன் நாட்டுப்புறப் பாடல்களில் நாயகன் ஆகிவிட்டான்.
தேசிங்கு மரணித்த பின் செஞ்சி நவாப் சாதத்துல்லாஹ் கானின் கீழ் வந்தது. அவருடைய இயற் பெயர் சையத் முகம்மது பட்டப் பெயர்தான் சாதத்துல்லாஹ்கான். இவர் மொகலாயரோ, துருக்கியரோ, ஆஃப்கானியரோ அல்லர்; அரேபியர்.
கி.பி. பதிமூன்றாம் நூற்றாண்டில் அரேபியாவை ஆண்ட ஹஜ்ஜாஜ் இபுனு யூசுபின் முறையற்ற ஆட்சியால் அரபு முஸ்லிம்கள் கப்பல் கப்பலாய் அரபிக் கடலைத் தாண்டி வந்தனர். அவர்களில் அரபுக் கடலோரம் கொங்கணக் கடற்கரையில் வந்திறங்கிய நவாயத் வம்சாவழியைச் சேர்ந்தவர்கள் சாதத்துல்லாஹ்கானின் குடும்பத்தினர்.
ஒளரங்க சீபிடம் பணிக்குச் சேர்ந்த சையது முஹம்மது படிப்படியாய் உயர்ந்து ‘மான்சாப்’ (ஆட்சிக்குழு உறுப்பினர்) ஆகி ஆற்காட்டு நவாப்பாக உச்சத்தை அடைந்தது. ‘சாதத் நாமா’ எனும் நூலில் பதிவாகியுள்ளது.
சாதத்துல்லாஹ் கானுக்கு முன்பு நவாபாக இருந்த தாவூத்கான்தான் தலைநகரை செஞ்சியிலிருந்து ஆற்காட்டுக்கு மாற்றினார். அதனாலேயே ‘ஆற்காட்டு நவாப்’ எனும் பெயர் வந்தது. என்றாலும் சாதத்துல்லாஹ்கான் செஞ்சியிலிருந்தே ஆட்சியதிகாரம் செய்தார். அவர் காலத்தில் நூற்றுக்கணக்கான அரபுகள் ஆற்காட்டு நிர்வாகங்களில் அங்கம் வகித்தனர். அவர்களின் வழித்தோன்றல்கள் இன்றும் செஞ்சி, ஆற்காடு, வேலூர் பகுதிகளில் இருக்கின்றனர். மீனம்பூரில் திரளாக உள்ளனர்.
சீரிய ஆட்சி செய்த சாதத்துல்லாஹ்கானுக்குப் பின் சில நவாயத் நவாப்கள் அதற்குப் பின் ஹைதராபாத் நிஜாம் அனுப்பிய அன்வர்தீனை ஏற்காத சந்தா சாகிப் பிரெஞ்சியரோடு சேர்ந்து நவாபை எதிர்த்தார். நவாபோடு ஆங்கிலேயர் சேர போரில் அன்வர்தீன் மரணிக்க அதன் பின் நடந்த போரில் சந்தா சாகிப் மரணிக்க முகம்மது அலீ நவாப் ஆனார்.
அன்வர்தீனின் மகனே வாலாஜா முஹம்மது அலி. இவரே ஆற்காட்டிலிருந்த தலைநகரை மதராஸ் பட்டினத்திற்கு மாற்றியவர். ஆற்காட்டு அரசை ஆங்கிலேயருக்கு மடை மாற்றியவர்.
செஞ்சியின் வரலாற்று நிகழ்வுகளில் ஒன்று, மைசூர் ஹைதர் அலி ஆங்கிலேய தளபதி மெக்காலேயை 1780 இல் சிறை பிடித்தது. எனினும் பின்னர் செஞ்சி ஆங்கிலேயர் வசம் சென்றது.
“செஞ்சி ஆங்கிலேயர்களின் ஆளுகைக்கு உட்பட்டதிலிருந்து அதனுடைய வரலாற்று முக்கியத்துவத்தை இழந்தது. ஐரோப்பா நெப்போலியனைப் பற்றி அச்சம் கொண்டிருந்த வேளையில் ஆற்காடு மாவட்ட ஆட்சியாளாயிருந்த காரோ என்பவர் 1802 ஆம் ஆண்டு செஞ்சியிலுள்ள கோட்டையை அழித்து விடும்படி வருவாய்க் கழகத்துக்கு பரிந்துரை செய்தார். நல்ல வேளையாக ஆட்சியரின் பரிந்துரை செயல்படுத்தப்படவில்லை” என்கிறார் ‘செஞ்சியின் வரலாறு’ எனும் நூலை எழுதிய பேராசிரியர் சி.எஸ். சீனிவாச்சாரி.
பெரும் நகரமாக மாறாத செஞ்சி பெரும் வரலாற்றைச் சுமந்து நிற்கிறது. இங்கு சிதைந்தும் சிதையாமலும் காணப்படும் கோட்டைக் கொத்தளங்களும் அரசாட்சி மண்டபமும் களஞ்சியங்களும் கல்யாண மகாலும் லாயங்களும் பாதுகாப்பரண்களும் நடுத்தமிழக வரலாற்றின் நடுப்பகுதியைச் சொல்லுகின்றன. தமிழகத்தில் காண வேண்டிய ஓரிடமாகத் திகழும் செஞ்சி பார்ப்பவர்களை பழைய காலத்துக்கே அழைத்துச் செல்லும். குதிரைகளின் குளம்பொலிகள் உங்கள் செவிகளில் ஒலித்துக் கொண்டே இருக்கும்.
“ஒரு நேரத்தில் அலங்கரிக்கப்பட்ட போர்க் குதிரைகள் துள்ளி எழுச்சி நடை போட்ட மண்ணை அரை நிர்வாணமாக ஏர் உழும் ஒரு விவசாயின் எருதுகள் ஏர்க்கலப்பையினால் புரட்டிப் போட்டுக் கொண்டிருக்கின்றன. செஞ்சி அரசர்கள் ஆரவாரத்துடன் அமர்ந்து அரசோச்சிய இடத்தில் சிலந்திகள் வலை பின்னிக் கொண்டிருக்கின்றன. ஆனால் துணிவும் வீரமும் மிக்க ஒரேயரு அரசனின் நினைவு மட்டும் கிராமங்களில் போற்றி பாதுகாக்கப்படுகிறது. நாடோடிப் பாடகர்கள் ராஜா தேசிங்கின் வாழ்வையும் வீழ்ச்சியையும் பாடிக் கொண்டிருக்கின்றார்கள்” என வரலாற்றாசிரியர் பேராசிரியர் சி.எஸ்.சீனிவாச்சாரி குறிப்பிடுவதில் உண்மையிருக்கிறது.
செஞ்சிப் பகுதியை நூறாண்டுகளுக்கு மேல் ஆண்ட பீஜப்பூர் சுல்தான்களிடம் பாரசீக, துருக்கி, ஆஃப்கன், தக்காண முஸ்லிம்கள் பணியாற்றியுள்ளனர். அவர்கள் ஆங்காங்குள்ள ஊர்களில் அரசுப் பணிகளிலும் படைகளிலும் இருந்துள்ளனர். பீஜப்பூர் சுல்தான்களின் ஆட்சிக்குப் பின்னர் மராட்டியர் ஆட்சி. அதன்பின் மொகலாயர் - நிஜாம் ஆட்சிகள்.
இறுதியில் ஆற்காடு நவாப் அரசு ஐரோப்பியரோடு ஐக்கியமான பின் ஆங்காங்கு ஆற்காட்டிலிருந்து தமிழகக் கோடி வரை வாழ்ந்த முஸ்லிம்கள் தக்காணவர் எனும் பொருளில் ‘தக்னி’ எனக் குறிப்பிடப்பட்டனர். அவர்களே செஞ்சியில் பெரும்பாலும் வாழ்கின்றனர். அதே சமயத்தில் மராட்டியர் ஆட்சிக் காலத்தில் குடியேறிய மராட்டியர்கள் என்ன ஆனார்கள்? அவர்கள் தமிழரோடு கலந்து விட்டார்களா? அல்லது மராட்டியத்திற்கோ தஞ்சையில் அவர்களின் ஆட்சியிருந்ததால் தஞ்சைப் பகுதிக்கோ இடம் பெயர்ந்து விட்டார்களா?
செஞ்சியிலும் முஸ்லிம்கள் மிகப் பெரும்பான்மையினராக இல்லை. அவர்கள் பீரங்கிமேடு, செட்டிக் குளம், விழுப்புரம் சாலை போன்ற பகுதிகளில் மட்டும் பெரும்பான்மையினராக வாழ்கின்றனர். விவசாயிகளாகவும், வியாபாரிகளாகவும், அரசுப் பணிகளிலும் உள்ளனர்.
செஞ்சியைச் சுற்றிலும் முஸ்லிம்கள் நூற்றுக்கணக்கில் வாழ்கின்றனர். அவர்கள் ஷேக், சையத், ஷெரீப், தக்னி, பட்டான்கள் ஆவர். அன்றைய அரேபிய, துருக்கிய, ஆப்கானிய, பாரசீக வம்சா வழியினர் இவர்கள். இவர்களோடு நூற்றுக்கணக்கான தமிழ்ப்பேசும் முஸ்லிம்களும் வாழ்கின்றனர்.
ஏழு பள்ளிவாசல்கள் உள்ளன. கோட்டைக்கு கீழேயுள்ள சாதத்துல்லாஹ்கான் பள்ளிவாசல் பெருநாட்களின் போது தொழும் ஈத்கா மைதானமாக பயன்பாட்டில் உள்ளது.
செஞ்சியில் பெருந்தொகையாக வாழும் முஸ்லிம்கள் பள்ளியம்பட்டு, அப்பம்பட்டு, மீனம்பூர், நீலாம்பூண்டி, எதப்பட்டு, அவலூர்ப் பேட்டை போன்ற செஞ்சி வட்ட சிற்றூர்களிலும் கணிசமாக வாழுகின்றனர். வட ஆற்காட்டு மாவட்டத்தின் முஸ்லிம்கள் ஆயிரக்கணக்கில் வாழ்கின்றனர்.
முஸ்லிம்களின் ஆட்சியில் பங்கேற்றவர்களே தாம் வந்த திசை நோக்கிச் செல்லாமல் பரம்பரையாய் உருது பேசினாலும் தமிழர்களாய் இங்கு வாழ்கின்றனர்.
ஆலம்கீரின் மாபெரும் தளபதி ஜுல்பிகார் அலிகான் துருக்கியர், அவருக்குப் பின் செஞ்சியை ஆண்ட தாவூதுகான் ஆப்கானியர் - தாவூத்கானுக்குப் பின் வந்த சாதத்துல்லாஹ் கான் அரேபியர்.
முதலிருவர் டெல்லிக்கே திரும்பி விட்டாலும் அவர்களின் இன மக்களில் பலர் இங்கேயே தங்கி விட்டனர். நவாப் சாதத்துல்லாஹ்கான் இங்கேயே வாழ்ந்து வாழ்வை முடித்துக் கொண்டாலும் அவரைச் சேர்ந்த ஆயிரக்கணக்கானோரை தமிழகத்தில் குடியேற்றி வாழச் செய்து விட்டார்.
அன்று வந்து செஞ்சியில் குடியேறிய முஸ்லிம் குடும்ப உறுப்பினர்களில் ஒருவரே இன்று செஞ்சியின் சட்டசபை உறுப்பினர். Muhammed Ali Khan Wallajahமுஸ்லிம்கள் ஆண்ட பூமியில் ஒரு முஸ்லிம் சட்டமன்ற உறுப்பினர்.
நாடு விடுதலை பெற்ற பின் முஸ்லிம் லீக் அடிமட்ட முஸ்லிம்களை நோக்கிச் செல்லவில்லை. எனவே அன்றைய முஸ்லிம் இளைஞர்கள் திராவிட இயக்கத்தில் சங்கமித்தனர்.
நாகப்பட்டின பாட்ஷா, கடையநல்லூர் கதிரவன் எனும் சம்சுதீன், பெரியகுளம் மேத்தா (முன்னாள் எம்.எல்.ஏ) காயல்பட்டினம் ஜக்கரியா (கதிரவன் ஆசிரியர்) முகவை காதர் என சில கழகக் கண்மணிகள். அவர்களில் செஞ்சி மஸ்தானும் ஒருவர். இவர் விழுப்புரம் மாவட்ட தி.மு.க.வின் தலைவராகவும் உள்ளதோடு தற்போதைய செஞ்சியின் எம்.எல்.ஏ. ஆகவும் உள்ளார்.
இங்கே தீய சக்திகள் முளைக்காமல் இருப்பதற்கு மக்களின் ஒற்றுமையே காரணம். இங்கு முஸ்லிம்கள், வன்னியர்கள், பல இனக்குழக்களோடு தமிழ் சமணர்களும் வாழ்கின்றனர்.
செஞ்சிக்கும் திண்டிவனத்துக்கும் இடையில் உள்ள வல்லம் அருகில்தான் தமிழ் சமணர்களின் தலைமை பீடமான மேல் சித்தாமூர் உள்ளது. தமிழ் சமணர்களை நயினார் என அழைக்கின்றனர்.
முஸ்லிம்கள் தம் வாழ்விடங்களில் அமைத்துள்ள ஜமாஅத்களை மாவட்ட மாநில அளவில் விரிவாக்கலாம்; ஆன்மீக அமைபைத் தவிர ஏதேதோ கூறிக் கொண்டு இயக்கங்கள் அமைத்து சமுதாயத்தைப் பிரியச் செய்வது நல்லதல்ல.
அரசியலைப் பொறுத்தவரை தனித்தனி அமைப்புகளைச் சாராமல் முஸ்லிம்கள் ஒத்த கருத்துடைய பெரிய கட்சிகளில் சேர்ந்து செயல்படுவதே நல்லது.
முஸ்லிம் இயக்கங்கள் தனித்தே தேர்தலில் போட்டியிட்டு வென்றதாக வரலாறில்லை. ஏதோ ஒரு பெரிய கட்சியின் கூட்டில்லாமல் வென்றிட வாய்ப்பில்லை.
காங்கிரசில் வாய்ப்பு பெற்ற முஸ்லிம்கள் ஏற்கனவே வேலூர் குடந்தை நாடாளுமன்ற உறுப்பினராகியுள்ளனர். தி.மு.க.வில் வாய்ப்புப் பெற்றவர்களும் அதேபோல் அரசியலில் வெற்றிகளைப் பெற்றுள்ளனர். இதையே செஞ்சியும் செஞ்சி கே.எஸ்.மஸ்தான் எம்.எல்.ஏ. வும் உறுதிப்படுத்துகின்றனர்.
ஊர்வலம் தொடரும்
தொடர்புக்கு : 9710266971

வியாழக்கிழமை, 09 நவம்பர் 2017 06:25

இளம் ஆலிம்களே! உங்களைத்தான்! (6)

Written by

திருக்குர்ஆன் ஆய்வு -

அரபிக் கல்லூரி மாணவக் கண்மணிகளே! திருக்குர்ஆன் கலைகளில்5ஆவதாக, குர்ஆன் வசனங்கள் சுட்டிக்காட்டும் பல்துறை தத்துவங்கள்தொடர்பான ஆராய்ச்சியைக் குறிப்பிடலாம். இது, திருவசனங்களின்பொருள், விரிவுரை ஆகியவற்றை நன்கு அறிந்தபிறகு அறியவேண்டிய ஆழமான, நுணுக்கமான விஷயமாகும்.

அரசியல், அறிவியல், இறையியல், ஒழுக்கவியல், சட்டவியல், குடும்பவியல்,குற்றவியல், பொருளியல், வணிகவியல், வாழ்வியல், வேளாண்மை.. என மனிதனின்அமைதியான வாழ்விற்குத் தேவையான பல்வேறு இயல்கள் குறித்து குர்ஆன் கூறும்கருத்துகளையும் வழிகாட்டல்களையும் துறைவாரியாகக் கண்டறிதல் அவசியம்.இதையே ஆய்வு, அல்லது ஆராய்ச்சி என்கிறார்கள்.
ஏற்கெனவே செய்யப்பட்டுள்ள ஆய்வுகளை, நூல்கள் மற்றும் இணையதளம்வாயிலாகத் தேடிக் கற்பது ஒரு வகை! இந்தத் தேடலே பெரிய விஷயம்தான்.இயன்றால், நாமே இத்துறைகள் தொடர்பான கூறுகளை குர்ஆனில் தேடிக்கண்டுபிடிப்பது இன்னொரு வகை. இந்த இரண்டாம் வகை ஆராய்ச்சி, உலக அளவில்எங்கேனும் நடக்கிறதா என்பது தெரியவில்லை.

aalimஏனெனில், பெரும்பாலும் என்ன நடக்கிறது என்றால், அறிவியல் அரங்கில் ஏதேனும்ஒன்றைப் புதிதாகக் கண்டுபிடிப்பார்கள். அது, குர்ஆன் அல்லது ஹதீஸில் வந்துள்ளபொருளை உறுதி செய்யக்கூடிய, மெய்ப்பிக்கக்கூடிய சான்றாக அமைந்துவிடும். அதைஎடுத்துப் பேசியும் எழுதியும் புளகாங்கிதம் அடைந்துகொள்கிறோம். அவ்வளவுதான்.இதையே முஸ்லிம் உலகம், குர்ஆனைப் பார்த்து, ஆராய்ச்சி செய்துகண்டுபிடித்திருந்தால் பலநூறு ஆண்டுகளுக்கு முன்பே அறிவியல் உலகத்திற்குக்கிடைத்த பெருங்கொடையாக இருந்திருக்கும் அல்லவா?

இந்தச் சரிவுக்குக் காரணம், அறிவியல் உள்ளிட்ட பல துறைகளுக்கு வித்திட்டமுஸ்லிம் அறிஞர்களும் ஆராய்ச்சியாளர்களும் போட்ட அஸ்திவாரத்தில்முஸ்லிமல்லாதவர்கள் -குறிப்பாக மேற்கத்தியர்கள்- பெரிய பெரிய கட்டடங்களைஎழுப்பி எங்கோ உயரத்திற்குச் செல்ல, தம் முன்னோர்களின் அடிச்சுவட்டைப்பின்பற்றத் தவறினார்கள் முஸ்லிம் கல்வியாளர்கள்.

இதனால் இன்னும் தரைமட்டத்திலேயே கிடக்கிறார்கள். பாதங்களுக்குக் கீழேகொட்டிக் கிடக்கும் பெட்ரோல் உள்ளிட்ட கனிமச் செல்வங்களைக்கூட, அடுத்தவர்வந்து இனம் காட்ட வேண்டிய அவல நிலையில் தத்தளிக்கின்றன முஸ்லிம் நாடுகள்.

முஸ்லிம் விஞ்ஞானிகள்
மருத்துவம், வேதியியல், கணிதம், வடிவியல் (Geometry), தத்துவம் போன்றகலைகளுக்கு விதை தூவிய முஸ்லிம் விஞ்ஞானிகள் சிலரைப் பற்றி அறிவோம்.

1. ராஸேஸ் (Razes). இவர் கி.பி. 864இல் பிறந்து, 932இல் மறைந்தார். ஊர், ஈரானில் உள்ள ரய்யு. இவரது பெயர்: முஹம்மத் பின் ஸகரிய்யா அர்ராஸீ. ராஸீ என்பதைத்தான் ராஸேஸ் என்று மாற்றி உருக்குலைத்திருக்கிறார்கள். இவர் இயற்றிய இரண்டு நூல்கள், அறிவியல் உலகில் பிரசித்திபெற்றவை. 1. மருத்துவக் கலைக் களஞ்சியமான ‘தி காம்ப்ரஹன்சிவ் புக். 2. வேதியியலில் பிரபலமான நூல்: ‘தி ஸ்பிரிச்சுவல் ஃபிஸிக் ஆஃப் ராஸேஸ்.

2. அவிசென்னா (Avicenna). கி.பி.980இல் பிறந்து 1037இல் மறைந்த மேதை. ஊர்: உஸ்பெகிஸ்தானிலுள்ள புகாரா. அலீ பின் சீனா என்பதுதான் ‘அவிசென்னா’ ஆகி அடையாளம் இழந்திருக்கிறது. இவர் எழுதிய இரு நூல்கள் மருத்துவத்தில் பெயர்போனவை. 1. கேனன் ஆஃப் மெடிசன் (அல்கானூனு ஃபித்திப்பி); 2. தி புக் ஆஃப் ஹீலிங் (கிதாபுஷ் ஷிஃபா); இவையன்றி, 3. ‘தி புக் ஆஃப் சால்வேஷன்’ 4. தி புக் ஆஃப் டைரக்டிவ்ஸ் அண்ட் ரிமார்க்ஸ்’ ஆகியவையும் இவர் எழுதியவையே! ஆக, இப்னு சீனா அவர்கள் ஒரு மருத்துவர்; கணித மேதை; விஞ்ஞானி; தத்துவ அறிஞர்.

3. அல்காரிதம். இராக்கில் கி.பி. 780இல் பிறந்து 850இல் மறைந்த கணித மேதை. பெயர்: முஹம்மத் பின் மூசா அல்குவாரிஸிமீ. இதையே ‘அல்காரிதம்’ என்று மாற்றிவிட்டார்கள். இவர் ‘அல்ஜிப்ரா’ எனும் கால்குலேஷன் கணிதத்தின் முன்னோடி. இவர் எழுதிய நூல்: தி கம்பென்டியஸ் புக் ஆஃப் கால்குலேஷன், பை கம்ப்ளீஷன் அண்ட் பாலன்சிங்க் (அல்கிதாபுல் முக்தஸர் ஃபீ ஹிசாபில் ஜப்ரி வல்முகாபலா).

இந்நூல், கோட்ட அளவு, இரு விசைப்படி சமன்பாடுகளுக்கான தீர்வு, வடிவியல், தகவுப்பொருத்த செயல்பாடுகள் ஆகியன குறித்து விவாதிக்கிறது.

இன்னும் எத்தனையோ முஸ்லிம் அறிவியலாளர்கள் ஆராய்ச்சித் துறைக்குக் கோடுபோட்டுவிட்டுச் சென்றனர். மேலை நாட்டினர் ரோடே போட்டுவிட்டனர். அறிவியல்துறை சாதனைக்காக நோபல் பரிசு பெறுவோரில் அவர்களே அதிகம். ஆனால்,முஸ்லிம்களுக்குத் தங்கள் முன்னோர் போட்ட கோடும் தெரியாது; மற்றவர்கள்போட்ட ரோடும் தெரியாது. இந்த அறிவியலை வைத்துத்தான், இஸ்ரேலும்அமெரிக்காவும் உலகையே ஆட்டிப் படைக்கின்றன என்பதை மறக்க முடியாது;மறுக்கவும் முடியாது.

quranandmodernsciencecompatibleorincompatible-150712172419-lva1-app6892-thumbnail-4இதனால்தான், கல்வியாளர் மு. ஆனந்த கிருஷ்ணன் ஒரு கட்டுரையில் இப்படிக்குறிப்பிடுகிறார்:
எட்டாம் நூற்றாண்டு முதல் 15ஆம் நூற்றாண்டுவரை ஒன்பது நுற்றாண்டுகள்அறிவியல் அரங்கிலகொடிகட்டிப் பறந்த முஸ்லிம்கள், அதன்பின் அத்தகையஅறிஞர்களை உருவாக்கத் தவறிவிட்டனர்.

கண்டுபிடிப்புகளையாவது...?
சரி! அறிவியல் உலகில் யாரோ கண்டுபிடித்த விஞ்ஞான உண்மைகளையாவதுகுர்ஆன், ஹதீஸுடன் ஒப்பிட்டுப்பார்த்து, அல்லது ஏற்கெனவே ஒப்பிட்டுப் பார்க்கப்பட்ட தகவல்களையேனும் கண்டறிந்து மார்க்க அறிஞர்கள் அறிவியலை நுகர வேண்டுமா?இல்லையா? அந்த நுகர்வுக்கு, நீ திசை காண வேண்டும்.
மத்ரஸாவில் திசை காண தவறிவிட்டதற்காக இப்போதும் குர்ஆன் கூறும்அறிவியலை அடையாளம் காணாமல் அசட்டையாக இருந்துவிடாதீர்கள். நூல்களைத்தேடுங்கள்! இணைய தளத்தை நாடுங்கள்! எப்பாடுபட்டேனும் அறிந்துகொள்ளமுயலுங்கள்!

எடுத்துக்காட்டுக்காகச் சில வசனங்களை உங்கள் கவனத்திற்குக்கொண்டுவருகிறேன்:
‘அல்அன்பியா’ அத்தியாயத்தில் ஒரு வசனம்: “வானங்களும் பூமியும் ஒன்றாகஇணைந்திருந்தன. நாம்தான் அவற்றை வெடித்துச் சிதறவைத்தோம். (21:30)

1973ஆம் ஆண்டு நோபல் பரிசு பெற்றுத்தந்த அறிவியல் ஆய்வே இப்பொருள்தான். ‘பெருவெடிப்பு’ (Big Bang) எனும் பிரபஞ்சக் கோட்பாடுதான் அது. மிகமிக அதிகமானவெப்ப நிலையும் அடர்த்தியும் மிகுந்த ஒரு வெடிபொருள் வெடித்துச் சிதறியதில்உண்டானதே இந்தப் பிரபஞ்சம் என்கிறது இக்கொள்கை.

இத்திருவசனம் அருளப்பெற்று பலநூறு ஆண்டுகளுக்குப் பிறகுதான், ‘பெருவெடிப்பு’கோட்பாடே மனிதனுக்குத் தெரியவந்திருக்கிறது. இவ்வசனத்தை அறிவியல்கண்ணோட்டத்தோடு ஆய்வு செய்திருந்தால், என்றோ ‘பெருவெடிப்பு’ கொள்கைமனிதகுலத்திற்குக் கிடைத்திருக்குமல்லவா? வசனத்தைத் திரும்பத் திரும்பப்படியுங்கள். உண்மை தெரியும்.

சரி! இப்போதாவது, இவ்வசனத்தைப் படிக்கும்போதும் படிப்பிக்கும்போதும் -இது ‘Big Bang’ கொள்கையைக் குறிக்கிறது என இலேசாகவேனும் சுட்டிக்காட்டப்படவேண்டுமல்லவா?

‘அல்பகரா’ அத்தியாயத்தில் ஒரு வசனம்: மணவிலக்குச் செய்யப்பட்ட பெண்கள்மூன்று மாதவிடாய் (முடியும்)வரை (மறுமணம் செய்யாமல்) தங்கள் விஷயத்தில்காத்திருக்க வேண்டும். (2:228)
விவாகரத்துச் செய்யப்பட்ட பெண், உடனுக்குடன் மறுமணம் செய்துகொள்ளக் கூடாது. 3 மாதவிடாய்க் காலம் -சுமார் 3 மாதங்கள்- காத்திருந்து, அப்பருவம் கடந்தபிறகேமற்றோர் ஆணை மண முடிக்கலாம். இது ஏன்?
1. முதல் கணவரால் உருவான கரு அவள் வயிற்றில் இருந்து, மறுமணத்திற்குப் பின்குழந்தை பிறக்க, குழந்தை யாருடையது என்ற குழப்பம் தோன்ற வாய்ப்பு உண்டுஎன்பது ஒரு காரணம். அதுதான் இன்றைக்கு ஒரு டெஸ்ட் பண்ணிவிட்டாலே விஷயம்தெரிந்துவிடப்போகிறது என்ற கேள்வி எழும். அதற்கும் ஒரு பதிலைக் கூறிவிடலாம்!டெஸ்டில் தவறு ஏற்பட இடமுண்டு எனும்போது எப்படி நம்புவது என்றுபதிலளிக்கலாம்!

2. கணவன் - மனைவி உறவு முறிந்துபோனது ஒரு துக்கமான நிகழ்வு; துக்கத்தைக்காட்டும் முகமாகவே 3 மாதக் காத்திருப்பு என்பது இரண்டாவதாகச் சொல்லப்படும்காரணம். இதிலும், உறவு முறிந்ததால் இருவரும் நிம்மதி அடைந்துள்ளனர்என்றாலோ, மனைவிக்கு இதில் ஏகப்பட்ட சந்தோசம் என்றாலோ துக்கம்போலியானதாகிவிடுமே! என்ற கேள்விக்கு இடமுண்டு.

3. அண்மையில் ஒரு யூத விஞ்ஞானி கண்டுபிடித்த காரணம் ஒன்று உண்டு. இதனால்அவர் இஸ்லாத்தில் இணைகின்ற நிலையும் ஏற்பட்டது.

ராபர்ட் கில்ஹாம்
கருவியல் ஆராய்ச்சியாளரான ராபர்ட் கில்ஹாம் ஒரு யூதர். இவர் நீண்ட காலமாக ஓர்ஆய்வை மேற்கொண்டிருந்தார். ஆணின் ரேகைப்பதிவு (DNA Finger Printing)தொடர்பானது அந்த ஆய்வு. ஓர் ஆண், பெண்ணிடம் விட்டுச்செல்லும் டி.என்.ஏ.ரேகைப் பதிவு 3 மாதங்களுக்குப் பிறகு அழிந்துபோகும் என்று ஆய்வில் அவர்கண்டுபிடித்தார்.

அதாவது தம்பதியர் உடலுறவு கொண்டால், ஆண் தனது பாலின ரேகையைப்பெண்ணிடத்தில் விட்டுச்செல்கிறான். அது 3 மாதங்களுக்குப் பிறகே முற்றாக அழியும்என்பதே அவரது கண்டுபிடிப்பு. இதை அவர் பரிசோதித்துப் பார்த்து உறுதியும்செய்துகொண்டார்.

இதிலிருந்து 3 மாத ‘இத்தா’ ஏன் என்பதற்கான காரண விளக்கமும் வெளிவந்தது.முதல் கணவனின் டி.என்.ஏ. ரேகைப் பதிவு முற்றாக அழிய 3 மாதங்கள் பிடிக்கும்.அதன்பின் மறுமணம் செய்துகொண்டால், டி.என்.ஏ பரிசோதனையில் குழப்பம் இராது.இல்லையேல் மறுமணத்திற்குப்பின் பிறக்கும் குழந்தையின் டி.என்.ஏ.வும் பழையகணவனின் டி.என்.ஏ.வும் ஒத்துப்போக வாய்ப்பு உண்டு.

அரபி இதழ் ஒன்றில் அண்மையில் வெளியான இத்தகவலை மொழிபெயர்த்துதமிழுலகிற்கு அறிமுகப்படுத்தினேன். பலரும் எடுத்தாண்டுள்ளார்கள். இதற்கு உதவியது நவீன அரபிமொழி அறிவுதான் என்பது குறிப்பிடத் தக்கது.

திருக்குர்ஆனில் அறிவியல்
இப்படி ஏராளமான எடுத்துக்காட்டுகளை அடுக்கிக்கொண்டே போகலாம்! ‘அருள்மறைகுர்ஆனும் அறிவியல் கண்டுபிடிப்புகளும்’ என்றொரு நூல் உண்டு. நான் எழுதி, சாஜிதா புக் சென்டர் வெளியிட்டிருக்கிறது. இதில் 77 தலைப்புகளில், குர்ஆனில்புதைந்துள்ள அறிவியல் தத்துவங்கள் இடம்பெறுகின்றன.

அவ்வாறே பொருளியல், அரசியல், பெண்ணியல், குடும்பவியல்.. எனப் பல்வேறுதுறைகளுக்கும் குர்ஆன் வழிகாட்டுகிறது. இதையெல்லாம் மாணவர்கள் கற்பதுஎப்போது? குர்ஆனை ஆய்வு செய்வது எப்படி? ஆராய்ச்சித் துறையில் ஆலிம்களின்பங்களிப்பு என்ன?

இதுவெல்லாமே மாணவர்களான உங்கள் கையில்தான் உள்ளன. ஆர்வமும்விடாமுயற்சியும் சாதிக்க வேண்டும் என்ற வெறியும்தான் உங்களை முன்னேற்றும்துடுப்புகளாகும்; தூண்டில்களாகும் என்பதை மட்டும் மறந்துவிடாதீர்கள்!
(சந்திப்போம்..)

இதுவரை குர்ஆன் மற்றும் ஹதீஸைப் படித்தறிவதற்கு அடிப்படைத் தேவையான கலைகள் பற்றி அறிந்தோம். சொல் இலக்கணம், பொருள் இலக்கணம், பொருள் இலக்கியம், சொல்லணிக் கலை, பேச்சுக் கலை, அணியிலக்கணம், நவீன அரபிமொழி, அவற்றுக்கான கலைச்சொற்கள் பட்டியல் (10) ஆகியவற்றைப் பார்த்திருப்பீர்கள்; பாடங்களைப் பத்திரப்படுத்தியும் இருப்பீர்கள் என்று கருதுகிறேன்.

மாணவ - மாணவிகளுக்காக நடத்தப்படும் இந்த வலைதள வகுப்பு அவர்களை எட்டியதா? படிக்கிறார்களா என்பதை அறிய முடியவில்லை. எனினும், ஆசிரியர்கள், பெரியவர்கள் படித்துவிட்டு வரவேற்று கருத்துகள் எழுதியுள்ளனர்; பலருக்கு ஷேரும் செய்துள்ளனர். குறிப்பாக, கலைச்சொற்கள் பட்டியலுக்கு நல்ல வரவேற்பு. எல்லாப் புகழும் அல்லாஹ்வுக்கே! இனி குர்ஆனிய கலைகளைப் பார்ப்போம்.
குர்ஆனிய கலைகள்
நம்மைப் பொறுத்த வரை குர்ஆனிய கலைகள் என்று ஐந்தைக் கூறலாம். 1. சீராக ஓதுதல், அல்லது இராகமாக ஓதுதல் (தஜ்வீத் – Intonation). ஆரம்பப் பாடசாலையிலேயே (மக்தப்) திருக்குர்ஆனைப் பார்த்து ஓதக் கற்றிருப்பீர்கள். அரபி அட்சரங்கள்,ஒலிக்குறியீடுகள், வார்த்தைகளை எழுத்துக்கூட்டி வாசித்தல், ஒரு வசனத்தின் அரபி வாசகத்தை வேகமாக ஓதுதல் போன்ற பயிற்சிகள் எல்லாம் அங்கே அளிக்கப்பட்டிருக்கும். இது வெறும் ‘ஓதல்’ (திலாவா) மட்டுமே!

‘தஜ்வீத்’ என்பது, அந்த ஓதலை அழுத்தம் திருத்தமாகவும் நீட்டி நெளித்து சீராகவும் இராகத்தோடும் ஓதக் கற்பதே! எழுத்துகளைச் சரியாகவும் சீராகவும் உச்சரித்தல், குறில்-நெடில் அறிந்து குறுக்கியும் நீட்டியும் ஓதுதல், நெடிலில் (மத்து) எத்தனை ஸ்டெப், எந்த இடத்தில் என்பதைக் கவனத்தில் கொண்டு நீட்டியும் குறிலில் எந்த அளவிற்குச் சுருக்க வேண்டும் என்பதை அறிந்து குறுக்கியும் ஓதுதல், மூச்சுவிட வேண்டிய இடத்தில் விட்டு, நிறுத்த வேண்டிய கட்டத்தில் நிறுத்தி, நிறுத்தக் கூடாதஇடத்தில் சேர்த்து ஓதுதல்... என ஓதுதலுக்கான நெறிமுறைகளை அறிந்து ஓதுவதே ‘தஜ்வீத்’ ஆகும்.
மிகவும் கவனம் தேவை
இவற்றில், மிகமிக எச்சரிக்கையோடு அணுகவேண்டியது ஒன்று இருக்கிறதென்றால், அட்சரங்களின் உச்சரிப்புதான். எடுத்துக்காட்டாக, தொண்டைப் பகுதியிலிருந்து ஒலிப்பதே ‘ஹா’ (ح). இன்னொரு எழுத்து சற்று அதிர்வோடு ஒலிப்பது ‘ஹா’(ه).மற்றொரு எழுத்து சற்றுக் காறலுடன் ஒலிப்பது ‘கா’ (خ). இம்மூன்றில் முதல் எழுத்து(ح) இடம்பெறுகிற சொல்: حَلَقَ (ஹலக). பொருள் (தலைமுடி) வழித்தான். இரண்டாம் எழுத்து (ه) இடம்பெறும் சொல்: هَلَكَ (ஹலக). பொருள்: அழிந்தான்.மூன்றாம் எழுத்து இடம்பெறும் சொல்: خَلَقَ (கலக). பொருள்: படைத்தான்.

இன்னொரு உதாரணம்: ت (தா); د (தால்); ط (தோ). இந்த மூன்று எழுத்துகளும் உச்சரிப்பில் நெருக்கமானவை. உச்சரிப்பு தவறினால், பொருளில் விபரீதம் ஏற்பட்டுவிடும். تِيْن (தீன்-அத்திப்பழம்), دِيْن (தீன்-மார்க்கம்); طِيْن (தீன்-களிமண்).

பொருளில் எவ்வளவு பெரிய வித்தியாசம்! எப்படி வேறுபடுத்துவது? எழுத்தில் சரி! மொழியில் உச்சரிப்பு ஒன்றே வழி. அவ்வாறே, அரபி அச்சரங்களில்

ت - ث - د - ذ - ط / ز - ج / ص - ش - س / ل - ظ - ض / ف - ب / ك - ق / ع - غ ஆகிய ஏழு அணிகள் நெருக்கமான –சற்றே வேறுபடக்கூடிய- ஒலிகளை எழுப்பும் எழுத்துகளாகும். ஒவ்வொன்றுக்கும் இடையிலான உச்சரிப்பு வித்தியாசம் நாசூக்கானது. முறையாக ‘தஜ்வீது’ கற்று,பயிற்சியும் எடுத்தால்தான் பிசிறின்றி அட்சரங்கள் ஒலிக்கும். கொஞ்சம் தவறினாலும் சருக்கிவிடும்; பொருள் வழுக்கிவிடும்; குற்றம் நெருக்கிவிடும்.

அதுவும் திருக்குர்ஆன் வசனங்கள் எனும்போது, எவ்வளவு பிரயாசித்தமும் எச்சரிக்கை உணர்வும் தேவை என்பதைச் சிறிது சிந்தித்துப்பாருங்கள். நம் தொழுகை மட்டுமல்ல; பின்தொடர்ந்து தொழும் அப்பாவி மக்களின் தொழுகையும் சிறு பிழைகூடஇல்லாமல் நிறைவாக அமைய வேண்டுமா? இல்லையா?

திருக்குர்ஆனில் அல்லாஹ் தன் தூதருக்கு ஆணையிடுவதைப் பாருங்கள்: (நபியே!) குர்ஆனைத் திருத்தமாக ஓதுவீராக! (73:4) அதாவது நிறுத்தி நிதானமாக ஓதுவீராக! அப்போதுதான் பொருள் விளங்கி, சிந்திக்க முடியும்.
நான்கு நிலைகள்
‘தஜ்வீத்’ கலையில் நான்கு நிலை உச்சரிப்புகளும் ஒலிப்புகளும் உள்ளன.

1. குரல் நாள அதிர்வொலி (இழ்ஹார் – Voice). ஒவ்வொரு எழுத்தையும் அதனதன் பிறப்பிடத்திலிருந்து மூக்கொலிப்பின்றி வெளியிடல். எகா: مِنْ عَمَلٍ (மின் அமல்). இதில் نஎனும் எழுத்துஅதன் இயல்பாக ஒலிக்க வேண்டும்.

2. ஈர் உயிரொலி ஒன்றிய உச்சரிப்பு (இத்ஃகாம் – Synizesis). அசைவற்ற ஒலிக்குறியீடு (சுகூன்) உள்ள ஓர் எழுத்து, அசைவுள்ள ஒலிக்குறியீடு (ஹரகத்) உள்ள ஓர் எழுத்துடன் இணைந்து, ஈரெழுத்துகளும் ஓரெழுத்தாக அழுத்தத்துடன் ஒலிப்பது. எகா: مِنْ رَّبِّهِما(மிர்ரப்பிஹிமா). இதிலுள்ள ‘நூன்’ எனும் எழுத்து, அசைவற்ற ஒலிக்குறியீடு பெற்றது. இதை, அடுத்த எழுத்தான ‘ரா’ (ر) உடன் இணைத்து அழுத்தம் கொடுத்து உச்சரிக்க வேண்டும். நூனும் ‘ரா’வும் சேர்ந்து உச்சரிப்பில் ‘ரா’ எனும் ஒரே எழுத்தாகிவிடும்.

3. உருமாறிய ஒலி (இக்லாப் – Transposition). அசைவற்ற ஒலிக்குறியீடு (சுகூன்) உள்ள ‘நூன்’ (ن) எனும் எழுத்தை ‘மீம்’ (م) எனும் எழுத்தாக உருமாற்றி, ‘பா’ (ب) மற்றும் மூக்கொலிப்புடன் ஒலிப்பது. எகா: அம் பூரிக (أن بُورِك) இதிலுள்ள சுகூன் உள்ள ‘நூன்’ எனும்எழுத்தை ‘மீம்’ எழுத்தாக மாற்றி, அன் பூரிக என்பதை, ‘அம் பூரிக’ என உச்சரிக்க வேண்டும்.

4. கம்மு குரல் ஒலிப்பு (இக்ஃபா – Veiling). முதலிரண்டு வகைகளுக்கும் இடையிலான தன்மையில் அழுத்தக் குறியின்றி ஓர் எழுத்தை மொழியுதல். எகா: மின் குல்லின் (مِنْ كُلٍّ). இதிலுள்ள ‘நூன்’ (ن) எழுத்துக்கும் சரி! அடுத்த எழுத்தான ‘காஃப்’ (ك) எனும்எழுத்துக்கும் சரி! தனித்தனி உச்சரிப்பு உண்டு. எனினும், ‘நூனை’ அழுத்தாமல் உச்சரித்து ‘காஃப்’ உடன் சேர்த்து ஒலிக்க வேண்டும்.
இனிய குரலில் இராகமாக...
திருக்குர்ஆன் வசனங்களை, நாளிதழ் வாசிப்பதைப் போன்று உரைநடையில் வாசிக்காமல், ஓசை நயத்துடன் இராகமிட்டு ஓத வேண்டும். அதையும் இனிய குரலில் ஓதும்போது, செவிகளைக் கவர்ந்திழுத்து, கேட்போரை குர்ஆனுடன் ஒன்றச் செய்யும்அற்புதம் அங்கு நடக்கும். கேட்பவர், பொருள் புரிந்தவராக இருந்து, வசனத்தின் காட்சியைக் கண்ணில் கொண்டுவர முடிந்தவராகவும் இருந்துவிட்டால், அதைப் போன்ற பரவசம் வேறு இருக்க முடியாது. அனுபவித்தால்தான் தெரியும். இமாம், அதற்குள் ஏன் குனிந்துவிட்டார் என எண்ணத் தோன்றும்.

இன்றைக்கெல்லாம் சிறுவர், சிறுமியர், இளைஞர், பெரியவர் எனப் பலரும் பல்வேறு நாடுகளில் இனிய குரலில் ஓதி, மயக்கிக்கொண்டிருக்கிறார்கள் என்பது பெருமைப்படும் உண்மை. குரலுக்காக மயங்குபவர்களே அதிகம். அத்துடன் பொருளுக்காகவும சேர்த்து கண்மூடி ரசிப்பவர்கள் சிலரே. இவர்களைப் பொருளின்பால் இழுக்கும் காந்தம் ‘காரி’யின் குரலே!

நபி (ஸல்) அவர்கள் ‘தர்ஜீஉ’ எனும் ஓசை நயத்துடன் ஓதுவார்கள். (புகாரீ – 5047); ஒரே எழுத்தைத் திரும்பத் திரும்ப தொண்டைக்குக் கொண்டுவந்து ஓசை எழுப்பி ஓதுவதே ‘தர்ஜீஉ’ (மீட்டல்) எனப்படுகிறது. எகா: அலிஃப் (ألِف) எனும் எழுத்தை ஆ... ஆ... ஆ... எனஇழுத்து ஓதும்போது ஒரே அட்சரத்தின் ஒலி நீண்டு ஒலிக்கும். இவ்விதம் ஓசை நயத்துடன் நபி (ஸல்) அவர்கள் குர்ஆனை ஓதியுள்ளார்கள். (ஃபத்ஹுல் பாரீ)

நபித்தோழர் அபூமூசா (ரலி) அவர்கள் கூறியதாவது: (நான் இனிய குரலில் குர்ஆன் ஓதுவதைப் பாராட்டி) நபி (ஸல்) அவர்கள், “அபூமூசா! (இறைத்தூதர்) தாவூத் (அலை) அவர்களுக்கு வழங்கப்பட்டிருந்த (சங்கீதம் போன்ற) இனிய குரல் உங்களுக்கும்வழங்கப்பட்டுள்ளது என என்னிடம் கூறினார்கள். (புகாரீ – 5048)

அனஸ் (ரலி) அவர்கள் கூறியதாவது: நபி (ஸல்) அவர்களின் வழக்கம் நீட்டி ஓதுவதுதான். ‘பிஸ்மில்லாஹிர் ரஹ்மானிர் ரஹீம்’ என்பதில் பிஸ்மில்லா...ஹ் என நீட்டுவார்கள். அர்ரஹ்மா...ன் என்றும் நீட்டுவார்கள். அர்ரஹீ...ம் என்றும் நீட்டுவார்கள். (இதற்கு மத்துல் கிராஅத் – என்று பெயர்.) (புகாரீ – 5045)

மாணவச் செல்வங்களே!

குர்ஆனை ஆசையோடும் ஆர்வத்தோடும் ஓதிப் பழகுங்கள்! தஜ்வீதுடனும் இனிய குரலுடனும் ஓதுகின்ற இந்த உயர்ந்த கலையை இப்போதே –மத்ரஸாவிலேயே- கற்று, பயிற்சி பெற்று, தரமாக வெளியே வாருங்கள்! அல்லாஹ்விடம் நன்மையும் மக்களிடம் வரவேற்பும் இக்கலைத் திறனுக்கு உண்டு.

khan 1khan 2khan 3

khan 4khan b 5

வெள்ளிக்கிழமை, 20 அக்டோபர் 2017 12:52

மண்ணின் வரலாறு - மேலான மேலப்பாளையம்

Written by

 -தாழை மதியவன்
“படை வீரருக்குரிய ஊர் பாளையமாகும்; தமிழகம் முழுமையும் பல பாளையங்கள் காணப்படுகின்றன. பாளையத்தின் தலைவன் பாளையக்காரன் என்று அழைக்கப்படுவான். மேட்டுப்பாளையம், கோபிச் செட்டிப் பாளையம், உத்தம பாளையம், உடையார் பாளையம், இராஜபாளையம் முதலிய பாளையங்கள் தமிழ்நாட்டில் உண்டு. திருநெல்வேலிக்கருகே பாளையங்கோட்டை எனும் ஊர் உள்ளது. அதற்கு மேற்கேயுள்ள பாளையம் மேலப்பாளையம் என்று பெயர் பெற்றது” என பேராசிரியர் ரா.பிசேதுப் பிள்ளை தன்னுடைய ‘தமிழகம் ஊரும் பேரும்’ எனும் நூலில் பாளையங்களைப் பட்டியலிட்டுள்ளார்.
மேலப்பாளையம் திருநெல்வேலி மாநகராட்சியின் ஒரு பகுதியாகவுள்ளது. நெல்லையைத் தொட்டுச் செல்லும் தாமிரபரணி ஆற்றின் தெற்குத் திசையில் பரந்து கிடக்கிறது மேலப்பாளையம். நெல்லைக்கு நிகரான மக்கள் தொகையைக் கொண்ட மேலப்பாளையத்தின் வடக்கில் பாளையம் கால்வாய் ஓடி ஓடி தற்போது உறைந்து கிடக்கிறது. இது மணி முத்தாறிலிருந்து கிளை பிரிந்து கால்பதித்து ஓடிய பெரிய கால்வாய் இது. இப்போது மழைக்காலத்தில் மட்டும் ஓடுகிறது.
இக்கால்வாயிலிருந்தே பெரும் பாலான தெருக்கள் தொடங்கி ஊருக்குள் வருகின்றன. தெருவில் ரெட்டைப் பாதைகளின் நடுவில் மரங்கள் வளர்க்கப்பட்டிருப்பது சிறப்பான செய்தி.
தெருக்களுக்கு அழகூட்டுவது போல் இருபுறமும் அமைந்துள்ள கல்வீடுகள் மேலப்பாளையத்தின் நகர கட்டமைப்பையும் மக்களின் கட்டமைப்பையும் கூறாமல் கூறுகின்றன. அக்கல் வீடுகளிடையே ஆங்காங்குள்ள பழைய கட்டுமானங்கள் நூறாண்டு கால வரலாற்றைக் கூறுகின்றன.
ஐம்பதுக்கும் மேற்பட்ட பள்ளிவாசல்கள், ஆங்காங்குள்ள தர்காக்கள், தைக்காக்கள், மதரஸாக்கள் என அனைத்தும் பல நூற்றாண்டுகால பங்களிப்புகள். தரீக்காக்கள் தொடங்கி தவ்ஹீதில் வந்து நிற்கும் சமுதாயத்தின் தடயங்களை மேலப்பாளையம் எங்கும் காணலாம்.
தமிழகத்திலுள்ள முஸ்லிம் பட்டணக்களில் மக்கள் திரள் மிகுந்திருக்கும் பேரூர் மேலப்பாளையம். சமுதாயம் பெருகும் போது மக்கள் பிரிந்து பல குழுக்கள் ஆவது இயற்கை. இதற்கு மேலப்பாளையம் விதிவிலக்கல்ல.
ஷாபி, ஹனபி மத்ஹபுகளைக் கையாண்ட போதும் சமுதாயம் ஒன்றாக இருந்தது. தோழர்கள் தோளோடு தோள் சேர்ந்து தொழுதனர். மேலப்பாளையத்தில் ‘வாப்பா வீட்டுக்’ காரர்களே அதிகம். அவர்கள் பிரச்சனைகளே இல்லாது ஆன்ம பலத்தோடு வாழ்ந்தனர்.melap 6
ஆன்ம பலத்தை 1958 கலைத்தது. 1950 களில் முஸ்லிம் முன்னேற்ற இயக்கம் என்ற அமைப்பு 1958 இல் காதியானி ஜமாஅத்தாக மாற்றப்பட்டது. இறுதி நபித்துவத்துக்கு எதிரானவர்கள் ‘அஞ்சுமன் அஹமதியா ஜமாஅத்’ என தனி அமைப்பை உருவாக்கினர். ஆசூரா கிழக்குத் தெருவில் தனியாக பள்ளிவாசலைக் கட்டிக் கொண்டு பரம்பரையான உறவைத் துண்டித்து கொண்டிருந்தனர்.
இதன் நீட்சியாக மேலப்பாளைய சகோதரர்கள் பல்வேறு இயக்கங்களின் கிளைகளை அமைத்துள்ளனர். என்றாலும் பரம்பரை உறவுகளைப் புறந்தள்ளவில்லை. மார்க்க கொள்கைகளுக்கு மாறுபாடு செய்யவில்லை. இஸ்லாத்திற்கு எதிரானவர்களுக்கு சிம்ம சொப்பனமாக விளங்கியவர்கள் மட்டுமல்ல இன்றும் முழங்கிக் கொண்டிருப்பவர்கள் மேலப்பாளையம் முஸ்லிம்கள். இயக்கங்களால் உணர்ச்சி வசப்பட்டவர்கள், இன்று நிதானமாக செயல்படுகின்றனர்.
இவர்கள் இங்கே என்று வந்தார்கள் என மேலோட்டமாகவே கூற முடியும். ஏழாம் நூற்றாண்டில் இஸ்லாம் எழுஞாயிறாய் மேற்கில் ஒளி பாய்ச்சிய போது கிழக்குத் திசையிலும் தன் கதிர்களைப் பரப்பியது.
அரபு வணிகர்களாய் மலபார் மாபார் (தமிழகம்) கரைகளுக்கு வந்தவர்கள் ஏழாம் நூற்றாண்டில் அரபு முஸ்லிம் வணிகர்களாகவும் முஸ்லிம் அழைப்பாளர்களாகவும் வந்தனர்.
அழைப்பாளராய் வந்த மாலிக் இப்னு தீனார் கொடுங்கலூர் பள்ளி (கி.பி.642) வாசலோடு மலபாரில் ஒன்பது பள்ளிவாசல்களை கட்டுவித்தார். அவர் காலத்துக்குப் பின் குளச்சல் துறைமுகத்தில் வந்திறங்கிய அரபு முஸ்லிம்கள் நாற்பது பேரில் பனிரெண்டு பேர் மேலப்பாளையம் வந்ததாக செவி வழிச் செய்திகள் புழங்குகின்றன.
எங்கெங்கு ஷாபிக்கள் பெரும்பான்மையாக இருக்கிறார்களோ அவர்கள் எல்லாரும் பெரும்பாலும் அரபு வம்சா வழியைச் சேர்ந்தவர்கள். அரபகத்திலிருந்து வந்தவர்கள் வணிகத்துக்காகவோ இஸ்லாத்தைப் பரப்புவதற்காகவோ வந்திருக்கலாம். காலப்போக்கில் அவர்கள் பாளைய முஸ்லிம்களின் பங்காளிகளாக பரிணாமம் பெற்றுள்ளனர்.
மேலப்பாளைய முஸ்லிம்கள் வணிகர்களாக மட்டும் வாழவில்லை. விவசாயிகளாகவும் நெற்குதிர்களை நிறைத்திருக்கிறார்கள். சிலர் மிகப்பெரும் நிலக்கிழார்களாக இருந்திருக்கிறார்கள். மேலப்பாளையத்திற்கு அருகிலுள்ள ஊர்களில் பயிர் செய்து கட்டில் களம் கண்டிருக்கிறார்கள்.
ஷாபிக்களின் மற்றொரு பெயர் நெய்யக்காரர்கள் – பாவோடிகளில் ஓடி தறிக் குழிகளில் நெய்து மாந்தரின் மானங்காக்கும் ஆடைகளைத் தந்த நெசவாளிகள் அவர்கள் நூறாண்டுகளுக்கு முன் பல நெசவுப்பட்டறைகள் இருந்த ஊர் மேலப்பாளையம்.
உழவுத் தொழிலும் நெசவுத் தொழிலும் மேலப்பாளையத்தில் உச்ச நிலையில் இருந்ததால் வணிகம் மேலோங்கி இருக்கிறது. நெல் அரிசி வணிகர்கள், துணி வியாபாரம் பெரும் அளவில் நடந்துள்ளது.melap 1
மேலப்பாளையத்தினர் வணிகம் செய்யவும் பணிபுரியவும் இலங்கை பர்மா போன்ற நாடுகளுக்கும் சென்றுள்ளனர்.
நீர்வளம், நிலவளமிக்க மேலப்பாளையத்தில் தொழில் வளமும் மேலோங்கியதால் மக்கள் பல்வேறு இடங்களிலிருந்து வந்து வாழத் தொடங்கியிருக்கின்றனர். இங்கு குடியேறிய அரபு முஸ்லிம்கள் அரபு முஸ்லிம்கள் மலையாளக்கரை முஸ்லிம்களோடு தொடர்பு வைத்திருந்ததால் அங்கிருந்தும் சிலர் இங்கு வந்து குடியேறி இருக்கின்றனர்.
மலையாளக்கரை தொடர்புகளை எடுத்துச் சொல்லும் பல்வேறு கலாச்சார கூறுகள் மேலப்பாளையத்தில் இருந்தன. கால மாற்றத்தால் அப்பழக்க வழக்கங்கள் மூத்தவர்களிடம் செய்திகளாக உள்ளன.
ஆடைகள், பழக்க வழக்கங்கள், அணிகலன்கள், பண்பாட்டுக் கூறுகள் என அனைத்தும் கேரளா முஸ்லிம்களின் வாழவியலைக் காட்டுகின்றன.
முழங்கைக்குக் கீழான முழு ரவிக்கை, துண்டு – முண்டு, உணவுப் பழக்கங்கள், ‘அழுக்கொத்து’(அழகுக் கொத்து) போன்ற காதுகளில் அணியும் கவின் வளையங்கள், மௌலூது ஓதுதல், அண்ணலாரைப் போற்றுதல், விருந்தோப்பல், சுற்றும் சூழுதல், திருமணச் சடங்குகள், பாடல்கள், பைத்துகள், சிலம்பம் போன்ற விளையாட்டுக்கள் என பல கேரளக்கூறுகள் இன்றும் உள்ளன. சில நவீன செயல்பாட்டாளர்களால் மறைந்து போயுள்ளன.
தொடக்க கால அரபு முஸ்லிம்கள் மணமகளுக்கான சீதனப் பொருட்களை தரப் பெட்டியில் வைத்துக் கொடுத்திறார்கள். அதே பழக்கம் மேலப்பாளையத்தில் ஐம்பதாண்டுகளுக்கு முன்பு வரை நடந்துள்ளது. பயணம் புறப்படுவோர் வீட்டுச் சுவரில் எழுதும் பழக்கம் அரபகத்தில் இருந்துள்ளது. அதே பழக்கம் மேலப்பாளையத்திலும் நீண்ட காலமாய் கடைபிடிக்கப்பட்டுள்ளது.
முஸ்லிம் ஊர்கள் பலவற்றிலும் பின்பற்றப்பட்ட கூட்டாய் உணவுண்ணும் ‘சகன்’ (தாலா) விருந்து இன்றும் மேலப்பாளையத்தில் நிறைவோடு நடைபெறுகிறது. இவ்வழக்கத்தை மீண்டும் முஸ்லிம் ஊர்களில் கொண்டு வரலாம். திருமணங்களில் ஆயிரத்திற்கும் மேற்பட்டோர் கலந்து கொண்டு சிறப்பிக்கின்றனர்.
சில ஊர்களில் முச்லிம்கள் வணிகத்துக்கோ அலுவலுக்கோ இடம் பெயர்ந்தால் பிறந்த ஊரைத் துறந்து விடுகின்றனர். ஆனால் மேலப்பாளையவாசிகள் வேர்களை விட்டுவிடுவதில்லை. சொந்த ஊரில் வாழ்வதும் சொந்த ஊர் தொடர்புகளை இழக்காமலிருப்பதும் அவர்களுடைய சிறப்பு.
மணமுடிக்கப்பட்ட மேலப்பாளையம் முஸ்லிம் பெண்கள் தம் புகுந்த வீடுகளிலிருந்து பிறந்த வீடுகளுக்கு தங்கு தடை இன்றி சென்று வருவது வழக்கமாயுள்ளது. சிலர் அன்றாடம் கூட சென்று விடுகின்றனர்.
உறவோரிடையே பாளையம் முஸ்லிம்கள் இணைப்பைக் காண்பதோடு பிணைப்பையும் காண்கின்றனர். இதை பெரிய மனது எனலாம், கூச்சமுடையவராய் இருந்தாலும் பெண்கள் முடுக்களில் புழங்கினாலும் அவர்களிடையே மார்க்க அறிவு கொட்டிக் கிடக்கிறது. இதைப் பெண்கள் மதரஸாக்களில் காணலாம்.
1930 – இல் ஒரு பெரும் ஏற்பட்டுள்ளது. வானம் கண் மூடிக் கொண்ட நிலையில் கஞ்சித் தொட்டிகள் மக்களைக் காப்பாற்றியுள்ளன.
இக்கால கட்டத்தில் மேலப்பாளைய முஸ்லிம்கள் குடும்பம் குடும்பமாக புலம் பெயர்ந்து சென்றுள்ளனர். அவர்கள் கஞ்சி காஞ்சிபுரத்திலுள்ள ஒலி முஹம்மது பேட்டை, பூந்தமல்லி அருகிலுள்ள மாங்காடு – பட்டூர், மதராஸ் பட்டினத்து மீர் சாகிப் பேட்டை – ஐஸ் ஹவுஸ் பகுதிகளில் குடியேறிக்கிறார்கள். இன்றும் மேற்சொன்ன பகுதிகளில் மேலப்பாளைய முஸ்லிம்கள் வாழையடி வாழையாக வாழ்வதைக் காணலாம்.
1930 பஞ்சம் மேலப்பாளைய மக்களை புலம் பெயர மட்டும் செய்யவில்லை, புரட்டி போட்டது.
உழவுத் தொழில் குறைய நெசவுத் தொழில் மறைந்தே போனது. நடுத்தர மக்களே அதிகமான மேலப்பாளையம் சமையல் கலையை கையில் எடுத்தது. பீடிச் சொளகுகளில் முடங்கிப் போனது. இளைஞர்கள் ஓதுதலைக் கையில் எடுத்தார்கள். ஆலிம்களாக உயர்ந்தார்கள்.
கல்வி இளைஞர்களைக் களம் காண வைத்தது. அவர்கள் அலுவலர்களாகவும் வணிகர்களாகவும் உயர்ந்தார்கள். வெளிநாடுகள் இருகை கூட்டி அழைக்க உழைப்பை மூலதனமாகக் கொண்டவர்கள் முன்னணிக்கு வந்தார்கள். பல்வேறு தொழில்களும், வணிகங்களும் நடக்கும் பாளையத்தில் எண்ணெய் உற்பத்தியும் முக்கிய தொழிலாக உள்ளது.
பொருளாதார பாரமும் மனப்பாரமும் குறைய மேலப்பாளைய முஸ்லிம்கள் கையிலெடுத்த பாரமில்லாத தொழில் அத்தர் வணிகம். அது அவர்களை பல ஊர்களையும் பார்க்க வைத்தது. பல பள்ளிவாசல்களில் தொழ வைத்தது. பல்வேறு மனிதர்களையும் சந்திக்க வைத்தது. விரிந்த அறிவைக்கொடுத்தது.
அத்தர் வணிகர்கள் கோயம்புத்தூரில் தங்கியதோடு அங்கு ஒப்பணக்காரத் தெருவில் ஒரு பள்ளிவாசலையும் உருவாக்கினர். அதன் பெயரே ‘அத்தர் ஜமாஅத் பள்ளி.’
இதேபோல் தமிழகத்தைச் சேர்ந்த முஸ்லிம் வணிகர்களின் பள்ளிவாசல் கேரளத்து திருச்சூர் நகரின் நடுவில் உள்ளது. இன்றும் அங்கே தமிழில் “குத்பா உரை” நிகழ்த்தப்படுகிறது.
மேலப்பாளைய கைத்தறித் துணிகளை ஏற்றிக் கொண்டு நூற்றுக்கணக்கான மாட்டு வண்டிகள் தூத்துக்குடி போன்ற கடற்கரைப் பட்டினங்களுக்குச் சென்றிருக்கின்றன. அவற்றை ஏற்றுமதிக்காக இறக்கி வைத்த மாட்டு வண்டிகள் உப்பு மூட்டைகள், கருவாட்டுப் பொதிகளை ஏற்றிக் கொண்டு மேற்கே செங்கோட்டை வரை சென்றுள்ளன.
செங்கோட்டை தமிழக – கேரளப் பகுதிகளை இணைக்கும் சந்தைக் கூடமாக விளங்கியுள்ளது. தமிழக் வண்டிகள் திரும்பும் போது கேரளத்தின் மிளகு, ஏலக்காய், இலவங்கப்பட்டை, பாக்கு போன்றவற்றை ஏற்றி வந்தனர்.
செங்கோட்டையிலிருந்த உப்பு வணிகர்கள் மாட்டு வண்டிகளில் உப்பை ஏற்றிக் கொண்டு கேரளத்தின் உட்பகுதிகளுக்குச் சென்று விற்று விட்டு வந்ததாக பதிவுகள் உள்ளன.
ஐம்பதுக்கு மேற்பட்ட பள்ளிவாசல்களில் பெரிய குத்பா பள்ளி மிகப் பழமையானதாக இருக்கலாம். பள்ளிவாசல்களின் பாங்குச் சப்தங்கள் நம்மை பரவச நிலைக்கு கொண்டு செல்கின்றன. அதிக பள்ளிவாசல்கள் இருக்கும் ஊரில் வாழ்வதே தனிசுகம் தரும். அதற்குக் கொடுத்து வைத்திருக்க வேண்டும். அந்த வகையில் மேலப்பாளைய வாசிகள் நற்பேறு பெற்றவர்கள்.
ஆற்காடு நவாபின் ஆட்சிக் காலத்தில் கி.பி.1865 – இல் ஒரு பள்ளிவாசல் கட்டப்பட்டுள்ளது. 1883 இல் கட்டப்பட்ட பள்ளிவாசல் நெய்னா முஹம்மது மூப்பன் பள்ளிவாசல், பள்ளிவாசல்களின் வரலாறுகளைப் பற்றியே ஒரு நூலை எழுதலாம்.
பதினைந்து ஆண்டுகளுக்கு முன் நான் மேலப்பாளைய பீடித் தொழிளாளர் பற்றிய எழுதிய கவிதை : சொளகுப் பெண்களின் சோகங்கள்.
பீடிச் சொளகுகளில்
பேச்சு மூச்செல்லாம்
ஆடியே ஓதவில்லை – நாங்க
அடகே ஆகிவிட்டோம்
ஆத்தில் குளித்து விட்டு – சினிமா
பாட்டில் லயித்திருப்போம்
கீத்துக் கொட்டகையில் பார்ப்போம்
கிறுக்கல் விழுந்த படம்
காதோரம் நரை முடியும் – காணும்
கன்னத்தில் சில வரியும்
வயசுமே ஏறிடுச்சு – எந்த
வரனும் வரக் காணோமே
முதிர்கண்ணி எனச் சொன்னார் – எந்த
முட்டாளும் வரவில்லையே!
புதிருக்குப் பதிலில்லை – எங்க
புலம்பல் தீர வழியில்லை.
நீண்ட பாடலின் வரிகள் இவை. இன்று புலம்பல் தீர வழியேற்பட்டு விட்டது. பீடித் தொழில் படியாக குறைந்து விட்டது.
பீடித் தொழிலால் ஏற்பட்ட பாதிப்புகளைப் பற்றி நிறைய எழுதலாம். அது இளைய சமுதாயத்தின் கற்றலை விழுங்கியதோடு வாழ்க்கையையும் விழுங்கியது.
மதராஸ் – திருச்சி போன்ற நகரங்களில் பீடித் தொழில் ஒரு படிப்பறிவில்லாத சமுதாயத்தையும் பாமர ஏழைச் சமுதாயத்தையும் முஸ்லிம்களிடையே உருவாக்கியது போல் மேலப்பாளையத்திலும் உருவாக்கி இருந்தது. அதிலிருந்து அவர்கள் மீண்டெழுந்து விட்டார்கள்.
கல்விக் கூடங்களும் கல்லூரிகளும் மதரஸாக்களும் படிப்பறிவில்லாத சமுதாயத்தை மாற்றி மேம்பட்ட சமுதாயமாக மாற்றியுள்ளன.
உஸ்மானியா மதரஸா எனும் பழைய மதரஸாவோடு பல மதரஸாக்கள் பாடாற்றி வருகின்றன. முஸ்லிம் உயர்நிலைப் பள்ளி, காயிதே மில்லத் உயர் பள்ளி, முஸ்லிம் பெண்கள் பள்ளி, ரஹ்மானியா உயர் பள்ளியோடு டைம் மேநிலைப் பள்ளியும் கல்வி கற்பதற்கான களங்களாக உள்ளன.
‘Trust for the Improvement of Modern Education’ என்பதன் சுருக்கமே TIME – டைம். இதே பெயரிலேயே மேநிலைப்பள்ளி ஆரைக்குளம் பகுதியில் இயங்கி வருகிறது. 2006 இல் தொடங்கப்பட்ட இப்பள்ளி 1600 ஆண் – பெண் மாணவர்களோடு சிறப்பாக இஅயங்கி வருகிறது.
100 விழுக்காடு வெற்றியை பள்ளியிறுதி வகுப்பில் கண்டு வரும் இப்பள்ளியில் கராத்தே – சிலம்பம் போன்ற தற்காப்பு கலைகளும் கற்பிக்கப்படுகின்றன. மாணவர்களை நிபுணர்களாக வார்த்தெடுக்க தனிப் பயிற்சிகள் மேற்கொண்டு வரும் இப்பள்ளி ஆலிமாக்களையும் உருவாக்கி வருகிறது. தேசிய – மாநில விருதுகளையும் பெற்றுள்ளது.
டைம் பள்ளியின் முதல்வர் சகோதரர் எஸ்.ஏ.காஜா ஷரீஃப் வாசிப்பதிலும் எங்களை நேசிப்பதிலும் முழுமையாக தன்னை ஈடுபடுத்திக் கொண்டார். அவரும் அவருடைய தந்தையும் நண்பர் பாளையம் சையதும் தொண்டி ஹில்மியும் பல்வேறு வகையான மேலப்பாளையச் சங்கதிகளைக் கூறினார்கள்.
இக்கட்டுரையில் இறுதியாக என் ஆசையொன்றைக் கூறி முடிக்கிறேன். மேலப்பாளைய முஸ்லிம்களின் வாழ்வியலைப் பின்புலமாகக் கொண்டு ஒரு திரையோவியத்தைப் படைக்க வேண்டும். அது இஸ்லாத்தின் பல்வேறு கூறுகளைக் காட்சிப்படுத்துவதாக இருக்க வேண்டும். அதற்கான ஒரு நல்ல தளம் மேலப்பாளையம்!

திங்கட்கிழமை, 16 அக்டோபர் 2017 11:39

இப்னு கல்தூன் (ரஹ்) அவர்களின் (1332 - 1406)

Written by

கல்விச் சிந்தனைகள்
8. கற்றல் முறையின் வகைகள் என்ன?
மாணவர்களுக்கு சொல்லிக் கொடுக்கப்படுகின்ற கற்றல் முறைகளை இப்னு கல்தூன் (ரஹ்) அவர்கள் மூன்று நிலைகளாக வகைப்படுத்துகிறார்கள்.
நிலை 1 : முன்னுரை (Introduction)
எந்த பாடம் எடுக்கப்படுகிறதோ அந்த பாடத்தின் தலைப்பை பற்றிய சுருக்கமான முன்னுரை சொல்லிக் கொடுக்கப்பட வேண்டும். அதன் பின் அதற்கு துணையுடன் அந்த தலைப்பு சார்ந்த விளக்கங்களும் பொதுவான உதாரணங்களும் சொல்லிக்கொடுக்கப்பட வேண்டும்.
நிலை 2 : வளர்ச்சி நிலை (Development stage)

தலைப்பின் கருத்துக்களை சுருக்கிய பின் மாணவர்களின் தகுதிக்கேற்ப, அவர்கள் விளங்கும் வகையில் அக்கருத்தை விரிவாகவும், விவரமாகவும் போதிக்க வேண்டும்.
நிலை 3 : நினைவுறுத்துகின்ற நிலை (Recap)
பாடங்களை நிறைவு செய்வதற்கு முன், ஆரம்பத்திலிருந்து இறுதி வரை எடுத்த பாடங்களை வரிசைக்கிரமமாக மாணவர்களுக்கு மீண்டும் நினைவூட்டும் அடிப்படை சொல்லித் தரப்பட வேண்டும். ஒரு கருத்தை மீண்டும் மீண்டும் சொல்லித் தருவது அல்லது நினைவூட்டுவது, அக்கருத்து மனதில் ஆழமாக பதிவதற்கும், எளிதாக விளங்குவதற்கும் வழிவகை செய்யும்.

9. பாடத் திட்டம் எப்படி இருக்க வேண்டும்?

இப்னு கல்தூன் (ரஹ்) அவர்கள் வாழ்ந்த காலத்தில் நடமுறையில் இருந்த பாடத்திட்டத்தை இப்னு கல்தூன் (ரஹ்) அவர்கள் விமர்சனம் செய்தார்கள். காரணம் மாணவர்கள் படிக்கின்ற பாடப்புத்தகமும் (Textbooks) அதை விளக்குவதற்கான தொடர்பு புத்தகங்களான (Refarence Books) ஏராளமான விளக்கத்தோடு அமைந்திருந்தன.
ஒரு விஷயத்திற்கு அதிகமான விஷயங்கள் மாணவர்களை பாதிக்கும் என்பதால் மாணவர்கள் எளிதில் புரிந்துகொள்ள, சுயமாக அவர்களின் சிந்தனைகளை உயர்த்தும் விதங்களில் பாடப்புத்தகங்கள் அமைய வேண்டும் என்பதை வலியுறுத்தினார்கள்.
ஒரு சில வார்த்தைகளை மட்டுமே மாற்றி அமைக்கப்பட்டு புதுப் பாடத்திட்டம் என்ற எதிர்பார்ப்பில் பழைய விஷயங்களே நிலைபெறுகின்ற போது, மாணவர்கள் ஏமாற்றம் அடைந்து (அதன் மூலம்) அவர்களின் சிந்தனைத் திறன் குறைவதற்கு வாய்ப்புண்டு.
 மார்க்க விஷயங்கள் பாடத்திட்டத்தின் மையப்புள்ளியாக அமைய வேண்டும். மார்க்க விஷயங்களை கற்றுக் கொள்கின்ற போது மாணவர்களின் பழக்க வழக்கங்களும் அவர்களின் குணங்களும் பண்படுத்தப்படும், பக்குவப்படுத்தப்படும்.
 Lagic என்று சொல்லப்படுகின்ற தர்க்க முறைகள் போதிக்கப்பட வேண்டும். அதன் மூலம் மாணவர்கள் சுயமாக யோசிப்பதற்கும், ஒரு கருத்தை ஆழமாக ஆராய்ச்சி செய்வதற்கும் வழி வகுக்கும்.
 அதிக மொழிகளை கற்றுக் கொள்வதற்கான சாத்தியக்கூறுகள் இருக்க வேண்டும். அதன் மூலம் பல்வேறு பாடங்கள் பயில முடியும்.
 கணிதம் கற்றுக் கொடுக்கப்பட வேண்டும். அதன் மூலம் மனரீதியான கலையும், பகுத்தரியும் திறனும் அதிகரிக்கும்.
 கல்விப் பாடங்களோடு வாழ்க்கைக்குத் தேவையான தொழில் சார்ந்த கல்வியும் (Vocational education) வாழ்க்கையை வாழ்வதற்கான கல்வியும் (Professional education) அவசியத் தேவை என்பதையும் வலியுறுத்தினார்கள்.
10. ஆசிரியர்கள் எவ்வாறு நடந்து கொள்ள வேண்டும்?
மேற்குறிப்பிட்ட கல்வி / கற்றல் முறைகளைக் கண்டு கொள்ளாத, பின்பற்றாத ஆசிரியர்கள் குறித்து மிகுந்த வருத்தம் கொண்டார்கள். காரணம் அவர்கள் மிக கஷ்டமான விஷயங்களில் இருந்து இலகுவானதை சொல்லித் தருகிறார்கள். இதனால் மாணவர்கள் அந்த விஷயத்தை புரிந்து கொள்வதற்கு சிரமப்படுகிறார்கள்.
மேலும் சிறு வகுப்பு மாணவர்களுக்கு அவர்களால் புரிந்து முடியாத உயர்ந்த விஷயங்களை சொல்லித் தருகிறார்கள். சிரமமான, கஷ்டமான விஷயங்களை மாணவர்களுக்கு சொல்லிக் கொடுக்கின்ற போது, அந்த பாடம் மாணவர்களிடம் ‘வெறுப்பு நிலையை’ ஏற்படுத்தி விடும்.
எனவே, ஆசிரியர்கள் மாணவர்களுக்கு பாடம் நடத்துகின்ற போது இலகுவான விஷயங்களை சொல்லி அதன்பின் கஷ்டமான விஷயங்களை நோக்கி நகர்த்த வேண்டும். தெரிந்த விஷயங்களில் இருந்து தெரியாத விஷயங்களையும், பொதுவான விஷயங்களில் இருந்து சுருக்கமான விஷயங்களையும் சொல்லித் தர வேண்டும்.

 ஆசிரியர் மாணவர்களிடம் இருக்கும் போது மாணவர்களின் தன்மைக்கும், குணத்திற்கு தகுந்தவாறும், அவர்களுக்கு தேவைப்படுகின்ற புத்தகங்களையும் வைத்திருக்க வேண்டும். காரணம், ஒரு கருத்து ஒருவரிடம் இருந்து மற்றவருக்கு செல்கின்ற போது அதன் உண்மை கருத்து பிசகாமல் இருக்க வேண்டும்.

 ஒரே நேரத்தில் இரண்டு பாடங்களை நடத்துவது கூடாது.
 ஒரே பாடமாக இருந்தாலும் இடைவெளி இல்லாமல் (Interval) நீண்ட நேரம் நடத்துவது கூடாது.
 மாணவர்களுக்கு மத்தியில் வார்த்தை தகராறு ஏற்படாதவாறு செயல்பட வேண்டும்.
 மாணவர்களுக்கு அதிக சுமைகளை சுமத்துவது கூடாது.

 பாடங்களை சுருக்கி எழுதுவது கூடாது.

 ஆபரண அறிவியலுக்கு (Ornamental science) அதிக முக்கியத்துவம் வழங்குவது கூடாது.

ilmu-dan-fiqih-membuat-manusia-tunduk-dan-takut-kepada-allah

11. மாணவர்கள் எவ்வாறு நடந்து கொள்ள வேண்டும்?

 கல்வியை (உண்மையை) கற்கின்ற மாணவர்களின் சிந்தனைகள் தூய்மையானதாகவும், உண்மையானதாகவும் இருக்க வேண்டும்.

 தீய எண்ணங்கள், கெட்ட செயல்களில் இருந்து மீண்டு இறைவனின் அருளுக்குள் முழுமையாக நுழைந்தவர்களாக மாறிவிட வேண்டும்.

 ஆசிரியர்களுக்கு கண்ணியமும், மரியாதையும் கொடுக்கப்பட வேண்டும்.

12. ஆசிரியர்கள் – மாணவர்கள் உறவு எப்படி இருக்க வேண்டும்?

ஆசிரியர்கள் மாணவர்களின் தகுதிகளையும், அவர்களின் நிலைமைகளையும் புரிந்து கொண்டு நட்புறவுடன் நடந்து கொள்ள வேண்டும்.
ஆசிரியர்கள் – மாணவர்களுக்கு பெற்றோர்கள் போல் நடந்து கொள்ள வேண்டும்.

மாணவர்கள் தவறு செய்தால் அவர்களுக்கு கடுமையான, கொடூரமான தண்டனைகள் தவிர்க்கப்பட வேண்டும்.
பெற்றோர்களாக இருந்தாலும் சரி, ஆசிரியர்களாக இருந்தாலும் சரி குழந்தைகளை கடுமையாக அடிப்பதால் குழந்தைகளின் தனித்தன்மையும், அவர்களின் வளர்ச்சியையும் கடுமையாக பாதிக்கும் என்பதால் அன்புடனும் அறிவுடனும், விவேகத்துடனும் மாணவர்களிடம் ஆசிரியர்கள் பழக வேண்டும் என்பதை இப்னு கல்தூன் (ரஹ்) அவர்கள் வலியுறுத்துகிறார்கள்.
– ஃபக்கீர் இஸ்மாயீல் பிலாலி, பேராசிரியர் புதுக் கல்லூரி, சென்னை

திங்கட்கிழமை, 16 அக்டோபர் 2017 10:53

முதல் தலைமுறை மனிதர்கள்-7

Written by

நீதிபதி எம்.எம் இஸ்மாயில்
சேயன் இப்ராகிம்
நாகூர் தமிழக முஸ்லிம்களின் பழம் பெரும் பதியாகும். இந்த ஊரின் பெயரைக் கேட்டவுடனேயே அங்கிருக்கும் மகான் சாகுல் ஹமீது பாதுஷா நாயகத்தின் தர்கா நமது நினைவிற்கு வரும். தமிழக கடற்கரைப் பகுதிகளில் அவர்கள் ஆற்றிய தீன் பணிகள் நினைவிற்கு வரும். “ஆரிபு நாயகம்” உள்ளிட்ட எண்ணற்ற இலக்கியங்களைத் தந்த குலாம் காதிர் நாவலர் நினைவுக்கு வருவார். சிறந்த சிறுகதை ஆசிரியரும்இசிங்கப்பூரில் “சிங்கை நேசன்” என்ற இதழை நடத்தியவருமான சி.கு.மகதூம் சாகிபும் நாகூரில் பிறந்தவரே. முதல் முஸ்லிம் நாவலாசிரியரும்இ பெண் எழுத்தாளருமான சித்தி ஜுனைதா பேகம்இ கவிஞர் சலீம்இபேராசிரியர் நாகூர் ரூமி உள்ளிட்ட எண்ணற்ற இலக்கியவாதிகளையும்இ எழுத்தாளர்களையும்இ கவஞர்களையும் தமிழ் கூறும் நல்லுலகிற்கு வழங்கிய பெருமை இந்த மண்ணுக்குண்டு. நமது நெஞ்சங்களில் நிறைந்திருக்கும் இசை முரசு ஹனீபாவின் பிறந்தகம் நாகூர் இல்லையென்றாலும் அவர் வாழ்ந்து சிறந்தது நாகூரிலேயே. அதனால் தான் அவர் நாகூர் ஹனீபா என அறியப்பட்டார். அதே நேரத்தில் நாகூரில் பிறந்திருந்தும் அந்த ஊரால் அடையாளப்படுத்தப் படாத பெருந்தகையாளர் ஒருவர் உண்டு. அவர் தான் சென்னை உயர்நீதி மன்றத்தின் தலைமை நீதிபதியாகவும்இ மிகச் சிறந்த இலக்கியவாதியாகவும் திகழ்ந்த எம்.எம்.இஸ்மாயில் அவர்கள்.
பிறப்பு-கல்வி
நீதிபதி எம்.எம். இஸ்மாயில் 08-02-1921 அன்று நாகூரில் முஹம்மது காசிம்-ருக்கையா பீவி தம்பதியினரின் மகனாகப் பிறந்தார். தனது தொடக்க மற்றும் இடைநிலைக் கல்வியை நாகூரிலும்இ நாகப்பட்டினத்திலும் கற்றுத்தேறிய அவர் சென்னை மாநிலக் கல்லூரியில் பட்டப்படிப்பையும்இ பட்ட மேற்படிப்பையும் (ஆ.யு.இ)சட்டக்கல்லூரியில் சட்டப் பட்டப் படிப்பையும் கற்றுத் தேறினார். உ.வே. சாமிநாத ஐயரின் மாணவரான சந்தானம் அய்யங்கார்இ கம்பராமாயணசாகிபு என அறியப்பட்ட தாவூத்ஷா சாகிப்இ வித்வான் கிருஷ்ண மூர்த்தி ஐயர் ஆகியோர் இவரது ஆசிரியர்கள்.
கல்லூரியில் படித்துக் கொண்டிருந்த கால கட்டத்தில் நாடெங்கும் நடைபெற்றுக் கொண்டிருந்த சுதந்திர போரட்டம் இவரைப் பெரிதும் ஈர்த்தது. காங்கிரஸ் பேரியக்கத்தின் அனுதாபியாக மாறினார். எப்போதும் கதராடையே அணிந்து வந்தார். இவரது இளமைக்கால பள்ளித் தோழர்களினல் பெரும்பாலோர் அகில இந்திய முஸ்லிம் லீகில் சேர்ந்து பணியாற்றி வந்தனர். இவரையும் அக்கட்சியில் சேரும்படி வலியுறுத்தினர். எனினும் அவர் முஸ்லிம் லீகில் சேராமல் காங்கிரஸ் ஆதரவாளராகவே தொடர்ந்து இருந்து வந்தார்.
நீதிபதி இஸ்மாயில் பள்ளிப் பருவத்திலேயே செய்தித்தாள்களையும்இ வார மாத இதழ்களையும்இ நூல்களையும் படிப்பதில் ஆர்வம் கொண்டிருந்தார். எழுதுவதிலும் அவருக்கு ஆர்வம் இருந்தது. காங்கிரஸ் கட்சியின் முக்கியத் தலைவர்களில் ஒருவரும்இ சுதந்திரப் போராட்ட வீரருமான மௌலானா அபுல் கலாம் ஆஸாத் மீது மிகுந்த பற்றுக் கொண்டிருந்த அவர் 1945 ஆம் ஆண்டு அதாவது தனது 24 வயதிலேயே மௌலாவின் வாழ்க்கை வரலாற்றைக் கூறும் நூல் ஒன்றை எழுதினார். இதுவே அவர் எழுதிய முதல் நூலாகும். மௌலானா ஆஸாதைப் பற்றித் தமிழில் முதன் முதலில் வெளிவந்த நூலும் இதுவாகவே இருக்கக்கூடும்.
சட்டப் படிப்பில் தேர்ச்சி பெற்ற பின்னர்இ சென்னை சட்டக்கல்லூரியிலேயே எட்டு ஆண்டுகள் பகுதி நேர விரிவுரையாளராகப் பணி புரிந்தார். விவேகானந்தா கல்லூரியிலும் வணிகச் சட்ட விரிவுரையாளராக சில காலம் பணியாற்றினார். பின்னர் அரசின் கூடுதல் வழக்கறிஞராக நியமிக்கப்பட்டு அந்தப் பொறுப்பை நேர்மையுடன் வகித்து வந்தார்
பல்லாண்டுகள் அரசு வழக்கறிஞராகப் பணியாற்றிய அவர்இ 1967 ஆம் ஆண்டு டெல்லி உயர்நீதி மன்றத்தின் கூடுதல் தலைமை நீதிபதியாக நியமிக்கப்பட்டார். பின்னர் 1969 ஆம் ஆண்டு தனது விருப்ப வேண்டுகோளின்படி சென்னை உயர்நீதி மன்ற நீதிபதியாக பணி மாற்றம் செய்யப்பட்டார். 1979 ஆண்டு சென்னை உயர்நீதிமன்றத்தின் தலைமை நீதிபதியாக நியமிக்கப்பட்டார். இப்பணியில் அவர் இரண்டாண்டுகள் இருந்தார். தமிழகத்தின் ஆளுநராகப் பணிபுரிந்த பிரபுதாஸ் பட்வாரியை அரசு பதவி நீக்கம் செய்த போது 27-10-1980 அன்று மாநிலத்தின் தற்காலிக ஆளுநராக அவர் நியமிக்கப்பட்டார். அடுத்த ஆளுநராக நியமிக்கப்பட்ட சாதிக் அலி பதவியேற்கும் வரை அவர் அப்பொறுப்பில் இருந்தார். 1981 ஆம் ஆண்டு அவர் சென்னை உயர்நீதி மன்ற தலைமை நீதிபதி பொறுப்பிலிருந்து விலகினார். இதன் பின்னணியில் சில தார்மீக நெறி முறைகள் இருந்தன.5ம உலகத தமழ மநட மதரயல நடபறறபத எம.ஜ.ஆர நடஞசழயன மறறம நதபத ம.ம.இஸமயல
பொதுவாக உயர்நீதி மன்ற தலைமை நீதிபதிகளை அவர்களது விருப்ப வேண்டுகோளின் அடிப்படையிலேயோ அல்லது அவர்களைக் கலந்தாலோசித்த பின்னரோ தான் ஒரு உயர்நீதி மன்றத்திலிருந்து இன்னோரு நீதிமன்றத்திற்கு மாறுதல் செய்வது மரமாக இருந்து வந்தது. ஆனால் இந்த மரபிற்கு மாறாக 1981 ஆம் ஆண்டு ஜனவரி மாதம் அவரை சென்னை நீதி மன்றத்திலிருந்து கேரளாவிலுள்ள திருவனந்தபுரம் உயர்நீதி மன்ற தலைமை நீதிபதியாக தீடிரென்று மாறுதல் செய்து மத்திய அரசு உத்திரவிட்டது. பாட்னா உயர்நீதி மன்ற தலைமை நீதிபதி கே.பி.என். சிங் அவருக்குப் பதிலாக நியமிக்கப்பட்டார். (அப்போது திருமதி இந்திராகாந்தி பிரதமராகவும் திரு சிவசங்கர் சட்ட அமைச்சராகவும் இருந்தனர்) மேலும் மத்திய சட்ட அமைச்சகம் மாநில முதல்வர்களுக்கு அப்போது எழுதியிருந்த கடிதத்தில் தத்தமது மாநிலங்களில் கூடுதல் நீதிபதிகளாகப் பணியாற்றுபவர்களிடமிருந்து பிற மாநிலங்களிலுள்ள நீதி மன்றங்களுக்கு நியமனம் செய்யப்படுவதற்கு ஒப்புதல் கடிதங்களைப் பெற்று அனுப்புமாறும் வேண்டியிருந்தது. மத்திய அரசின் இந்த அறிவிக்;கைக்கு நீதித் துறையினர் பெரும் எதிர்ப்புத் தெரிவித்தனர். இது நீதித் துறையின் சுதந்திரத்திற்கு விடப்பட்ட அச்சுறுத்தல் எனக் கண்டனம் தெரிவித்தனர். தன்னைக் கலந்தாலோசிக்காமல் வழங்கப்பட்ட மாறுதல் உத்தரவு நீதிபதி இஸ்மாயிலுக்குப் பெரும் அதிர்ச்சியை ஏற்படுத்தியது. எனவே அவர் இது பற்றி அப்போதைய குடியரசுத் தலைவர் நீலம் சஞ்சீவி ரெட்டிக்கு விரிவான கடிதம் ஒன்றை எழுதி அனுப்பி விட்டு ஐந்து மாத காலம் விடுப்பில் சென்றார். இந்த இடைப்பட்ட காலத்தில் அவரது மாறுதல் உத்தரவு மத்திய அரசால் திரும்பப் பெறப்படவில்லை. எனவே அவர் 09-07-1981 அன்று தலைமை நீதிபதிப் பதவியிலிருந்து விலகினார். (சுநளபைநென) அவரது இந்தப் பதவி விலகலுக்கு நீதித்துறையினர் பெரும் பாராட்டுதல்கள் தெரிவித்தனர். நீதித்துறையின் மாண்பை பாதுகாத்து விட்டதாக “தினமணி” நாளேடு தனது தலையங்கத்தில் அவருக்குப் பாராட்டுத் தெரிவித்திருந்தது.
மத்திய அரசின் மாறுதல் உத்தரவை எதிர்த்து உச்சநீதிமன்றம் சென்றிருக்கலாமே என அவரிடம் கேட்கப்பட்டபோது “உயர்நீதி மன்றத்தின் தலைமை நீதிபதியாகப் பொறுப்பு வகிக்கும் ஒருவர் அந்தப் பதவியில் நீடிக்கும் தனது உரிமை விஷயமாக வேறொரு நீதி மன்றத்தில் மனுச் செய்வது சரியாக இருக்காது” எனக் குறிப்பிட்டார். எனினும் உயர் நீதிமன்ற தலைமை நீதிபதிகளைத் தன்னிச்சையாக மாற்றும் அதிகாரம் அரசிடம்; இருக்கக் கூடாது என்பதில் அவர் உறுதியாக இருந்தார். அதன் காரணமாகவே தான் வகித்த உயர்பதவியிலிருந்து விலகினார்.
இஸ்மாயில் கமிஷன்
நாட்டில் நெருக்கடி நிலை நடைமுறையில் இருந்த போது தமிழகத்தில் தி.மு.கஇ கம்யூனிஸ்ட் (மார்க்சிஸ்ட்)இ ஜனதா ஆகிய கட்சிகளைச் சார்ந்த தலைவர்களும் தொண்டர்களும் மிசா சட்டத்தின் கீழ் கைது செய்யப்பட்டு சிறையில் அடைக்கப்பட்டனர். இதில் சென்னை மத்திய சிறையில் அடைக்கப்பட்டிருந்த தி.மு.க. தலைவர்கள் குறிப்பாக முரசொலிமாறன்இ ஆற்காடுவீராச்சாமிஇ மு.க.ஸ்டாலின் ஆகியோரை சிறைத்துறை அதிகாரிகள் கொடுமைப்படுத்தியதாக புகார்கள் வந்தன. (சிறைத்துறை அதிகாரிகளின் தாக்குதல் காரணமாக சென்னை மாநகர மேயர் சிட்டிபாபுஇ சாத்தூர் பாலகிருஷ்ணன் ஆகியோர் ismail rajiv-gandhi1உயிரிழந்தனர். முரசொலி மாறன்இ ஆற்காடு வீராசாமி ஆகியோரின் உடல் உறுப்புகளில் நிரந்தரப் பாதிப்புகள் ஏற்பட்டன.) சிறைத்துறை அதிகாரிகளின் அத்துமீறிய நடவடிக்கைகள் குறித்து விசாரணை நடத்த வேண்டும் என தி.மு.க. தொடர்ந்து கோரிக்கை எழுப்பி வந்தது. எனினும் மத்திய மாநில அரசுகள் இக் கோரிக்கையை ஏற்கவில்லை. 1989 ஆம் ஆண்டு தி.மு.க. மீண்டும் ஆட்சிப்பொறுப்புக்கு வந்தபோது முதல்வர் கலைஞர் கருணாநிதி சென்னை மத்திய சிறையில் நடைபெற்ற அத்துமீறல்கள் குறித்து விசாரணை நடத்தி நீதிபதி இஸ்மாயில் தலைமையில் ஒரு நபர் குழுவை அமைத்தார். அதன் படி நீதிபதி இஸ்மாயில் விசாரணைகள் மேற்கொண்டு நெருக்கடி நிலையின் போது சென்னை மத்திய சிறையில் நடைபெற்ற அத்துமீறல்கள் உண்மைதானென்றும்இ அதில் ஈடுபட்ட அதிகாரிகளின் பெயர்களைப் பட்டியலிட்டு அவர்கள் மீது நடவடிக்கை எடுக்க வேண்டுமென்றும் அரசிற்குப் பரிந்துரை செய்தார். ஆனால் தி.மு.க. ஆட்சி 1991 ஆம் ஆண்டு மத்திய அரசால் கலைக்கப்பட்டதால்இ நீதிபதி இஸ்மாயில் குழுவின் அறிக்கை மீது பின்னர் வந்த அரசு எந்த நடவடிக்கையும் எடுக்கவில்லை.
இலக்கியப் பணிகள்:
பொதுவாகவே நீதிபதிகளாக இருப்பவர்கள் கலைஇ இலக்கியம்இவரலாறு ஆகிய துறைகளில் ஆர்வம் காட்டுவதில்லை. ஆனால் நீதிபதி இஸ்மாயில் மிகச்சிறந்த இலக்கியவாதியாகத் திகழ்ந்தார். இஸ்லாமிய இலக்கியங்களில் பெரிதும் ஈடுபாடு கொண்டிருந்த அவர்இ 1946 ஆம் ஆண்டிலேயே இஸ்லாமிய இலக்கியங்கள் குறித்து “குமரி மலர்” என்ற இதழில் கட்டுரை ஒன்று எழுதினார். இஸ்லாமிய இலக்கியங்களைத் தமிழ் மக்களிடையே அறிமுகப்படுத்துவதற்கு பெரிதும் முயற்சிகள் மேற்கொண்டார். இஸ்லாமிய கூட்டங்களிலும்இமாநாடுகளிலும் கலந்து இஸ்லாமிய இலக்கியங்கள் குறித்து ஆய்வுரைகள் நிகழ்த்தினார். 1973 ஆம் ஆண்டு கலைமகள் மாத இதழில் “இறைமை” என்ற தலைப்பில் கட்டுரை ஒன்று எழுதினார். 1977 ஆம் ஆண்டில் மௌலவி ஆ.அப்துல் வஹாப் அவர்களை ஆசிரியராகக் கொண்டு வெளி வந்த “பிறை” மாத இதழில் “அல்லாஹ்வின் திருநாமங்கள்” என்ற தலைப்பில் தொடர் கட்டுரை ஒன்று எழுதினார். இதில் அல்லாஹ்இ ரப்பு ஆகிய இரு வார்த்தைகளுக்கும் விரிவான விளக்கங்கள் எழுதியிருந்தார். ஏ.வி.எம். ஜாபர்தீன் அறக்கட்டளை நடத்திய தொடர் சொற்பொழிவில் கலந்து கொண்டு வண்ணக்களஞ்சியப் புலவர் எழுதிய இராஜநாயகம் காப்பியம் குறித்து “இனிக்கும் இராஜநாயகம”; என்ற தலைப்பில் உரையாற்றினார் (சுலைமான் நபியைப் பாட்டுடைத் தலைவராகக் கொண்டது இந்தக் காப்பியம்)
m-m-ismaildதமிழகத்தில் இஸ்லாமிய தமிழ் இலக்கியக்கழகம் தொடங்கப்படத் தூண்டுகோலாக இருந்தார். 1974 ஆம் ஆண்டு சென்னையில் நடைபெற்ற இஸ்லாமிய தமிழ் இலக்கிய மாநாட்டில் உரையாற்றிய அவர் “அறிமுகத்திற்குப் பிறகே ஆராய்ச்சி வர வேண்டும். முஸ்லிம் தமிழ் இலக்கியங்கள் குறித்து முஸ்லிம் சகோதரர்களே அறியாமல் இருக்கும்போது மற்றவர்கள் அறியாமலிருப்பது பற்றி சொல்ல வேண்டியதில்லை. இலக்கியத்திற்குச் சாதி, மதம் கிடையாது. முஸ்லிம் புலவர்கள் இவ்வளவு பாடியிருக்கிறார்களா என்று வியப்புடன் கேட்கப்படுகிறது. அவை தரத்திலோ அளவிலோ, இலக்கிய நயத்திலோ குறைந்தவை அல்ல” என்று குறிப்பிட்டார். 1978 ஆம் ஆண்டு காயல்பட்டிணத்தில் நடைபெற்ற (ஜனவரி 13, 14, 15 தேதிகளில்) இஸ்லாமிய தமிழ் இலக்கிய மாநாட்டின் அவர் அக்கழகத்தின் தலைவராகத் தேர்ந்தெடுக்கப்பட்டு 1982 ஆம் ஆண்டு வரை அந்தப் பொறுப்பில் இருந்தார். 1979 ஆம் ஆண்டு ஜூன் 29, 30 மற்றும் ஜூலை 1 ஆகிய தேதிகளில் இலங்கையின் தலைநகர் கொழும்புவில் நடைபெற்ற அனைத்துலக இஸ்லாமியத் தமிழ் இலக்கிய மாநாட்டில் கலந்து கொண்டு முதல் நாள் நிகழ்ச்சிக்குத் தலைமை வகித்திடும் வாய்ப்பினைப் பெற்றார். 1980 ஆம் ஆண்டு நடைபெற்ற ஆனந்த விகடன் இதழின் பொன் விழாக் கொண்டாட்டங்களுக்குத் தலைமை வகித்துச் சிறப்புரையாற்றினார்.
கம்ப இராமாயணம்:
நீதிபதி இஸ்மாயில், தமிழ் இலக்கியங்களில் குறிப்பாகக் கம்ப இராமாயணத்தில் பெரிதும் ஈடுபாடு கொண்டிருந்தார். கம்பரின் தமிழ்ப்புலமை அவரைப் பெரிதும் ஈர்த்தது. கம்பஇராமாயண கூட்டங்களிலும் மாநாடுகளிலும் கலந்து கொண்டு உரை நிகழ்த்தினார். காரைக்குடியில் நடைபெற்று வந்த கம்பன் விழாவில் தொடர்ந்து ஐம்பது ஆண்டுகள் கலந்து கொண்டார். சென்னைக் கம்பன் கழகத்தின் தலைவராக இருபது ஆண்டுகளுக்கும் மேலாகப் பொறுப்பு வகித்தார். கம்பஇராமாயணம்இ வால்மீகி இராமாயணம், துளகி இராமாயணம் ஆகியவற்றை ஒப்பாய்வு செய்து பல கட்டுரைகள் எழுதினார். கம்பஇராமாயணப் பட்டி மண்டபங்களில் பேச்சாளராகவும், நடுவராகவும் கலந்து கொண்டு உரையாற்றியுள்ளார். இராமாயணத்தில் வரும் சிறிய கதாபாத்திரங்களான வாலி, குகன், சத்துருக்கணன், தாரா, திரிசடை, சூர்ப்பநகை ஆகியோர் குறித்து வரிவான ஆய்வுக் கட்டுரைகள் எழுதியுள்ளார். “வாலிவதம்” குறித்து இவர் எழுதிய “மூன்று வினாக்கள்” என்ற நூல் இராமாயண பக்தர்களிடடையே பெரும் வரவேற்பைப் பெற்றது. இந்த நூலில் வாலியை இராமன் மறைந்திருந்து தாக்கிக் கொன்றது சரியே என ஆணித்தரமான வாதங்கள் மூலம் நிறுவியிருந்தார். இந்தக் கருத்தால் பெரிதும் ஈர்க்கப்பட்ட காஞ்சி சங்கராச்சாரியார் அவரிடம் லுழர யசந வாந ஊhநைக துரளவiஉநஇ லுழர hயஎந சநனெநசநன தரளவiஉந வழ சுயஅய என்று குறிப்பிட்டாராம். கம்ப இராமாயண ஆராய்ச்சிப் பணிகளுக்காக அவருக்கு “இராம ரத்னம்” “கம்ப இராமாயண ஒளி” ஆகிய பட்டங்கள் வழங்கப்பட்டன. 1980 ஆம் ஆண்டு சென்னைக் கம்பன் கழகம் இவரது இலக்கியச் சேவையைப் பாராட்டும் முகத்தான் கவியரங்கம் ஒன்றை நடத்தியது. அதில் பத்துக் கவிஞர்கள் கலந்து கொண்டு இவருக்குப் புகழாரம் சூட்டினர்.

1970களில் ஆனந்த விகடன் வார இதழில் “இலக்கிய மலர்கள்” என்ற தலைப்பில் இலக்கியத் திறனாய்வுத் தொடர் ஒன்றினை எழுதி வந்தார். இக்கட்டுரைகளில் கம்ப இராமாயணத்திலும், குறுந்தொகையிலும் காணக் கிடைக்கின்ற காதல் செய்திகளை சுவைபட எழுதியிருந்தார். “இலக்கிய மலர்கள்” இரண்டாம் பாகத்தில் பாரதியார், குணங்குடி மஸ்தான், இராமலிங்க வள்ளலார் ஆகியோரின் பேரின்பப் பாடல்கள் குறித்து எழுதினார்.
நூல்கள்:
பல்வேறு இதழ்களில் இவர் எழுதிய தொடர் கட்டுரைகள் மற்றும் கருத்தரங்குச் சொற்பொழிவுகள் ஆகியன பின்னர் நூல்களாக வெளிவந்தன. அவையாவன. இனிக்கும் இராஜநாயகம், அடைக்கலம், உந்தும் உவகை, தாயினும், வள்ளல் தன்மை, மூன்று வினாக்கள், கம்பன் கண்ட சமரசம், கம்பன் கண்ட இராமன், செவிநுகர் கனிகள், அல்லாஹ்வின் அழகிய திரு நாமங்கள், மும்மடங்கு பொலிந்தன, இலக்கிய மலர்கள.; ஜனாதிபதி மற்றும் ஆளுநர்களின் அரசியல் சட்ட அதிகாரங்கள் குறித்தும் விரிவான நூல் ஒன்றை எழுதியுள்ளார். தனது இல்லத்தின் ஒரு பகுதியில் மிகச் சிறந்த நூலகம் ஒன்றையும் அமைத்திருந்தார். அதில் பல பழந்தமிழ் நூல்களை சேகரித்து வைத்திருந்தார்.
குடும்பம்:
நீதிபதி இஸ்மாயிலின் துணைவியார் பெயர் சுபைதா நாச்சியார் காரைக்காலைச் சார்ந்தவர்;. இத்தம்பதியினருக்கு மூன்று மகன்கள் ஒரு மகள் என நான்கு பிள்ளைகள். நாகூரைச் சார்ந்தவராக இருந்த போதிலும் சென்னை மயிலாப்பூரிலேயே அவர் தனது இறுதிக்காலம் வரை வாழ்ந்து வந்தார்.
மறைவு:
சிறிது காலம் நோய் வாய்ப்பட்டிருந்த அவர் 17.1.2005 அன்று காலமானார். நீதிபதி இஸ்மாயில் தனது வாழ்வாள் முழுவதும் சைவ உணவுப் பழக்கம் கொண்டவராகவே விளங்கினார். சமய நல்லிணக்கம் பேணுபவராக இருந்தார். அனைத்துப் பிரிவு மக்களாலும் மதிக்கப்படுவராகத் திகழ்ந்தார். தனி வாழ்விலும் பொது வாழ்விலும் மிகச் சிறந்த நெறிமுறைகளைப் பின்பற்றினார். சில உயரிய நெறி முறைகளைப் பேணுவதற்காக தான் வகித்து வந்த மிகப்பெரிய தலைமை நீதிபதி பொறுப்பிலிருந்து விலகினார். அவரது பொதுப்பணிகளும், இலக்கியப் பணிகளும் தமிழ் மக்களால் என்றும் நினைவு கூறப்படும்.
கட்டுரையாளருடன் தொடர்புகொள்ள
கைபேசி எண் 99767 35561

வியாழக்கிழமை, 28 செப்டம்பர் 2017 06:17

இப்னு கல்தூன்(ரஹ்) கல்வி சிந்தனைகள்!

Written by

நல்ல சிந்தனை நல்ல செயல்களை உருவாக்கும்; நல்ல செயல்கள் சிறந்த பழக்க வழக்கங்களை உருவாக்கும். கலாச்சாரத்தை உருவாக்கும். சிறந்த கலாச்சாரம் உயர்ந்த, நலம், நலன் சார்ந்த சமூகத்தை (தலைமுறைகளை) உருவாக்கும்.
கெட்ட சிந்தனை தீய செயல்களை உருவாக்கும். தீய செயல்கள் தரமற்ற கலாச்சாரத்தை (பழக்க வழக்கங்களை) உருவாக்கும். தரமற்ற கலாச்சாரம் நாகரீகம் இல்லாத சமூகத்தை உருவாக்கும்.
மேற்காணும் சிந்தனையை அடிப்படையாகக் கொண்டு நாம் வாழுகின்ற சமூகத்தை சற்று நிதானமாக யோசித்துப் பார்த்தால் நாம் எங்கே தவறிழைத்திருக்கிறோம் என்பதை தெளிவாக புரிந்து கொள்ளலாம்.
சுமார் 10 - 20 ஆண்டுகளுக்கு முன்வரை வாழ்ந்த நமது முன்னோர்களின் நல்ல சிந்தனைகளும், செயல்களும், தான தர்மங்களும், எதிர்பார்ப்பு இல்லாத வாழ்வியல் முறைகளும்தான் ஒரு சிறந்த சமூகத்திற்கான அடித்தளம் என்பதை உணர்கிறோம்.
நல்ல சிந்தனைகள் நமது முன்னோர்களிடம் எப்படி ஏற்பட்டது என்பதை ஆராய்ச்சிக் கண்ணோட்டத்தில் ஊடுருவிப் பார்த்தால் அங்கு நிலைத்திருப்பது “ஒழுக்கம் சார்ந்த கல்வி/ கலாச்சார முறை” என்று பதில் கிடைக்கும்.
நல்ல சிந்தனைகளை மாணவர்களின் / குழந்தைகளின் மனதில் பதிய வைக்க வேண்டிய கல்வியும், கற்றல் முறைகளும், கல்விக் கூடங்களும் இன்றைய சூழலில் எங்கு? எப்படி? சென்று கொண்டிருக்கிறன என்பதற்கு நாமும், நமது சமூகமும்தான் ஆதாரங்கள்.
எனவே நல்ல சிந்தனைகளை மாணவர்களிடம் / குழந்தைகளிடம் போதிப்பதற்கு “ஒழுக்கம் சார்ந்த கல்விதான் அடிப்படை” என்பதை உணர்ந்த நமது முன்னோர்கள் குர்ஆன், ஹதீஸ், சஹாபாக்களின் வாழ்க்கை முறைகளை அடிப்படையாகவும் ஆதாரமாகவும் வைத்து ஒரு சமூகம் சறுக்குகின்ற போது அதன் நிலைப்பாட்டை உறுதி செய்யவும், வலுப்படுத்தவும் இஸ்லாமிய அறிஞர்கள் (நமது முன்னோர்கள்) தங்களின் கல்விச் சிந்தனைகளை வழங்கி இருக்கிறார்கள். அதை நடைமுறைப்படுத்திய பின் அந்தந்த சமூகங்கள் உயர்ந்த செழுமை நிலைக்கு சென்றதை வரலாறு தன் பக்கங்களில் அழுத்தமாக பதிவு செய்து வைத்திருக்கிறது. அல்ஹம்து லில்லாஹ்..
அதன் அடிப்படையில் கி.பி. 1332 - 1406 ஆம் ஆண்டு காலத்தில் வாழ்ந்த உலகம் முழுவதும் அறியப்படும் பேரறிஞர், சிந்தனையாளர், சமூகவியலாளர், வரலாற்று ஆசிரியர் இப்னு கல்தூன் ரஹ்மதுல்லாஹி அலைஹி அவர்களின் கல்விச் சிந்தனைகள், பழுதாகிப் போன நம்மை பண்படுத்தும் என்ற நம்பிக்கையில் கேள்வி - பதிலாக இங்கே வழங்குகிறோம்.
1. கல்வி என்றால் என்ன?
கல்வி என்பது அறிவு சார்ந்த பயிற்சி. தனி மனித ஒழுக்கத்தை, கலாச்சாரத்தை எது கட்டமைக்குமோ அதுதான் “கல்வி” என்று குறிப்பிடுகிறார்கள்.
2. கல்வியின் வகைகள் என்ன?
கல்வியை இரு வகையாக பிரிக்கிறார்கள்.
(அ) தத்துவம் சார்ந்த கல்வி : - ஒரு மனிதனின் அறிவு சார்ந்த சிந்தனைகளை உள்ளடக்கியது தத்துவக் கலை.
(ஆ) மார்க்கம் சார்ந்த கல்வி :- குர்ஆன், ஹதீஸ், சஹாபாக்களின் வாழ்வியல் முறைகளை உள்ளடக்கிய இஸ்லாமியக் கல்வி.
மேற்காணும் இருவகை கல்வியும் மனித சமூகத்திற்கும், சமூகம் மற்றும் தேசத்தின் வளர்ச்சிக்கு மிகவும் அவசியம் என்பதை வலியுறுத்துகிறார்கள்.
3. கல்வியின் நோக்கம் என்ன?
ஒரு மாணவனின் / மனிதனின் சிந்திக்கும் திறனையும், அவனது பகுத்தறியும் திறனையும் (நன்மை எது? தீமை எது என்பதை பிரித்தறியும் தன்மை) மேம்படுத்தி அதன் மூலம் சமூக மேம்பாடு அடைய வேண்டும்.
4. கல்வியின் நன்மைகள் என்ன?
ழூ கல்வி கற்கின்ற ஒரு மனிதனின் சமூக, பொருளாதார நிலைகளை உயர்த்தி அவனை சமூகத்திற்கு பயனுள்ளவனாக மாற்ற வேண்டும்.
ழூ மக்களின் வாழ்வில் மகிழ்ச்சியையும், சந்தோஷத்தையும் உருவாக்கி உயர்வாக்க வேண்டும்.
5. கல்வி முறை எப்படி இருக்க வேண்டும்?
எந்த சமூகமாக இருந்தாலும் அந்தந்த சமூகத்தின் சிந்தனைகளுக்கேற்ப கல்வி முறை அமைக்கப்பட வேண்டும். (உதாரணம்) முஸ்லிம் சமூகத்தில் வாழுகின்ற ஒரு முஸ்லிம் ஆணோ பெண்ணோ அவர்களுக்கு திருக்குர்ஆனின் அறிவையும், நபி ஸல்லல்லாஹு அலைஹி வஸல்லம் அவர்களின் வழிகாட்டுதலையும் உள்ளடக்கிய கல்வி முறை அமைய வேண்டும்.
6. கற்றல் முறைகள் எவ்வாறு இருக்கக் கூடாது?
அ. மாணவர்கள் சுயமாக தங்கள் பாடங்களை (கருத்துக்களை) வெளிப்படுத்த முடியாத, பிரச்சனைகளை தீர்ப்பதற்கு வாய்ப்பில்லாத கல்வி முறையைக் கண்டித்தார்கள்.
ஆ. மாணவர்களின் கண்டுபிடிக்கும் திறன், ஒரு விஷயத்தை புதிதாக உருவாக்கும் திறன், உண்மைத் திறனை மேம்படுத்தும் திறன்களை ஊக்குவிக்காத, மாணவர்களை அதைரியப்படுத்துகின்ற அனைத்து கற்றல் முறைகளையும் சாடினார்கள்.
இ. புத்தகங்களில் சொல்லப்படுகின்ற கருத்துக்களை புரியாமல், அதை விளங்காமல் அப்படியே எழுதி மனப்பாடம் செய்கின்ற கற்றல் முறைகளை பின்பற்றுகின்ற போது, ஒரு மாணவனுடைய சிந்தனைத் திறனும், ஒரு விஷயத்தை உள்வாங்கி அதற்கு விளக்கம் கொடுக்கின்ற வாய்ப்பும் இல்லாமல் மாறிவிடுகின்ற கற்றல் முறை தேவை இல்லை என்று கூறுகினார்கள்.
ஈ. கல்வி பகிரப்படும் தளங்களில் மாணவர்கள் கலந்து கொண்டு அதன் விஷயங்களை பேசுவதற்கு உரையாடுவதற்கு (ஞிவீsநீussவீஷீஸீ) வாய்ப்பில்லாத கற்றல் முறைகள் தகர்க்கப்பட வேண்டும்.
மேற்காணும் கற்றல் முறைகளை பின்பற்றுகின்ற போது மாணவர்கள் வகுப்புகளில் அமைதியாகவும், எந்த விஷயங்கள் சொல்லிக் கொடுக்கப்படுகின்றதோ அதன் பொருளை, கருத்தை விளங்காதவர்களாகி, சுய சிந்தனைத் திறன் மழுங்கடிக்கப்பட்ட மாணவர்களாக மாற்றப்படுகிறார்கள்.
தேசத்தின் வருங்கால தலைவர்களான இன்றைய மாணவர்கள் இது போன்ற கற்றல் முறைகளை (நடைமுறைகளை) பின்பற்றுகின்ற போது இந்த தேசத்தின் எதிர்காலம் எப்படி இருக்கும் என்பதை சிந்தித்துப் பாருங்கள்.
7. கற்றல் முறைகள் எவ்வாறு இருக்க வேண்டும்?
அ. சமூக பிரச்சனைகள் குறித்து விவாதிக்கப்படுகின்ற கல்வித் தளங்களில் பங்கெடுத்து அதற்கான தீர்வுகளை கண்டறியும் திறன் கொண்ட கற்றல் முறைகள் அமைய வேண்டும்.
ஆ. தங்களது கருத்துக்களை பரிமாறவும், கருத்துக்கள் விவாதிக்கப்படுகின்ற சூழலில் வளருகின்ற போது சிறந்த மாணவர்களாகவும், பிரச்சனைகளுக்கான தீர்வுகளை வழங்குகின்ற மாணவர்களாகவும் (எதிர்கால தலைவர்களாகவும்) உருவாகுவார்கள்.
இ. மாணவர்களின் தகுதிகளையும், திறமைகளையும் கண்டறிந்து அவர்களின் தகுதிக்கும், திறனுக்கும் தகுந்தவாறு சொல்லிக்கொடுக்கப்பட் வேண்டும். அப்படி செய்வது, ஒரு விஷயத்தை மாணவர்கள் எளிதாக புரிந்து கொள்வதற்கும், முறையாக கற்றுக் கொள்வதற்கும் வழி வகுக்கும்.
                                                                                                                                                தொடரும்.......

வியாழக்கிழமை, 28 செப்டம்பர் 2017 05:50

இளம் ஆலிம்களே! உங்களைத்தான்..4

Written by

நவீன அரபி
அரபிக் கல்லூரி மாணவர்கள், மத்ரஸாவில் இருக்கும் காலத்திலேயே நவீன அரபி மொழியை (விளிஞிணிஸிழி கிஸிகிஙிமிசி) எப்பாடுபட்டாவது கற்றுக்கொண்டுதான் வெளியேற வேண்டும். நடப்பில் உள்ள அரபி மத்ரஸா பாடப் புத்தகங்கள் வாயிலாகவோ கல்லூரி மாணவர்கள் ஆங்கிலத்தில் பேசிப் பழகுவதைப் போல் பேசிப்பேசிப் பழகுவதற்கு வாய்ப்போ இல்லாததால் அதன் மூலமோ நவீன அரபியைக் கற்க இயலாத சூழ்நிலையே பெரும்பாலோருக்கு உண்டு.
நவீன அரபியைக் கற்கச் சொல்வதற்குக் காரணம், அரபு நாடுகளில் வேலை வாய்ப்பு தேடுவதற்காக அல்ல. இன்றைக்கு அரபு நாடுகளிலிருந்து அரபி அறிஞர்கள் எழுதுகின்ற அற்புதமான மார்க்க நூல்கள் நாள்தோறும் வெளிவந்தவண்ணமுள்ளன. அவர்கள் பெரும்பாலும் இன்றைய நவீன அரபிமொழியிலேயே நூல்களை எழுதி வருகிறார்கள்.
திருக்குர்ஆனின் ஒரு வசனத்தையோ நபிமொழி ஒன்றையோ சான்றோரின் அமுதமொழி ஒன்றையோ எடுத்துக்கொண்டால், நமது பார்வை கடிவாளமிடப்பட்ட குதிரையின் பார்வைபோல், மத்ரஸாவில் கேட்ட ஒரே திசையை நோக்கியே செல்கிறது. வசனத்திலுள்ள இலக்கண இலக்கியக் கூறுகள், ஏதேனும் சட்டங்கள், வரலாற்றுக் குறிப்புகள் மீறிமீறிப் போனால் வசனம் அருளப்பெற்ற பின்னணி இத்தோடு நின்றுவிடுகிறது நம் தேடல்.
ஆனால், அரபி அறிஞர்களின் பார்வை விசாலமானது. இறைமொழியிலும் நபிமொழியிலும் பொதிந்துள்ள அரசியல், அறிவியல், இலக்கியம், குடும்பவியல், சமூகவியல், பொருளியல், வணிகவியல், வேளாண்மை, தொழில்... என இன்றைய உலகுக்கு வழிகாட்டும் எல்லா இயல்களையும் அவர்களின் எழுத்துத் தொட்டுச் செல்வதைக் காண முடியும்.
அவ்வாறே, அரபுலகிலிருந்து வெளிவரும் தினசரிகள், வார-மாத இதழ்கள், ஆய்வுக் கட்டுரைகள், புதிய பிரச்சினைகளுக்கான மார்க்கத் தீர்ப்புகள் முதலானவற்றைப் படித்துத் தெரிந்துகொள்ள இந்த நவீன அரபிதான் கைகொடுக்கும். இவற்றை வாசிக்க எங்கோ போக வேண்டியதில்லை. எல்லாம் இணைய தளத்தில் கொட்டிக் கிடக்கின்றன.
பழையதும் புதியதும்
நவீன அரபியில் பழைய சொல்லைப் புதிய பொருளில் பயன்படுத்துவர். எடுத்துக்காட்டாக, முபாஷரத் (مباشرة) - மேற்கொள்ளல்; தஸ்வீத் (تصويت) - வாக்கு (வோட்டு) அளித்தல்; முஃகாதரா(مغادرة) - புறப்படுதல்; தத்பீக் (تطبيق) - செயல்படுத்துதல்; முஅவ்வகூன் (المعوقون) - மாற்றுத்திறனாளிகள்;ஷிர்கத் (الشركة) - நிறுவனம் (கம்பெனி)... இப்படிச் சொல்லிக்கொண்டே போகலாம்.
அவ்வாறே, புதிய சொல்லைப் பழைய பொருளுக்குப் பயன்படுத்துவர். நடிகன்- முமஸ்ஸில் (ممثل); கொண்டுவந்தான்-ஜாப (جاب); குறைத்தல் - தக்ஃபீப் (تخفيف); பங்கெடுத்தல் - முசாஹமத் (مساهمة); அர்ப்பணித்தல்-தக்ரீஸ் (تكريس); எட்டுதல் - தராவுஹ் (تراوح) ... இப்படி நிறைய!
பேச்சு வழக்கைப் பார்த்தோமென்றால், நமக்கு ஒன்றுமே புரியாது. நத்திர்(ندر) - வெளியே எடு; இத்லஉ (اطلع) - புறப்படு; ஷுஃப் (شف) - பார்; ஃபக்கில் பாப் (فك الباب) - கதவைத் திற; சுக்கல் பாப் (سك الباب) - கதவை மூடு; மூயா(مو يا) - தண்ணீர்; கல்லி அஸ்ஃபல் (خل اسفل) - கீழேயே இருக்கட்டும்;ஃபில்லி இப்ரீக் (فل ابريق) - பானையை நிரப்பு; கீஸ் தய்யிப் (قيس طيب) - சரியாக அள!
நல்ல வாக்கிய அமைப்பில்கூட வித்தியாசம் உண்டு. “அவர் நீண்ட சுற்றுப் பயணம் செய்திருந்தாலும் - (رغم جولته الطويلة); மேலும் சொன்னார்:(كما قال); நாம் முஸ்லிம்கள் என்ற முறையில் - (نحن كمسلمين); இந்தப் பிரச்சினை குறித்து - (حول هذه القضية); இதையொட்டி - (بهذه المناسبة);இதற்குப் பொருளல்ல - (هذا لا يعني); அல்லாஹ்வின் உதவியால் - (بحول الله);அல்லாஹ் காப்பாற்ற வேண்டும் - (لا سمح الله); மீண்டும் சொன்னார் - (اضاف من جديد)... இவ்வாறு ஏராளமான வழக்குகள் உண்டு.
அரபி இலக்கியக் கலைச்சொற்கள் பட்டியல்
ஏற்கனவே அரபி இலக்கியம் தொடர்பாகக் குறிப்பிட்டிருந்தேன். அரபி இலக்கியம், நவீன அரபி ஆகியவற்றின் கலைச்சொற்கள் மற்றும் எழுத்துச் சொற்கள் பட்டியலை இங்கு வரைபடமாக (சிலீணீக்ஷீt) வழங்கியுள்ளேன். இதை நகல் எடுத்து பாதுகாத்து வாருங்கள்! நிச்சயம் உதவும்.

khaan 7khaan 8

khaan 9khaan 10

“எனது நட்சத்திரங்களின் எண்ணிக்கை மிக சொற்பமானது. அதில் சகோதரர் ஜாபர்தீனும் ஒருவராக இருக்கிறார். நீங்கள் சந்தித்த கண்ணியமான ஒரு மனிதரைக் குறிப்பிடுங்கள் என்று யாராகிலும் எப்போதாகிலும் என்னைக் கேட்டால் எவ்விதத் தயக்கமுமின்றி ஏ.வி.எம் ஜாபர்தீன் என்று பதில் சொல்வேன்” இப்படிக் கூறுகிறார் இலங்கையைச் சார்ந்த கவிஞர், எழுத்தாளர் அஷ்ரப் சிகாபுதீன்.
தஞ்சை மாவட்டம் தமிழ் கூறும் நல்லுலகிற்குப் பல தலைவர்களையும், இலக்கியவாதிகளையும், இதழியல் முன்னோடிகளையும் கவிஞர்களையும், புரவலர்களையும் தந்துள்ளது. இம்மாவட்டம் தந்த அத்தகைய பெருமக்களில் ஒருவரே மறைந்த ஜனாப் ஏ.வி.எம். ஜாபர்தீன் ஆவார்.
இளமைக்காலம்:
தஞ்சாவூர் மாவட்டத்தில் முஸ்லிம்கள் நிறைந்து வாழும் கூத்தாநல்லூரில் 7.5.1938 அன்று பிறந்தார். இவரது தந்தையார் முகம்மது இப்ராகிம் மலேசியாவில் புகழ்பெற்ற வர்த்தகராக விளங்கினார். எனவே ஜாபர்தீன் தனது பிள்ளைப்பருவத்தில் கூத்தாநல்லூரிலும் மலேசியாவிலும் சிங்கப்பூரிலும் மாறிமாறி வாழ்ந்து வந்தார். தொடக்கக் கல்வியைக் கூத்தாநல்லூரில் கற்ற அவர், பின்னர் சிங்கப்பூர் சென்று அங்கிருந்த டங்லிங் ஆங்கிலப் பள்ளியில் படிப்பைத் தொடர்ந்தார். இடைநிலைக் கல்வியை அங்கு கற்றுத்தேறிய பிறகு, சென்னைப் புதுக்கல்லூரியில் சேர்ந்து இளங்கலைப் பட்டம் பெற்றார்.
இளம் வயது முதலே படிப்பதிலும், எழுதுவதிலும் அவர் ஆர்வம் கொண்டிருந்தார். பள்ளியில் படிக்கும் போதே வகுப்பு மாணவர்கள் நடத்திய கையெழுத்துப் பத்திரிகையில் கட்டுரைகள் எழுதினார். அப்போது தமிழகத்தில் வெளி வந்து கொண்டிருந்த தின, வார, மாத இதழ்கள் அனைத்தையும் படிப்பதை வழக்கமாகக் கொண்டிருந்தார். கல்லூரிப் பருவத்தில் அவர் தி.மு.க.வின் ஆதரவாளராக இருந்தார். கூத்தாநல்லூரில் நாவலர் நெடுஞ்செழியனை அழைத்து தி.மு.க. கூட்டம் போட்டார். தி.மு.க. ஒரு நாத்திகக்கட்சி; எனவே அக்கட்சிக் கூட்டத்தை நடத்தக் கூடாது என்று அப்போது ஊரில் பெரிய கட்சியாக இருந்த முஸ்லிம் லீக்கின் எதிர்ப்பையும் மீறி அக்கூட்டத்தை நடத்தினார்.
கல்லூரிப் படிப்பை முடித்த பின்னர் அவர் தனது வாழ்வின் பெரும்பான்மையான நாட்களை மலேசியாவிலும், சிங்கப்பூரிலும் தான் கழித்தார். தனது தந்தையார் நடத்தி வந்த வர்த்தக நிறுவனங்களைக் கவனித்து வந்தார். 1970 ஆம் ஆண்டு ஹிவிறிஜிசி என்ற உலக வர்த்தக நிறுவனத்தின் பங்குதாரராகச் சேர்ந்தார். இந்த நிறுவனம் காகிதம் மற்றும் மரம் சம்பந்தப்பட்ட வர்த்தகத்தில் முன்னணி நிறுவனமாகத் திகழ்ந்தது. தனது இளைய சகோதரர் ஏ.வி.எம். காஜா முகையதீனுடன் இணைந்து “பரீத் இண்டர்நேசனல்” என்ற நிறுவனத்தைக் கோலாலம்பூரில் தொடங்கினார். சொந்த கப்பல்களைக் கொண்டிருந்த இந்த நிறுவனம் மத்திய கிழக்கு நாடுகளுக்கு மரங்களை ஏற்றுமதி செய்தது. இவர் தனது அலுவலகத்தை கோலாலம்பூரின் மிகப்பெரிய வர்த்தக மையமான “மினரா புரமோ” என்ற உயர் கட்டிடத்தில் வைத்திருந்தார். சிலாங்கூர் வர்த்தக சபையில் முக்கியப் பொறுப்பு வகித்தார்.
தமிழ் இலக்கியப் பணிகள்:
ஜாபர்தீன் மலேசிய இதழ்களிலும், தமிழக இதழ்களிலும் சிறுகதைகள், செய்திக் கட்டுரைகள், அரசியல் விமர்சனங்கள், துணுக்குகள் எழுதியுள்ளார். ஷாபானு, ஜாபர், ஜா.தி., ஜாநூ ஒளியமுதன், கோயிலூரான் ஆகிய புனைப்பெயர்கள் இவருக்குண்டு. மலேசியாவிலிருந்து வெளிவந்து கொண்டிருந்த “தமிழ்நேசன்” இதழின் துணை ஆசிரியராக சிறிது காலம் பணியாற்றினார். எழுத்தாளர்களைப் பெரிதும் ஊக்குவிப்பார். “முஸ்லிம் முரசு” மாத இதழின் ஆசிரியராகயிருந்த ஆளூர் ஜலாலின் திடீர் மரணம் காரணமாக அந்த இதழ் நின்று போகும் நிலை ஏற்பட்டது. அப்போது தலையிட்டு நிதி உதவி செய்து அந்த இதழ் தொடர்ந்து வெளிவரத்துணை நின்றார். அந்த இதழில் “கண்டதும் கேட்டதும்” என்ற தலைப்பில் மாதந்தோறும் செய்தி விமர்சனக் கட்டுரைகளை எழுதி வந்தார். இவை வாசகர்களின் பாராட்டுதல்களைப் பெற்றது. 16.07.1999 அன்று நடைபெற்ற “முஸ்லிம் முரசு” இதழின் பொன்விழாக் கொண்டாட்டங்களுக்குத் தலைமை வகித்தார். பொன் விழா மலர் சிறப்புற அமைய உறுதுணையாக விளங்கினார்.avm withe ashraf shihabu
முஸ்லிம் முரசு தவிர குமுதம், சமரசம், ஜூனியர் விகடன் ஆகிய இதழ்களிலும் கட்டுரைகளும் கதைகளும் எழுதினார். 12 ஆண்டுகளுக்கு மேலாக தொடர்ந்து வெளி வந்து வாசகர்களின் உள்ளத்தில் நீங்காததொரு இடத்தைப் பெற்றிருந்த “சமநிலைச்சமுதாயம்” மாத இதழின் புரவலராகப் பத்து ஆண்டுகளுக்கும் மேலாக இருந்தார். அந்த இதழின் கௌரவ ஆசிரியராகவும் பொறுப்பு வகித்தார். பன்னாட்டு அரசியல் பொருளாதாரப் பிரச்சனைகள் குறித்தும், உள்நாட்டு அரசியல் நிலைமைகள் குறித்தும் அந்த இதழில் அவ்வப்போது ஆய்வுக் கட்டுரைகள் எழுதி வந்தார். இந்த இதழின் புரவலராக இருந்த போதிலும், அதன் ஆசிரியராகப் பொறுப்பு வகித்த மௌலவி எஸ்.என். ஜாபர் சாதிக் பாகவிக்கு மிகுந்த சுதந்திரம் கொடுத்திருந்தார். அதன் காரணமாக பலதரமான கட்டுரைகள் அதில் வெளிவந்தன. இது குறித்து சமுதாயச் சிந்தனையாளர் ஆளூர் ஷாநவாஸ் குறிப்பிடுவதாவது
“சமநிலையின் வெற்றிக்கு முதன்மைக் காரணம் அதன் கருத்தியலுக்குள் நிர்வாகத்தலையீடு இல்லாததேயாகும். பொருளாதாரத்தைப் பெருமளவு முடக்கி பத்திரிகை தொடங்கும் பலரும் அதில் தமது சிந்தனைகளும், செயல்பாடுகளும் முதன்மைப்படுத்தப்பட வேண்டுமென்றே விரும்புவர். அட்டையில் தங்களது படத்தைப்போட்டு மகிழ்ச்சியடைவர். ஆனால் சமநிலையின் நிறுவனர் ஜாபர்தீன் அவ்வாறான மலிவான விளம்பரங்களுக்கான களமாக ஒரு போதும் அந்த இதழைப் பயன்படுத்தியதில்லை. எதை வெளியிட வேண்டும், வெளியிடக்கூடாது என்பதை முடிவு செய்யும் அதிகாரத்தை ஆசிரியருக்கே வழங்கியிருந்தார். அந்த சுதந்திரமே சம நிலையின் எல்லைகளை விரித்தது”.
சமநிலைச் சமுதாயம் இதழில் ஜே.எம். சாலி எழுதிய “இலக்கிய இதழியல் முன்னோடிகள்” என்ற தொடரும், சேயன் இப்ராகிம் எழுதிய “முதல் தலைமுறை மனிதர்கள்” மற்றும் “வாழும் தலைமுறை மனிதர்கள்” என்ற தொடரும் வாசகர்களின் ஒருமனதான பாராட்டுதல்களைப் பெற்றது குறிப்பிடத்தக்கது. மேலும் தமிழகத்தின் பல முன்னணி எழுத்தாளர்கள் எழுதிய அரசியல், சமூகம் சார்ந்த கட்டுரைகளும் இந்த இதழில் இடம் பெற்றிருந்தன.
இஸ்லாமிய இலக்கியத்தின் வளர்ச்சிக்காக ஜாபர்தீன் பெருமளவு பாடுபட்டார். இஸ்லாமிய இலக்கியக் கழகத்தின் பொருளாளராகப் பொறுப்பு வகித்து சிறப்பாகப் பணியாற்றினார். இக்கழகத்தின் சார்பில் நடைபெற்ற பல இலக்கிய மாநாடுகளின் வெற்றிக்கு உறுதுணையாக இருந்தார். எனினும் 2007 ஆம் ஆண்டு சென்னையில் நடைபெற்ற அனைத்துலக இஸ்லாமிய இலக்கிய மாநாட்டின்போது பிற நிர்வாகிகளுடன் ஏற்பட்ட கருத்து வேறுபாடுகள் காரணமாக அந்த அமைப்பை விட்டு விலகினார். பின்னர் பன்னாட்டு இஸ்லாமிய இலக்கியக் கழகம் என்ற இன்னொரு அமைப்பில் இணைந்து பணியாற்றினார். இந்த இலக்கியக் கழகத்தின் சார்பில் 20.02.2010 அன்று சென்னையில் “நபிகள் நாயகக் காப்பியங்கள்” என்ற தலைப்பில் ஆய்வரங்கமும், கருத்தரங்கமும் நடைபெற்றது குறிப்பிடத்தக்கது.பனனடட இஸலமய இலககயக கழகம
தமிழறிஞர் ச.வே.சுப்ரமணியம் திருநெல்வேலிக்கு அருகே “தமிழூர்” என்ற ஒரு ஊரை உருவாக்கி அங்கு உலகத்தமிழ்க்கல்வி இயக்கம் என்ற அமைப்பைத் தொடங்கியபோது அவருக்கு நிதி உதவி செய்தார்.
பல இஸ்லாமிய இலக்கிய நூல்களை நிதி உதவி செய்து பதிப்பித்தார். அதன் பட்டியல் வருமாறு:
1. சீறாப்புராணம் மூலமும், உரையும், விளக்கமும் - டாக்டர் மு. அப்துல்கரீம் மற்றும் ஹனீபா அப்துல்கரீம் (நான்கு பாகங்கள்)
2. மகாகவி அல்லாமா இக்பால் - ஜே.எம்.ஹூஸைன்
3. கூனன் தோப்பு (நாவல்) - தோப்பில் முகம்மது மீரான்
4. தமிழகத்துத் தர்காக்கள் - ஜே.எம். காலி
5. இனிக்கும் இராஜநாயகம் - நீதிபதி மு.மு. இஸ்மாயில்
6. இந்து - முஸ்லிம் சமரச வாழ்வியல் - பேரா. மதார் முகையதீன்
7. வண்ணக்களஞ்சியப் புலவர் எனும் குத்புநாயகம் - டாக்டர் மு. அப்துல்கரீம்
8. சீறாப்புராணம் - மூலமும் உரையும் - காவி. கா.மு. ஷெரீப்
9. நாகூர் ஆண்டவர் திருக்காரணப்புராணம்.
10. நைல் நதிக்கரையில் - பாத்திமுத்து சித்தீக்
11. அண்ணாவின் மீலாது விழா சொற்பொழிவுகள் - ஜே.எம். சாலி
12. இலக்கிய இதழியல் முன்னோடிகள் - ஜே.எம். சாலி
13. கனகாபிஷேக மாலை - முனைவர் நஜ்முதீன்
14. இஸ்லாமிய சிந்தனைகள்
15. குத்புநாயகம் - ஆய்வுரை - டாக்டர் மு. அப்துல்கரீம், ஹனீபா அப்துல்கரீம்
16. திருமணிமாலை - செய்யது முகம்மது ஹஸன்
மேலும் சென்னை உலகத் தமிழாராய்ச்சி நிறுவனத்தில் இஸ்லாமியத் தமிழ் இலக்கியங்களை ஆய்வு செய்வதற்காக ஏ.வி.எம். ஜாபர்தீன் அறக்கட்டளை வழியாக ஒரு ஆய்வு இருக்கையை உருவாக்கி அங்கு தமிழ் இலக்கிய ஆய்வுகள் நடந்திட வழி வகுத்தார்.
சமயப்பணிகள் ஃ பொதுப்பணிகள்:
தனது பிறந்த ஊரான கூத்தாநல்லூரை மறவாது அங்கு வாழ்கின்ற ஏழை எளிய மக்களுக்கு நிதி உதவி செய்து வந்தார். ஏழைக் குடும்பத்து மாணவர்கள் உயர் கல்வி கற்கவும், ஏழைக் குமருகளின் திருமணம் நடைபெறவும் நிதி உதவி செய்தார். அந்த ஊரைச் சார்ந்த பலருக்கு மலேசியாவில் வேலை கிடைக்க ஏற்பாடு செய்தார்.
சமயப் பணிகளுக்கும் நிதி உதவி செய்துள்ளார். கூத்தாநல்லூர் பெரிய பள்ளிவாசல். மன்னார்குடி பள்ளிவாசல், ஆழியூர் பள்ளிவாசல், புதுக்கோட்டை, கீவளுர், திருவோணம் பள்ளிவாசல்கள் ஆகியவற்றின் விரிவாக்கப் பணிகளுக்குப் பெருமளவு நிதி உதவி செய்துள்ளார்.
சென்னை ஆளுநர் மாளிகை வளாகத்தில் 15 லட்சம் ரூபாய் செலவில் பள்ளிவாசல் ஒன்று கட்டிக்கொடுத்தார் (திருமதி பாத்திமா பீவி ஆளுநராக இருந்த போது).நதபதகக நனவபபரச வழஙகபவர ஏ.வ.எம.ஜபரதன
“தென்னகத்தின் அலிகர்” எனப் போற்றப்படும் திருச்சி “ஜமால் முகம்மது கல்லூரியின்” நிர்வாகக்குழு உறுப்பினராகப் பொறுப்பு வகித்த அவர், அக்கல்லூரியின் வளர்ச்சிக்குப் பெரிதும் துணை புரிந்துள்ளார். இந்தக் கல்லூரியில் கணினி அறிவியல் பட்டப்படிப்பு தொடங்கப்பட்ட போது, தேவையான கணினிகளை தனது சொந்த செலவில் வாங்கி வழங்கினார். அத்துறை செயல்படத் தனிக் கட்டிடம் கட்டிக்கொடுத்தார். கணினிக் கல்வியில் மாணவர்களை ஊக்கப்படுத்தும் முகமாக கணினி பட்டப்படிப்பு மற்றும் முதுகலைப் பட்டப்படிப்பில் முதலிடம் பெற்ற மாணவர்கட்கு தன்னால் நிறுவப்பட்ட ஏ.வி.எம். ஜாபர்தீன்-நூர்ஜஹான் அறக்கட்டளை சார்பாக தங்கப்பதக்கங்கள் வழங்கி வந்தார்.
பண்பு நலன்கள்:
தொழிலதிபர், இலக்கியவாதி, எழுத்தாளர், சமுதாயப் புரவலர் எனப்பன்முகத் தன்மை கொண்டவராக ஜாபர்தீன் விளங்கினார். அனைத்து சமய மக்களுடனும் நல்லுறவைப் பேணி வந்தார். பல்வேறு சமய, இலக்கிய நிகழ்ச்சிகளில் கலந்து கொள்வதற்காக மலேசியா நாட்டிற்கு வருகை தந்த தமிழ் அறிஞர்களை வரவேற்று விருந்தோம்புவார். தமிழ் எழுத்தாளர்கள் சுஜாதா, தமிழ்வாணன் ஆகியோருடன் நெருங்கிய நட்புறவு கொண்டிருந்தார்.
குடும்பம்:
ஏ.வி.எம். ஜாபர்தீனுக்கு 1964 ஆம் ஆண்டு திருமணம் நடைபெற்றது. மனைவியின் பெயர் நூர்ஜஹான், இத்தம்பதியினருக்கு ராஸிக் ஃபரீத், காசிம் ஃபரீத் என்ற மகன்களும் டாக்டர் சபீஹா பானு என்ற மகளும் மூன்று பிள்ளைகள். அனைவருக்கும் திருமணமாகி நல்லமுறையில் வாழ்ந்து வருகின்றனர். மகன்கள் மலேசியாவில் தந்தை நடத்தி வந்த வணிக நிறுவனங்களைக் கவனித்து வருகின்றனர்.
மறைவு:
சிறிது காலம் உடல் நலிவுற்றிருந்த அவர் 12.05.2014 அன்று காலமானார். அவரது ஜனாஸா அவரது சொந்த ஊரான கூத்தாநல்லூரில் உள்ள பெரிய பள்ளிவாசலில் நல்லடக்கம் செய்யப்பட்டது. அவரது நினைவைப் போற்றும் வண்ணம் பன்னாட்டு இஸ்லாமிய இலக்கியக் கழகம் “மனத்தால் செழித்த மாண்பாளர்” என்ற தலைப்பில் ஒரு நினைவு மலரை வெளியிட்டுள்ளது.
முடிவுரை:
வள்ளல் மரபு தமிழகத்தில்
மறையவில்லை என்பதையும்
தெள்ளு தமிழை வளர்ப்பதிலே
தீனோர் தாழ்ந்தோர் அல்லவென்றும்
வெள்ளிடை மலையாய் மெய்ப்பித்துள
வித்தகர் ஜாபர்தீன் நலத்தை
உள்ளுவேன் நாளும்
என கவி. கா.மு.ஷெரீப், அவரின் சிறப்புகள் குறித்து புகழாரம் சூட்டுகின்றார். ஏ.வி.எம். ஜாபர்தீன்; இலக்கியத்திற்கும் சமயத்திற்கும் அளப்பரிய சேவை புரிந்துள்ளார். அவரது சேவை தமிழ் முஸ்லிம் மக்களால் என்றும் நினைவு கூறப்பட்டுக்கொண்டே இருக்கும்.
கட்டுரையாளரின்
கைபேசி எண்: 9976735561

திங்கட்கிழமை, 25 செப்டம்பர் 2017 06:32

மண்ணின் வரலாறு-5

Written by

நானிலம் குழுமும் நாகூர்!

நாகப்பட்டினம் நகராட்சிக்குள் அமைந்துள்ள நாகூரைப் பற்றி தெரியாதவர்கள் யாரும் இருக்க மாட்டார்கள். இரட்டை நகர்களான நாகூரும் நாகையும் பல்வேறு பண்பாடுகளைத் தாங்கி நிற்கும் வரலாற்றுக்குச் சொந்தமுடையவை.
ஆதிகாலத்தில் இப்பகுதி ‘புன்னாகவனம்’ என அழைக்கப்பட்டது. புன்னை மரத்தின் மற்றொரு பெயர் நாகமரம். எனவே நாக மரங்கள் சூழ்ந்திருந்த இவ்வூர்கள் நாகை, நாகூர் என மாறியிருக்கலாம்.
இப்பகுதியை நாகன் எனும் மன்னன் ஆண்டதாகவும் இங்கு நாகர்கள் எனும் பழங்குடிகள் வாழ்ந்ததாகவும் செய்திகள் புழங்குகின்றன.
நகரம் என்பதே மருவி நாகூர் ஆகியிருக்கலாம் என சில ஆய்வாளர்கள் மொழிகின்றனர். மேற்கு வங்கத்திலுள்ள சந்திரநாகூர் அதையடுத்துள்ள பாசா நாகூர், கோநாகூர் எனும் ஊர்கள் நம் கவனத்துக்கு உரியன.
நாகூர் முதலில் ஒரு சிறிய மீனவக் கிராமமாகவே இருந்தது. பின்னரே அது தோணித்துறைமுகமாக மாறியது. நாகையோடு சேர்ந்து வளர்ந்து நாகூர் ரெட்டைத் துறைமுகங்களில் ஒன்றாகியது.
மீனவச் சேரியை அடுத்து யவனச்சேரி உருவானது. பூம்புகார் துறைமுகத்தில் குதிரைகள் வந்து கும்மாளமிட்ட போது பிதுங்கிய தோணிகள் நாகை - நாகூரிலும் நங்கூரமிட்டன. சோழர் - பல்லவர் படைகள் ரெட்டை நகரைத் தொட்டுச் சென்றன.
அரபுக்கள் வணிகர்களாக பரிணாம வளர்ச்சி பெற்ற போது அரபு மொழி கொண்டல் காற்றோடு சோழ மண்டலக் கடற்கரையில் சொந்தம் கொண்டாடியது.
ஏழாம் நூற்றாண்டில் அவர்கள் முஸ்லிம்களாக வலம் வந்தார்கள். வந்து தங்கிச் சென்று கொண்டிருந்த அரபு முஸ்லிம்கள் கடற்கரைப் பட்டினங்களில் தங்கி வணிகம் செய்யவும் தொடங்கினார்கள்.
‘யவனர் தந்த வினைமாண் நன்கலம் பொன்னொடு வந்து கறியொடு பெயரும்’ என அகநானூறு கூறுகிறது.
பொன்னைக் கொண்டு வந்த கலங்கள் புரவிகளையும் கொண்டுவந்து கரை சேர்த்தன. மிளகு முதலிய மசாலாக்களைக் கொண்டு சென்ற கலங்கள் முத்தையும் மணியையும் கொண்டு சென்றன. அது ஒரு பொற்காலம்.
ஏழு, எட்டு என ஓடிய நூற்றாண்டுகள் பத்தைத் தாண்டி பதிமூன்றையும் எட்டிப்பிடித்த போது அரபகத்திலிருந்து முஸ்லிம்கள் கப்பல்களில் வந்து கரையேறினர்.
கி.பி.1269 -
அப்போது அரபகத்தை ஆண்ட ஹஜ்ஜாஜ் இப்னு யூசுஃபின் அறமில்லா ஆட்சியைப் புறக்கணித்து முஸ்லிம்கள் கப்பல் கப்பலாய் மலையாள, தமிழகக் கடற்கரைப் பட்டினங்களில் வந்திறங்கினார்கள்.
அக்கப்பல்களில் சில நாகை, நாகூர் பட்டினங்களிலும் நங்கூரமிட்டன.
காயல்பட்டினம், கீழக்கரை, தொண்டி, அதிராம்பட்டினம், காரைக்கால், திருமுல்லைவாசல், பரங்கிப்பேட்டை, கடலூர், கோட்டைக்குப்பம், பழவேற்காடு என பனிரெண்டு பட்டினங்களில் அரபு வம்சாவழியினர் வந்திறங்கி வாழத்தொடங்கினர்.
அவர்கள் எல்லோருமே வணிகர்கள், மரைக்காயர்கள், கப்பல் கட்டுவோர், கடலோடிகள் என வாழ்ந்தவர்கள். அரபகத்தில் அவர்கள் செய்த தொழில்களையே தாம் புலம் பெயர்ந்த இடங்களிலும் செய்தனர்.
இவர்களன்றி நாகூரில் வந்து குடியேறியவர்களில் “மாலிமார்கள்” குறிப்பிடத்தக்கவர்கள்.
முஹல்லிம் - மாலிமார் எனத் தம் பெயருக்குப் பின் குறிப்பிடும் இவர்கள் ஆசான்கள், கப்பல் தலைவர்கள், வழிகாட்டிகள் எனும் தலைமைத்துவ வட்டத்துக்குள் வருபவர்கள்.
நாகூரில் மாலிமார் தெருவென்றே ஒரு தெரு உண்டு.
மாலிமார்களில் மிகச் சிறந்த வணிகரும் நாகூர் தமிழ்ச் சங்க நிறுவனருமான சகோதரர் முஹம்மது ஹுஸைன் மாலிமாரைக் காணும் வாய்ப்பு அண்மையில் கிடைத்தது. அவரை இருமுறை சந்தித்த எனக்கு நாகூரைப் பற்றிய பல தரவுகள் கிடைத்தன. இவர் முன்னாள் நாகைத் தொகுதி சட்டமன்ற உறுப்பினர் சகோதரர் நஜிமுதீனின் மூத்த சகோதரர் பெஹ்ரைன் முடியரசின் தலைநகர் மனாமாவில் நவமணிகள் வணிகம் செய்யும் அன்பர் தகவல் களஞ்சியமாகத் திகழ்கிறார். இவரை இளம் எழுத்தாளர் நாகூர் ரிஸ்வான் எனக்கு ஆற்றுப்படுத்தினார்.
நாகூரில் குடியேறிய அரபு முஸ்லிம்களோடு காயல்பட்டின, கீழைக்கரையில் குடியேறியவர்கள் தொடர்பு வைத்திருக்கின்றனர். சோழ மண்டலக் கடற்கரையின் நடுவில் அமைந்த துறைமுகப்பட்டினங்களான நாகூரும் நாகப்பட்டினமும் கப்பல் தொழிலுக்கு மையப்புள்ளியாக இருந்ததால் காயல், கீழை கப்பல் வணிகர்கள் நடுப்பட்டினங்களை மிகவும் நேசித்திருக்கிறார்கள். அங்கேயே குடியேறியும் இருக்கிறார்கள். தெற்குத் தெருவில் அவர்கள் திரளாக உள்ளனர்.
அவர்கள் மரைக்காயர்கள் என்றாலும் மாலிமார்களோடும் மணவுறவு வைத்திருந்தனர். இன்றும் அவ்வுறவைத் தொடர்கின்றனர்.
கடலோரத்தை கலங்கள் நிறுத்துமிடமாகக் கொண்டவர்கள் வெட்டாற்றையும் ஏற்றுமதி - இறக்குமதிக்குப் பயன்படுத்திக் கொண்டிருக்கின்றனர்.
நாகூரின் வடக்கில் பாயும் வெட்டாற்றின் தென்கரையில் அமைந்திருந்த மேலை நாகூர் முகத்துவரமாகவும் விளங்கியிருக்கிறது. அங்கு பண்டக சாலைகளும் குடியிருப்புகளும் இருந்துள்ளன.
மண்மூடிப்போன மேலை நாகூர் அகழ்ந்தெடுக்கப்பட்டால் பல வரலாற்றுச் சான்றுகள் கிடைக்கக்கூடும். தொல்பொருள் துறையிடம் மேலைநாகூரை அகழ்ந்து பார்க்க கேட்டுக் கொண்ட முயற்சிகள் முன்னேற்றம் காணவில்லை.
மேலை நாகூருக்கு அண்மையில் இயற்கை எரிவாயு நரிமணத்தில் கண்டுபிடிக்கப்பட்டு உற்பத்தி தொடங்கப்பட்டுள்ளது.
பெருந்தோணிகள் நிறைந்திருந்த நாகூர்பட்டினம் படிப்படியாக பக்தர்கள் வந்து குவியும் ஆன்மீகப்பட்டினமாய் மாறியது எப்படி?
உத்திரப் பிரதேசத்தில் அயோத்திக்கு அருகிலுள்ள மாணிக்கப்பூரில் கி.பி.1490 (ஹிஜ்ரி 910) இல் பிறந்த மாமனிதர் சாகுல் ஹமீது அரபு - ஃபார்ஸி மொழிகளிலிருந்த சமய நூல்களைக் கற்றுத் தேறி பேராசான் ஆனார். அந்தப் பேராசானுக்கு ஆயிரக்கணக்கான மாணவர்கள், அவர்களில் 400 பேர் புடை சூழ தம் 37 ஆவது அகவையில் பலுசிஸ்தான், ஆப்கானிஸ்தான், பாரசீகம் எனப் பயணித்து மக்கா சென்றார். பின் அங்கிருந்து மாலைத் தீவு, இலங்கை என கப்பலேறி தமிழகக் கடற்கரைக்கு வந்து சேர்ந்தார்.
அக்கால கட்டத்தில் தஞ்சைப் பகுதியை ஆண்ட மகாராஜா அச்சுதப்ப நாயக்கர் தீராத வயிற்று வலியால் அவதிப்பட்டார். அவரின் வயிற்று வலியைப் போக்க ஆவன செய்ததால் நற்பெயர் பெற்ற மாமனிதரை மன்னர் நாகூரில் தங்கச் செய்தார்.
நீண்ட பயணம்; பெருங்குழுவினர்; நீண்ட காலம், அவர்களின் அக்காலப் பயணத்தை கொஞ்சம் நினைத்துப் பாருங்கள். இத்தகைய பெரும் பயணம் செய்தவர் உலகில் இவர் ஒருவராகத்தான் இருக்க முடியும்!
கடலோரம் குடியேறிய ஆன்மீகப் பெரியாரைக் கண்டு உடல் நலமும் மனநலமும் பெற்றவர்கள் பலர். அவருக்கு தஞ்சையை ஆண்ட மன்னர்கள் நிலபுலன்களையும் பொருள்களையும் கொடுத்து மகிழ்ந்தனர்.
நாகூரில் நடந்தேறிய ஒரு முக்கிய திருமணம் வரலாற்றில் பொன் எழுத்துக்களில் பொறிக்கப்பட வேண்டிய நிகழ்வு.
அப்போது கீழ் நாகூரில் மாணிக்கப்பூர் மைந்தர்கள் வாழ்ந்து வந்தனர். மேல் நாகூரில் மாலிமார்களில் ஏழு குடும்பங்கள் வாழ்ந்து வந்தன.
இறைவனின் எண்ணப்படியும் திட்டப்படியும் மாணிக்கப்பூர் மாமனிதரின் மைந்தர் யூசுப் சாகிப் மாலிமார் குடும்பத்துக் குலக்கொடியை மணந்து கொள்ளும் வாய்ப்பு ஏற்பட்டது. ஏழு குடும்பங்களில் சிலர் சம்மதிக்கவில்லை; சிலர் சம்மதித்தனர்.
இம்மண நிகழ்வில் மூலம் வந்தவர்களே இன்று சாபுக்கள் என அழைக்கப்படும் பாபுக்கள். அதே சமயம் கலப்படம் ஆகாத மாலிமார்கள் இன்றும் மாலிமார்களாகவே பரம்பரையைத் தொடர்கின்றனர். மரைக்காயர்களோடும் மணவுறவு கொள்கின்றனர்.
மாணிக்கப்பூர் மாமனிதர் கி.பி. 1558 இல் மரணிக்க அவர் அடக்கத்தலம் தர்காவானது. பின்னர் படிப்படியாக தர்கா பெரிய மகாலாக மாறியது.
மராட்டிய மன்னர் பிரதாப்சிங் தர்காவின் முன் 90 அடி உயரமுள்ள அழகிய கூண்டைக் கட்டச் செய்தார். பிரதாப்சிங்கின் மகன் மகாராஜா துளசாஜி பதினெட்டாம் நூற்றாண்டின் இறுதியில் 6000 ஏக்கர் நிலத்தை தர்காவுக்காக அளித்தார்.
கோவில்களில் சிலை வணக்கம். தர்காக்களில் சமாதி வணக்கம். நாகூர் தர்காவும் கோவிலைப் போலவே இயக்கப்படுகிறது. கோவிலில் திருப்பள்ளி எழுச்சி என்றால் தர்காவில் அதிகாலையில் நான்கு பேர் வாழ்த்துச் சொல்ல தர்பார் தொடங்குகிறது.
கோவிலில் யானையைக் காணலாம். நாகூர் தர்காவிலும் யானை ஆசி வழங்கியது. முப்பது ஆண்டுகளாக இங்கிருந்த காதர் பீவி என்ற யானை 1989 இல் இறந்தது. 1990 இல் வந்த பாத்திமா என்ற யானை 2014 இல் மரணிக்க மூன்று ஆண்டுகளாக யானையில்லாமல் இருக்கிறது நாகூர் தர்கா.
கோவில்களில் தமிழ்ப் புலவர் நியமனம் போல நாகூர் தர்காவிலும் தர்காப் புலவர் இருந்தார். நாகூர் தர்கா ஆஸ்தான சங்கீத வித்வான் உயர்திரு எஸ்.எம்.ஏ. காதர் மறைந்த பின் அவ்விடம் காலியாகவே உள்ளது.
கோவில்களில் தேர்த் திருவிழா என்றால் தர்காவில் சந்தனக்கூடு. பிற மக்களை ஈர்க்க செய்யப்பட்ட கந்தூரி இன்றும் தொடர்கிறது. தமிழகத்தில் எந்தக் கொம்பன் வந்தாலும் நாகூரை அசைக்க முடியாது.
நாகூர் போன்ற இடங்கள் இரு சமூக இணைப்புப் பாலமாக விளங்குகிறது. சரபோஜி மன்னனின் காலத்தை சிலர் மாற்ற முயன்றாலும் காலம் அவர்களை மாற்றவிடாது. தர்காவின் முன் எழுந்து நிற்கும் ஸ்தூபி அதற்கு சாட்சியாக நின்று கொண்டிருக்கிறது. அதுவே நாகூரின் அடையாளம்.
“அலங்கார வாசல்” அழகாக நின்று அனைவரையும் வரவேற்புரை ஆற்றாமல் வரவேற்கிறது. அவ்வாசலை அமைத்துக் கொடுத்த புரவலர் அ.பு.நகுதா அவர்களின் புகழைப் பேசாமல் பேசுகிறது.
புரவலர் அ.பு.நகுதா அவர்கள் வாழ்க்கையில் 1850 முதல் 1900 வரை பொற்காலமாகும். மிக விரிந்த ஏற்றுமதி இறக்குமதிக்காரரும் பல கப்பல்களுக்குச் சொந்தக்காரருமான புரவலர் நூற்றுக்கணக்கானவர்களை அலுவல்களில் அமர்த்தியிருந்தார்.
இவரைப் போல மேலும் சில கப்பல் வணிகர்கள், அவர்கள் ஒவ்வொருவரிடமும் பல பல கடலோடிகள். இவர்களில் பெரும்பாலோர் தொண்டி, பாம்பன், மண்டபம் என இராமநாதபுரக்காரர்கள்.
இவர்கள் குடும்பத்துடன் முகைதீன் பள்ளிவாசல் அருகில் குடியேறியிருந்தார்கள். குடும்பத்திலுள்ள ஆண்கள் கப்பல் வேலைக்குச் சென்றால் திரும்ப ஓராண்டாகும்.
அதுவரை கப்பல்காரரே அவர்களின் குடும்பத்திற்கு பாதுகாவலர் ஆவார். அக்காலத்தில் கப்பல் தொழிலாளர் குடும்பங்கள் அங்கிருந்த பல சிறு சிறு தெருக்களில் வாழ்ந்தனர். அவர்களுக்குத் தனித்தனி சமையல் கிடையாது. அவர்களுக்குரிய உணவுகள் மைதீன் பள்ளி வளாகத்தில் மொத்தமாக தயாரிக்கப்பட்டன.
மூன்று வேளையும் முழங்கும் நகரா ஓசை அவர்களை உணவுண்ண அழைக்கும். தொழுகை அழைப்புக்கு குண்டு போடப்பட்டது.
காலப்போக்கில் வணிகத்துக்காகவும் வேலைகளுக்காகவும் குடியேறிய பல்வேறு ஊர்மக்கள் நாகூர்வாசிகளாகவே மாறிப் போனார்கள். எல்லோருமே வந்தவாசிகள்.
நாகூரை ‘புலவர்கோட்டை’ எனப் போற்றுகிறார்கள். அது உண்மை என்பதை வரலாறு நிரூபித்துள்ளது. தமிழக முஸ்லிம் ஊர்களிலேயே இலக்கியமும் இன்னிசையும் கை கோர்த்துக் கொண்ட ஒரே ஊர் நாகூரே!
படைப்பாளிகளில் மிகச் சிறந்தவராகிய குலாம்காதிறு நாவலர் கவிதையிலும் உரை நடையிலும் பேரும் புகழும் பெற்றார். இவர் எழுதிய நாகூர்ப்புராணம், ஆரிபு நாயகம், மதீனாக் கலம்பகம், உமறு (மொழி பெயர்த்த நாவல்) ஆகியவை குரிப்பிடத்தக்க படைப்புகள். இவரின் புதல்வரே ஆரிஃபு நாவலர்.
முஸ்லிம் தமிழ்ப் பெண் படைப்பாளிகளில் முதன்மையானவர் சித்தி ஜுனைதா. இவர் எழுதிய ‘காதலா/ கடமையா’, ‘மகிழம்பூ’, ‘ஹலீமா’, ‘வனஜா’, ‘பெண் உள்ளம்’, ‘மலைநாட்டு மன்னன்’ ஆகியவை குறிப்பிடத்தக்கவை.
இவருடைய குடும்பமே படைப்பாளிகளின் பாசறை, தம்பிகள் நாகூர் சலீம், தூயவன் (அக்பர்) தூயவனின் துணைவியார் ஜெய்புன்னிசா என முந்தைய தலைமுறையையும் நாகூர் ரூமி போன்றோர் இன்றைய தலைமுறையையும் அலங்கரிக்கிறார்கள்.
எம்ஜியாரின் கதையிலாகாவில் இருந்த ரவீந்தர் (செய்யது முகம்மது) ‘இசை முரசு’ இ.எம்.ஹனீஃபா, ‘இசைமணி’ யூசுஃப் கவிஞர் காதர் ஒலி என நாகூரின் இலக்கிய - இசைவாணர்களின் பட்டியல் மிக நீளமானது. தனி மனிதர்கள் செய்த பணிகளை இன்று நாகூர் தமிழ்ச் சங்கம் தொடர்கிறது.
நாகூரின் வீதிகளிலெல்லாம் தப்ஸ் இசை தவழ்வது போலவே இருக்கும். அங்கு தோல் ஒலியும் சதங்கை மொழியும் முயங்கிக் கிடக்கும். இங்குள்ள பைத்து சபாக்கள்தான் கவிஞர்களையும் பாடகர்களையும் உருவாக்கின. கௌதியா பைத்து சபா, காயிதே மில்லத் சபா, யூசுபியா பைத்து சபா, ஹமீதியா பைத்து சபா என சதங்கை கட்டிய சிறுபறை ஏந்திய குழுவினர் இன்றும் மணவிழா ஊர்வலங்களை மகிமைப்படுத்துகின்றனர்.
சுற்றுலா பயணிகள் சூழும் ஊர் என்பதால் பல ஊர், மக்களைப் பார்க்க முடிகிறது. உணவு விடுதிகளும் தங்கும் விடுதிகளும் அல்வாக் கடைகளும் பல்வேறு பொருள் விற்கும் கடைகளும் நாகூரின் செழுமையைக் காட்டுகின்றன. பதினைந்துக்கு மேல் பள்ளிவாசல்கள் உள்ளன.
தர்காவில் காணிக்கை நிறைகிறது. சாபுமார்கள் நிறைவோடு வாழ்கிறார்கள்.படித்தவர்கள் எண்ணிக்கை அதிகமானதால் பணிகளில் சிறக்கிறார்கள். என்றுமுள்ள வெளிநாட்டுத் தொடர்புகள் கிழக்கிலும் மேற்கிலும் கால் நீட்டிப் படுத்துக் கிடக்கின்றன.
பல்வேறுவகை முஸ்லிம்கள் நாகூரில் காணக் கிடைத்தாலும் பச்சைத் தலைப்பாகைக் காரர்களையும் தர்காவைச் சூழ காணலாம். பல்வேறு ஊர்களில் வாழக்கூடிய ஐந்து தரீக்காக்காகாரர்கள் அவ்வப்போது காணப்பட்டாலும் கந்தூரி காலத்தில் மொத்தமாக வந்து விடுவார்கள்.
எஜமானனின் பிள்ளைகள் அவர்கள், பக்கீர்கள் எனும் அவர்களின் தப்ஸ் நாதத்தோடு இஸ்லாமிய வரலாறுகளைக் கேட்க கேட்க நம் காதுகள் குளிரும், கல்புகள் சம்மனம் போட்டு அமர்ந்து கொள்ளும்.